1 Ko-Kɔrɔta-Karan 25:6 - ALLALA KUMƐ

⁶ Isirɛla mɔgɛnu tenbi batoli-kɛ-tinɛ, Himanta dan kɛnu bi karanya anubɛ sɔrɔnnu denu fɔla iko anu fa ye anu nabilala nya min. Anu fa mɔgɔ sawɛ kɛnu, Esafi wo, Yɛdutun wo, anubɛ Himan, wonu bi wɔlila mansa nyɛrɛ-nyɛrɛ le kɔrɔ.

1 Ko-Kɔrɔta-Karan 25:6 ပူးပေါင်းရင်းမြစ်များ

2 Samuwɛli 6:5

Mansa Dawuda anubɛ ala kɛlɛ-dannu bi tala anu dɔnna kirindi wo kɔma. Anu bi sigi sala anu sɛnbɛ bɛɛ la. Anu bi sɔrɔnnu anubɛ bɔlɔnnu anubɛ yonbenu anubɛ wasanbɛnu anubɛ dundɔnnu fɔla ka Mari gbiliya.

1 Mansɛnu 10:12

Mansa Silamɛni ya kɔlɔma wonu denu bi ka anu ma Marita Bɔn anubɛ a nyɛrɛta bolon sɛnbɛ-don-fannu na. A ya kɔlɔma-su wonu denu bi ka anu ma sɔrɔnnu anubɛ bɔlɔnnu na ka wonu don fɔli-kɛlɛnu bolo. Ka a bi wati wo ma ha ka a sigi kaka la, mɔgɔ-wo-mɔgɔ ma ke kɔlɔma-su kelan wo lanala Isirɛla nyamanɛ rɔ.)

1 Ko-Kɔrɔta-Karan 15:16

Mansa Dawuda ya a fɔ Lifayi mɔgɔ-banu ye ko anu ni anu ya-lakalan anu kurun tɔ ka anu bole sɔ sigi-salɛnu anubɛ fɔli-fen-fɔlɛnu na minnu bi sɔrɔnnu anubɛ karanyanu fɔla. Wo kɔma, anu ni tolɔn kɛ a rɔ.

1 Ko-Kɔrɔta-Karan 15:22

Anu ya Kɛnɛnaya ma tolonnɛ wonuna kun-tigi la bawo a kusan tolon koe la dɔgɔma-ma.

1 Ko-Kɔrɔta-Karan 23:5

A ya mɔgɔ waga nani (4,000) bi alako wonu ni to kan tinɛ wo makandanna. A ya a nyɔgɔn waga nani (4,000) bi tun alako wonu ni to Mari tantola tolon-fannu na Mansa Dawuda ya minnu nadan bato-ko-wɔlɛ wola ko la.

2 Ko-Kɔrɔta-Karan 20:28

Anu ke Yerusalɛm soe burɔ, anu dama tara Bato-Bɔn kata burɔ, fɔli-fannu kɛnɛ a rɔ anu bolo, a sɔrɔn wo, a serema wo, a buru wo.

2 Ko-Kɔrɔta-Karan 23:13

A ke nyɔ, a ya mansa kurɛ sɔnɛ taran Bato-Bɔn don-dɛ la sɛnbɛrɛn-kɔn dafɛ mansɛnu duruta sɔla kan min. Mansa-kurɛ kɛ lafoonɛ kɛlɛ-den-kunyɛnu na anubɛ buru-fɛlɛnu. Anu damasi ye a lawɔyɔla sewɛ bolo. Anu bi burinu fanan fɛla. Bato-Bɔn fɔli-fannu kɛnɛ a rɔ fɔli-kɛlɛnu bolo. Ale Atalaya ya wo rayen min kɛ, a ya ala duruki rafarafara yisi-tinya bolo. A ya a kuli mayɛlɛ ka a fɔ ko, “Wo ye n nabu-koe le tɔ kɛ la. Wo ara bɔ n kɔrɔ.”

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

Nihɛmaya 11:17

Maikala den Matanaya, Sabadi mamanɛ, kɔni, wo nara sigi Yerusalɛm. Sabadi fa tɔgɛ le Esafi. Anu tenbi baraka-bira-bɛti bɔla, Matanaya wo le bɛti-bɔlɛnu ya rɔ. Matanaya kan-kɔrɔ-sigilɛ le Bakibukiya la. Samowala den Abida, Kelali mamanɛ, kɔni, wo nara sigi Yerusalɛm. Kelali fa tɔgɛ le Yɛdutun.

Nihɛmaya 12:24

Hasabaya wo, Sɛrɛbaya wo, Yɛsuwa wo, Binuwai anubɛ Kadamiyɛli, mɔgɔ-dande kɛnu denu ya Lifayinu tatala kurunyɛnu ma. Kurɔn donu tenbi Alla-tanto-bɛti bɔla, kurɔn doi fanan bi a labirala. Anu bi baraka-bira-bɛtinu bɔla a ye iko Allata mɔgɛ Mansa Dawuda, ya anu nabilanɛ to nya min.

Nihɛmaya 12:46

Ka a bi Mansa Dawuda anubɛ fɔli-kɛla Esafita wati ma, ha kaka, fɔli-kɛlɛnu bi baraka-bira-bɛtinu bɔla ka fɔli-fannu kɛ-a-rɔ Alla ye.

Yaburi 68:25

Sigi-salɛnu bi yarɔ, fɔli-kɛlɛnu bi i kɔma. Sunkurɔn minnu bi wasanbɛ lamagala, wonu bi anu tɛma.

Ɛfɛsa 5:19

Yaburi-kumɛnu ni ma wo kirabɔ-fan la. Wo ni bɛtinu bɔ ka Allata siginu sa Mari ye ka a tanto wo yisi rɔ.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.