1 Ko-Kɔrɔta-Karan 26:20 - ALLALA KUMƐ

²⁰ Lifayi bɔnsɔn-mɔgɛ donu mara Bato-Bɔn-wodi anubɛ Alla kɔ-fannu-namaralɛnu na.

1 Ko-Kɔrɔta-Karan 26:20 ပူးပေါင်းရင်းမြစ်များ

1 Mansɛnu 14:26

A ya fen-kolomɛ damasi bi Mari Bato-Bɔn la anubɛ Mansa Rihobowamina bolɔn la. Hali a fa Mansa Silamɛni ya sɛnɛ minnu ma kɛlɛ-den matanka-fan la, a ya wonu fanan bi a bolo.

1 Mansɛnu 15:18

Sɛnɛ anubɛ wodi-gbɛ minnu bi Mari Bato-Bɔn anubɛ ata bolɔn la, Yuda Mansa Esa ya wonu bi. A ya wonu don ata mɔgɔ-ba donu bolo. Wonu tara wonu to tinɛ Siriya Mansa Bɛnhedadi ma Damasika soe burɔ. Mansɛ wo fa tɔgɛ le Tabirimɔn. A benba tɔgɛ le Hisiyɔn. Mansa Esa ya a sara ala mɔgɔ-ba wonu na ko anu ni ta a fɔ Siriya mansɛ wo ye ko,

1 Mansɛnu 7:51

Mansa Silamɛni ban Mari Bato-Bɔn sɔla, a fa Dawuda ara miran min bɛɛ dantɛgɛ Mari ma nun, a ya miran wo bɛɛsi ladon Bato-Bɔn wo fen namara tinɛnu tɔ. A ya miran minnu nadon, wo le kɛnu na, wodi-gbɛ-mirannu wo, sɛnɛ-mirannu wo, anubɛ fen-kolomɛ donu. A ya wo bɛɛ sa fen namara tinɛnu tɔ Mari Bato-Bɔn la.

1 Ko-Kɔrɔta-Karan 18:11

Mansɛ ya fen-kolomɛ wonu bi ka anu dantɛgɛ Allata wɔlɛla ko la. Idɔm kɛnu wo, Mohabu kɛnu wo, Amonnu wo, Filisitinu wo, Amalɛkinu wo, a ya fen-kolomɛ min bɛɛsi bi anu bolo kɛlɛ rɔ, a ya wonu fanan dantɛgɛ Allala wɔlɛla ko la.

1 Ko-Kɔrɔta-Karan 26:19

Mɔgɛ minnu bɔra Kora anubɛ Mɛrari kebilɛ rɔ, anu ya fen-makandan-ko-wɔlɛ tala wonu na ka le.

1 Ko-Kɔrɔta-Karan 26:21

Kɛrisɔnla den Leyadan, wo le mara kebila-siyaman-kunyɛ la. Hali ala den Yɛhiyɛlita denbayɛnu ye wonu tɛma.

1 Ko-Kɔrɔta-Karan 26:22

Bato-Bon-wodi anubɛ fen-namaralɛ le Leyadanla den Setami anubɛ Yowɛli la.

1 Ko-Kɔrɔta-Karan 26:24

Nɛbi Musa mamanɛ, Subeyɛli, Kɛrisɔnla dan, kɔni, wo le mara fen-namaralɛnuna-kun-tigi la.

2 Ko-Kɔrɔta-Karan 8:15

Mansa Dawuda ya koe min bɛɛsi fɔ saraka-masɔlɛnu anubɛ Lifayinu ye katarala fen-namara-bɔnnu ma, anu ya wo bɛɛ ma a kilɛ fɛ.

Ɛsira 2:69

Anu ya anu se koe kɛ wɔlɛ kɛla ko la. Anu ya sɛnɛ min bɔ wɔlɛ wola ko la, wola gbiliyɛ anubɛ fui-fan bɔrɔ wɔrɔnfilata gbiliyɛ rakɛn de! Anu ya wodi-gbɛ min bɔ, wola gbiliyɛ anubɛ fui-fan bɔrɔ bi-nanita gbiliyɛ rakɛn de! Anu ya duruku-ba kɛmɛ labɔ saraka-masɔlɛnuna ko la.

Ɛsira 8:28

N ban kɛ damasi labɔla, n ya a fɔ anu ye ko, “Wole dantɛgɛni de ma benbanuta Mari Alla ma. Mɔgɛnu nara sɛnɛ anubɛ wodi-gbɛ-miran minnu na Mari ye hɛniki-sarakayɛ la, wonu fanan dantɛgɛnɛ a ma iko wole.

Nihɛmaya 12:44

Anu bi yakanu namarala Bato-Bon-konko minnu na, a fui-fen wo, a ki-fen wo, anu ya mɔgɛ donu sigi wonu kun na. Wonuta wɔlɛ ma fenfen na fɔ ka yakanu makele mɔgɛnu bolo saraka-masɔlɛnu anubɛ Lifayinu ye sɛnɛnu tɔ soenu dafɛ iko tɔn ya a fɔ nya min. Yuda nyamanita-mɔgɛnu sewara saraka-masɔlɛnu anubɛ Lifayinu na

Malakayi 3:10

A bɛnta, a ni yaka min nyɔgɔn sɔrɔn wo bolo, a ko wo ni na wo dama la Bato-Bɔn la woletɔ dɔn-fan ra si boroko-baraka nyɔ rɔ. Mari ko wo ni a rasuma. A ko wo si a yen ni a ti san-kolo-dɛnu naka ka fen-nyima-siyaman nayigi wo ma biribiri!