1 Ko-Kɔrɔta-Karan 26:17 - ALLALA KUMƐ

¹⁷ Tele-wo-tele, mɔgɔ wɔrɔ-wɔrɔ si to tele-bɔɛ waralɛ makandanna. Kantɔ wara la, mɔgɔ nani nani. Dugula wara la, mɔgɔ nani-nani. Fen namara tinɛnu, mɔgɔ nani, fila-filanyɛ ma.

1 Ko-Kɔrɔta-Karan 26:17 ပူးပေါင်းရင်းမြစ်များ

1 Ko-Kɔrɔta-Karan 26:16

Korɔn gbɛra Supim anubɛ Hosa ma ko wonu ni to tele-yigi warala-dɛ makandanna anubɛ da-dogbɛrɛ min bi kilɛ kantɔɛ telen tɔ. Dɛ wo tɔgɛ le Salɛkɛti. Wɔli talanɛ anu tɛma wati sanɛ le ma ka le.

1 Ko-Kɔrɔta-Karan 26:18

Mɔgɔ fila-fila si to dandan-kɔrɛ makandanna tele-yigi wara la. Mɔgɔ nani-nani si to kilɛ makandanna.

1 Ko-Kɔrɔta-Karan 9:24

Minnu bi dɛ wonu makandanna, anu si do sigi tele-bɔɛ wara la. Anu si do sigi tele-yigi wara la. Anu si do sigi kantɔ-wara la. Anu si do sigi dugula wara la. Makandannɛ kɛ bɛɛta kunyɛ ye nyɔ rɔ.

2 Ko-Kɔrɔta-Karan 31:14

Anu bi kɔ-fen minnu dila Mari ma, Iminala dan min tɔgɛ Kɔri, wo mara wonu namaralɛ anubɛ a bɔlɛ la. A fa Imina le Bato-Bɔn da-makandannɛnu kun na don-dɛ la min tɔgɛ le ko “Tele-Bɔɛ Don-Dɛ.” Lifayi le anu na.

2 Ko-Kɔrɔta-Karan 8:14

A ya wɔlɛ tala Lifayinu anubɛ saraka-masɔlɛnu na iko a fa Mansa Dawuda ya a rabɛn nya min nun. Lifayinu bi sigi-sɛ kun na anubɛ Bato-Bon-wɔlɛ donu kɛla. A ya Bato-Bɔn da-makandan-wɔlɛ tala anu na kurun-kurunyɛ ma iko a fa Mansa Dawuda ya a rabɛn nya min, Allata mɔgɛ, kɔni.

Nihɛmaya 12:25

Matanaya wo, Bakibukiya wo, Hɔbadaya wo, Mɛsulam wo, Talamɔn anubɛ Akubu, Bato-Bon-fen-namara-tinɛ da-makandannɛ le kɛnu na.