1 Ko-Kɔrɔta-Karan 26:26 - ALLALA KUMƐ

²⁶ Mansa Dawuda anubɛ kebila-kunyɛnu ya fen-kolomɛ minnu dantɛgɛ Alla ma wo, kɛlɛ-kunyɛnu anubɛ bɔnsɔn-kunyɛnu ya fen-kolomɛ minnu dantɛgɛ Alla ma wo, Sɛlomiti kɛ anubɛ a kebilɛ le wonu namarala.

1 Ko-Kɔrɔta-Karan 26:26 ပူးပေါင်းရင်းမြစ်များ

2 Samuwɛli 8:11

Mansa Dawuda ya fen-kolomɛ wonu bi ka anu dantɛgɛ Allata wɔlɛla ko la. Idɔm kɛnu wo, Mohabu kɛnu wo, Amonnu wo, Filisitinu wo, Amalɛkinu wo, a ya fen-kolomɛ min bɛɛsi bi anu bolo kɛlɛ rɔ, a ya wonu fanan dantɛgɛ Allala wɔlɛla ko la. Wo kɔma, a ya fen-kolomɛ minnu bi Hadadisa bolo, a ya wo do sa wonu kuma.

1 Ko-Kɔrɔta-Karan 18:11

Mansɛ ya fen-kolomɛ wonu bi ka anu dantɛgɛ Allata wɔlɛla ko la. Idɔm kɛnu wo, Mohabu kɛnu wo, Amonnu wo, Filisitinu wo, Amalɛkinu wo, a ya fen-kolomɛ min bɛɛsi bi anu bolo kɛlɛ rɔ, a ya wonu fanan dantɛgɛ Allala wɔlɛla ko la.

1 Ko-Kɔrɔta-Karan 22:14

N bara n taya Bato-Bɔn sɔ-miran wara-koe rɔ. N bara sɛnɛ min nadɛn, wonubɛ fui-fan bɔrɔ waga bi-lolila (5,000) gbiliyɛ rakɛn de! N bara wodi-gbɛ min nadɛn, wonubɛ fui-fan bɔrɔ waga kɛmɛ lolila (50,000) gbiliyɛ rakɛn de! N bara nɛgɛ-kundi anubɛ silɛɛ minnu nadɛn, wonu siya. Dan sa a la. N bara kɔlɔmanu anubɛ kurinu nyini kɔnɔ fɔ ile fanan ni do nyini tun.

1 Ko-Kɔrɔta-Karan 26:25

Kɛrisɔn dɔgɔ Ɛliyesa, wo kegeya-mɔgɛ do le Sɛlomiti la bawo Ɛliyesa ya Rehabaya sɔrɔn. Rehabaya ya Yɛsaya sɔrɔn. Yɛsaya ya Yɔram sɔrɔn. Yɔram ya Sikiri sɔrɔn. Sikiri wo le ya Sɛlomiti kɛ sɔrɔn.

1 Ko-Kɔrɔta-Karan 26:27

Kɛlɛ ya fan minnu bira, anu ya wonu dantɛgɛ Marila wɔlila ko la Bato-Bɔn la.

1 Ko-Kɔrɔta-Karan 28:21

Saraka-masɔlɛ anubɛ Lifayi bɔnsɔn-mɔgɛ toenu sɔnta anuta wɔlɛ ma Alla Bato-Bɔn burɔ. Boloma-wɔli-kɛlɛ minnu kusan, wonu tabɛnnɛ i dɛnbɛn-koe ma. Nyamanita-mɔgɛnu anubɛ anuna kun-tiginu tabɛnnɛ ka ita kumɛ bira Bɔn sɔ-koe kɛ rɔ.

1 Ko-Kɔrɔta-Karan 9:14

Lifayi bɔnsɔn-mɔgɛ minnu sigira Yerusalɛm soe burɔ, wonu tɔgɛ le kɛnu na, Sɛmaya wo, Bakibakari wo, Hɛrɛsi wo, Kelali wo, Matanaya wo, Hɔbadaya wo, anubɛ Bɛrɛkaya. Sɛmaya wo benbanu tɔgɛ le kɛnu na, Hasubu wo, Asiraikam wo, anubɛ Hasabaya. Wonu bɔra Mɛrari kebilɛ rɔ. Matanaya wo benbanu tɔgɛ le kɛnu na, Maika wo, Sikiri wo, anubɛ Esafi. Hɔbadaya wo benbanu tɔgɛ le kɛnu na, Sɛmaya wo, Kelali wo, anubɛ Yɛdutun. Bɛrɛkaya wo fa tɔgɛ le Esa. Esa wo benba tɔgɛ le Ɛlakena. Ɛlakena kɛ sigira Nɛtofa soe tɛngbɛnya do rɔ.

2 Ko-Kɔrɔta-Karan 23:8

Lifayi bɔnsɔn-mɔgɛnu anubɛ Yuda nyamanita-mɔgɛnu ya Saraka-Masɔla Yɛhoyadala kumɛ bira anu bolo filɛ la. Ni mɔgɛ minnu ya anuna wɔlɛ boloka wo, anubɛ minnu bi wɔlɛ dabirala wo, wonu damasi ye kɛlɛ-den-kunyɛnuna sarati kɔrɔ.

2 Ko-Kɔrɔta-Karan 31:2

Mansa Hɛsakaya ya saraka-masɔlɛnu anubɛ Lifayinu fara iko anuna wɔlɛnu bi nya min nun. Donu bi saraka-mintan-ko-wɔlɛ la. Donu bi yisi-kima-saraka-ko-wɔlɛ la. Donu bi nyɔ ka anu sɔ ladɛn wo yakɔrɔ. Donu bi matɔgɔlɛ kun na Bato-Bɔn wo tɔnkɔn donu tɔ.

Ɛsira 2:42

Bato-Bon-makandannɛ minnu sɛgira, wonu yatɛ bɛnta mɔgɔ kɛmɛ, mɔgɔ bi-sawa ani mɔgɔ kɔnɔntɔ (139) ma. Bato-Bon-makandannɛ wonu benba tɔgɛ le kɛnu na, Salumu wo, Etɛri wo, Talamɔn wo, Akubu wo, Hatita wo, anubɛ Sobayi.

Nihɛmaya 12:45

bawo anu ya anu masɛninya wɔli anubɛ ladɛnnu kɛ a kilɛ fɛ iko Alla ya a fɔ anu ye nya min. Bato-Bon-fɔli-kɛlɛnu wo, a makandannɛnu wo, wonu wɔlita iko Mansa Dawuda anubɛ ala den Mansa Silamɛni ya a fɔni to anu ye nya min.