1 Ko-Kɔrɔta-Karan 25:2 - ALLALA KUMƐ

² Esafila den-kei mɔgɔ nanɛ minnu bi wɔlila ale kɔrɔ, wonu tɔgɛ le kɛnu na, Sakara wo, Yusufu wo, Nɛtanaya wo, anubɛ Asarela. Mansɛ wa Esafi manyinika wɔlɔyiya-kuma-fɔɛ la tuma-wo-tuma, anubɛ ala dannu si wɔlɛ wo kɛ.

1 Ko-Kɔrɔta-Karan 25:2 ပူးပေါင်းရင်းမြစ်များ

1 Ko-Kɔrɔta-Karan 15:17

Minnu kusan karanya gbesila, wonu tɔgɛ le kɛnu na. Yowɛlita den Himan wo, a kebila-nyɔgɛ Esafi min fa tɔgɛ Bɛrɛkaya wo, anubɛ Kusayala den Itan min bɔra Mɛrari kebilɛ rɔ. Minnu kusan sɔrɔn fɔla, wonu fanan tɔgɛ le kɛnu na. Sakaraya wo, Yeyasiyɛli wo, Sɛmiramoti wo, Yehiyɛli wo, Yuni wo, Ɛliyabu wo, Meyaseya wo, anubɛ Bɛnaya. Minnu kusan bɔlɔn fɔla, wonu fanan tɔgɛ le kɛnu na. Matetaya wo, Ilefɛle wo, Mikineya wo, Asasaya wo, anubɛ anuna bato bɔn da kandannɛnu, Obɛdi-Idɔm anubɛ Yeyɛli.

1 Ko-Kɔrɔta-Karan 16:5

A ya sɔrɔn-fɔlɛ minnu yabɔ, wonu tɔgɛ le kɛnu na, Yeyiyɛli wo, Sɛmiramoti wo, Yehiyɛli wo, Matetaya wo, Ɛliyabu wo, Bɛnaya wo, Obɛdi-Idɔm wo, anubɛ Yeyiyɛli. Wonu kun-tigi le Esafi la. Wo tatugunnɛ le Sakaraya la. Esafi wo, karanya-fɔlɛ le ale fanan na.

1 Ko-Kɔrɔta-Karan 25:1

Mansa Dawuda anubɛ Lifayi mɔgɔ-banu ya Lifayi bɔnsɔn-mɔgɛ donu yabɔ ka bɔ Esafi wo, Himan wo, anubɛ Yɛdutun kebilɛnu tɔ. Anu tenbi wɔlɔyiya-kumɛnu fɔla batoli-kɛ-tinɛ, wonu si siginu sa ka sɔrɔn anubɛ karanyanu fɔ. Sigi-salɛnu tɔgɛ le kɛnu na anubɛ anuna wɔli kɛ nya.

1 Ko-Kɔrɔta-Karan 25:3

Yɛdutunla den-kei mɔgɔ wɔrɛ minnu bi wɔlila ale kɔrɔ, wonu tɔgɛ le kɛnu na, Kɛdalaya wo, Seri wo, Yɛsaya wo, Simayi wo, Hasabaya wo, anubɛ Matetaya. Wonu tenbi wɔlɔyiya-kuma fɔla, anu si sɔrɔn fɔ ka Mari tanto.

1 Ko-Kɔrɔta-Karan 25:6

Isirɛla mɔgɛnu tenbi batoli-kɛ-tinɛ, Himanta dan kɛnu bi karanya anubɛ sɔrɔnnu denu fɔla iko anu fa ye anu nabilala nya min. Anu fa mɔgɔ sawɛ kɛnu, Esafi wo, Yɛdutun wo, anubɛ Himan, wonu bi wɔlila mansa nyɛrɛ-nyɛrɛ le kɔrɔ.

1 Ko-Kɔrɔta-Karan 25:8

A kina wo, a dennɛ wo, min kusan wo, min bi a degenna wo, anu damasi ya wɔlɛ tala anu nyɔgɔn na koron-nakɛ fɛ.

1 Ko-Kɔrɔta-Karan 6:39

Minnu bɔra Kɛrisɔn kebilɛ rɔ, sigi-sala-kurun fila nyɔgɛ minnu bi nyɔ, Esafi le wonu kun na. Lifayi kebila-mɔgɛ do le ale Esafi la. Ka a bi Esafi ma ka a sigi Lifayi la, wonu tɔgɛ le kɛnu na. Esafi fa le Bɛrɛkaya la. Bɛrɛkaya fa le Simɛya la.

Ɛsira 3:10

Wɔli-kɛlɛnu ya Bato-Bɔn kurukɛ wati min, saraka-masɔlɛnu ya anu sɔ anu sɔ tinɛnu tɔ. Anuna burinu bi anu bolo. Anu mabɛnnɛ anuna saraka-masɔ-durukinu tɔ. Esafi kebilɛ Lifayi minnu bi nyɔ, wonu sɔnɛ anuna karanyanu na anu bolo. Anu ya Mari tanto iko Mansa Dawuda ya anu nabila nya min fɔlɔn.

Yaburi 73:1

Alla nyimayanɛ Isirɛla mɔgɛnu ye, katarala yisi-sɛninyani-tiginu ma.

Yaburi 74:1

E, Alla, nfen ya a to, i wara i ban ma la ka? Ile si diminya ila mɔgɛnu ma ka le tolon, ba?

Yaburi 75:1

Mata Alla, ma si baraka bira i ye bui! I makawanɛ ye nya min, a di ma ye ka wo fɔ. I wara kabana-koe minnu kɛ, ma si wonu fanan takaran mɔgɛnu ye.

Yaburi 76:1

Alla mankan kolo Yuda nyamanɛ rɔ. Anu bi a gbiliyala Isirɛla nyamanɛ rɔ kosɛbɛ!

Yaburi 77:1

N bi dila Alla dala. N ba di a dala, a si a lamɔɛn.

Yaburi 78:1

Wole nta Isirɛla mɔgɛnu, wo ni wo tole masɔ nna karan la. Wo ni wo tole masɔ yiri!

Yaburi 79:1

E, Alla, minnu ma i lɔn, wonu buira ita nyamanita-mɔgɛnu ma ha anu ya ila Bato-Bɔn latinya. Anu bara Yerusalɛm-mayɛlɛnnɛ to iko sundu-kunyɛ.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 81:1

Ma ni a lawɔyɔ sewɛ la Alla ye, ma kumafunfannɛ, kɔni. Ma ni Yakobata Alla matɔgɔ.

Yaburi 82:1

Alla mayiginɛ ala mansaya-waganɛ rɔ melika bɛɛ kun na. A tenbi nyɔ, a ye koe bɛɛ latɛgɛla Arinyɛnɛ-sɛnbɛ-bɛɛ-tiginu kun na.

Yaburi 83:1

E, Alla, i radenɛ kana to. I mayiginɛ kana to dɔi! I sɛbɛ don.

Aiseya 3:6

Wati ye nala, kebilɛ do si a fɔ anu kebila-nyɔgɛ do ma ko, “Fɛrɛya-bɔɛ ye i bolo min kɛ, a bɛnta, ile ni ma mala mansɛ la yakɔrɔ-mamɔ-wati kɛ kɔrɔ.”