1 Ko-Kɔrɔta-Karan 25:1 - ALLALA KUMƐ

¹ Mansa Dawuda anubɛ Lifayi mɔgɔ-banu ya Lifayi bɔnsɔn-mɔgɛ donu yabɔ ka bɔ Esafi wo, Himan wo, anubɛ Yɛdutun kebilɛnu tɔ. Anu tenbi wɔlɔyiya-kumɛnu fɔla batoli-kɛ-tinɛ, wonu si siginu sa ka sɔrɔn anubɛ karanyanu fɔ. Sigi-salɛnu tɔgɛ le kɛnu na anubɛ anuna wɔli kɛ nya.

1 Ko-Kɔrɔta-Karan 25:1 ပူးပေါင်းရင်းမြစ်များ

1 Mansɛnu 10:12

Mansa Silamɛni ya kɔlɔma wonu denu bi ka anu ma Marita Bɔn anubɛ a nyɛrɛta bolon sɛnbɛ-don-fannu na. A ya kɔlɔma-su wonu denu bi ka anu ma sɔrɔnnu anubɛ bɔlɔnnu na ka wonu don fɔli-kɛlɛnu bolo. Ka a bi wati wo ma ha ka a sigi kaka la, mɔgɔ-wo-mɔgɔ ma ke kɔlɔma-su kelan wo lanala Isirɛla nyamanɛ rɔ.)

2 Mansɛnu 3:15

Wo ta bɔlon-fɔlɛ do kele.” Bɔlon-fɔlɛ wola nɛ ka bɔlon-fɔɛ wo dabira, Marita sɛnbɛ yigira Nɛbi Ilaisa kuma.

1 Ko-Kɔrɔta-Karan 12:28

Sedoki min bi kɛlɛ-kurugbayɛ la, wo nara mɔgɔ-ba mogan-ni-fila la a bolo ka bɔ ata kebilɛ rɔ ka kofu Dawuda ma.

1 Ko-Kɔrɔta-Karan 13:8

Mansa Dawuda anubɛ ala mɔgɛnu bi tala anu dɔnna anu sɛbɛ-kuna-wɛ la. Anu bi sigi sala anu sɛnbɛ bɛɛ la. Sɔrɔnnu anubɛ yonbenu anubɛ wasanbɛnu anubɛ burinu kɛnɛ a rɔ ka Alla gbiliya.

1 Ko-Kɔrɔta-Karan 15:28

Isirɛla mɔgɔ damasi ye tala tɔn-kenkirɛ wo la anu bolo tumɛ min Yerusalɛm soe burɔ, anu bi gbele-gbelenna sewɛ bolo. Tolɔn kɛnɛ a rɔ, a buru wo, a karanya wo, a sɔrɔn wo.

1 Ko-Kɔrɔta-Karan 23:2

Mansa Dawudala Isirɛla mɔgɔ-ba wo, a saraka-masɔla wo, a Lifayi bɔnsɔn-mɔgɔ wo, a ya wo damasi kundɛn kan-tina-kelen.

1 Ko-Kɔrɔta-Karan 25:2

Esafila den-kei mɔgɔ nanɛ minnu bi wɔlila ale kɔrɔ, wonu tɔgɛ le kɛnu na, Sakara wo, Yusufu wo, Nɛtanaya wo, anubɛ Asarela. Mansɛ wa Esafi manyinika wɔlɔyiya-kuma-fɔɛ la tuma-wo-tuma, anubɛ ala dannu si wɔlɛ wo kɛ.

1 Ko-Kɔrɔta-Karan 25:3

Yɛdutunla den-kei mɔgɔ wɔrɛ minnu bi wɔlila ale kɔrɔ, wonu tɔgɛ le kɛnu na, Kɛdalaya wo, Seri wo, Yɛsaya wo, Simayi wo, Hasabaya wo, anubɛ Matetaya. Wonu tenbi wɔlɔyiya-kuma fɔla, anu si sɔrɔn fɔ ka Mari tanto.

1 Ko-Kɔrɔta-Karan 25:9

Anu ya mɔgɔ kɛmɛ fila ani mɔgɔ bi-segin ani mɔgɔ segan (288) kɛnu tafara sigi tina mogan-ni-nani na iko anuna kebilɛ ye nya min. Kurun-wo-kurun, mɔgɔ tan-ni-fila le a rɔ. Kurɔn wonu kunyɛ tɔgɛ le kɛnu na iko anu bi wɔlila nya min. A kurun fɔlɔtɛ ye Esafila den Yusufu kɔrɔ. A fila nyɔgɛ ye Kɛdalaya kɔrɔ.

1 Ko-Kɔrɔta-Karan 6:16

Yakobala den Lifayi ya den-kei mɔgɔ sawa sɔrɔn, Kɛrisɔn wo, Kohati wo, anubɛ Mɛrari.

1 Ko-Kɔrɔta-Karan 6:33

Kebilɛ minnu bi wɔlɛ wo kɛla, wonu tɔgɛ le kɛnu na. Minnu bɔra Kohati kebilɛ rɔ, sigi-sala-kurun fɔlɔtɛ minnu bi nyɔ, Yowɛlila den Himan le wonu kun na. Yakoba kebila-mɔgɛ do le ale Himan na. Ka a bi Himan kɛ ma ka a sigi Yakoba la, wonu tɔgɛ le kɛnu na. Himan fa le Yowɛli la. Yowɛli fa le Samuwɛli la.

1 Ko-Kɔrɔta-Karan 6:39

Minnu bɔra Kɛrisɔn kebilɛ rɔ, sigi-sala-kurun fila nyɔgɛ minnu bi nyɔ, Esafi le wonu kun na. Lifayi kebila-mɔgɛ do le ale Esafi la. Ka a bi Esafi ma ka a sigi Lifayi la, wonu tɔgɛ le kɛnu na. Esafi fa le Bɛrɛkaya la. Bɛrɛkaya fa le Simɛya la.

1 Ko-Kɔrɔta-Karan 6:44

Minnu bɔra Mɛrari kebilɛ rɔ, sigi-sala-kurun sawa nyɔgɛ minnu bi nyɔ, Itan le wonu kun na. Lifayi kebila-mɔgɛ do le ale Itan la. Ka a bi Itan ma ka a sigi Lifayi la, wonu tɔgɛ le kɛnu na. Itan fa le Kisi la. Kisi fa le Abidi la. Abidi fa le Maluku la.

1 Ko-Kɔrɔta-Karan 9:33

Lifayi doinu bi sigi-sa-ko-wɔlɛnu kun na Bato-Bɔn la. Mɔgɛ minnu bi wɔlɛ wo kun na, wonu siginɛ Bato-Bɔn nyɛrɛ le la. Wɔli-gbɛrɛkɛ sa anu bolo fɔ Bato-Bon-ko-wɔlɛ bawo su wo, tele wo, anu ba anu kele tuma-wo-tuma, anu tabɛnnɛ.

2 Ko-Kɔrɔta-Karan 23:1

San wɔrɔ tenbinɛ, Saraka-Masɔla Yɛhoyada ya a latɛgɛ ko a wati ara ke ka koe do ladan. A ya a ma, anubɛ kɛlɛ-den-kun mɔgɔ loli kunta kan kelen ma. Kɛlɛ-den-kunyɛ wonu tɔgɛ le kɛnu na, Yɛrohamna den Asaraya wo, Yihohenanla den Sumanyila wo, Obɛdila den Asaraya wo, Adayala den Meyaseya wo, anubɛ Sikirila den Ilaisefati.

2 Ko-Kɔrɔta-Karan 23:13

A ke nyɔ, a ya mansa kurɛ sɔnɛ taran Bato-Bɔn don-dɛ la sɛnbɛrɛn-kɔn dafɛ mansɛnu duruta sɔla kan min. Mansa-kurɛ kɛ lafoonɛ kɛlɛ-den-kunyɛnu na anubɛ buru-fɛlɛnu. Anu damasi ye a lawɔyɔla sewɛ bolo. Anu bi burinu fanan fɛla. Bato-Bɔn fɔli-fannu kɛnɛ a rɔ fɔli-kɛlɛnu bolo. Ale Atalaya ya wo rayen min kɛ, a ya ala duruki rafarafara yisi-tinya bolo. A ya a kuli mayɛlɛ ka a fɔ ko, “Wo ye n nabu-koe le tɔ kɛ la. Wo ara bɔ n kɔrɔ.”

2 Ko-Kɔrɔta-Karan 23:18

Saraka-Masɔla Yɛhoyada ya a ma, Lifayi bɔnsɔn-mɔgɛnu anubɛ saraka-masɔlɛnu tora Mari Bato-Bon-wɔlɛ kun na. Wonu tora wɔlila Bato-Bɔn burɔ iko Mansa Dawuda ara wɔlɛ tala anu na nya min nun. Anu tora sarakɛnu mintanna Mari ye iko Nɛbi Musa ya Marita tɔnnu fɔ anu ye nya min nun. Anu bi sigi-sɛ anubɛ ladɛn kun na fanan.

2 Ko-Kɔrɔta-Karan 23:9

Mansa Dawudala tanbɛnu anubɛ nɛgɛ-walan minnu namaranɛ Bato-Bɔn wo la nun, Saraka-Masɔla Yɛhoyada ya wonu bi ka wonu don Lifayi mɔgɔ-banu bolo.

2 Ko-Kɔrɔta-Karan 31:2

Mansa Hɛsakaya ya saraka-masɔlɛnu anubɛ Lifayinu fara iko anuna wɔlɛnu bi nya min nun. Donu bi saraka-mintan-ko-wɔlɛ la. Donu bi yisi-kima-saraka-ko-wɔlɛ la. Donu bi nyɔ ka anu sɔ ladɛn wo yakɔrɔ. Donu bi matɔgɔlɛ kun na Bato-Bɔn wo tɔnkɔn donu tɔ.

2 Ko-Kɔrɔta-Karan 34:12

Wɔli-kunyɛ wonu natelenta. Hali mɔgɔ ma anu manyinika wodi wo lawɔli-nya ma. Lifayi mɔgɔ-ba nani bi nyɔ fanan min bi wɔli-kun mɔgɔ sawɛ kɛnu makawandila. Mɔgɔ-ba nanɛ wonu tɔgɛ le kɛnu na, Yehati anubɛ Obadaya ka bɔ Mɛrari kebila-mɔgɛnu tɔ anubɛ Sakaraya anubɛ Mɛsulam ka bɔ Kohati kebila-mɔgɛnu tɔ. Lifayi bɔnsɔn-mɔgɛ min damasi kusan fɔli kɛla,

2 Ko-Kɔrɔta-Karan 35:15

Fɔli-kɛlɛ minnu bɔra Esafi kebilɛ rɔ, wonu ya anuta sɔ tinɛnu bi iko Mansa Dawuda ya a fɔ anu ye nya min nun, Esafi anubɛ Himan anubɛ Yɛdutun, kɔni.

2 Ko-Kɔrɔta-Karan 8:14

A ya wɔlɛ tala Lifayinu anubɛ saraka-masɔlɛnu na iko a fa Mansa Dawuda ya a rabɛn nya min nun. Lifayinu bi sigi-sɛ kun na anubɛ Bato-Bon-wɔlɛ donu kɛla. A ya Bato-Bɔn da-makandan-wɔlɛ tala anu na kurun-kurunyɛ ma iko a fa Mansa Dawuda ya a rabɛn nya min, Allata mɔgɛ, kɔni.

Ɛsira 2:41

Bato-Bɔn fɔli-kɛlɛ minnu sɛgira, wonu yatɛ bɛnta mɔgɔ kɛmɛ ani mɔgɔ mogan-ni-segin (128) ma. Anu benba tɔgɛ le Esafi.

Ɛsira 6:18

Anu ya saraka-masɔlɛ anubɛ Lifayi bɛɛta wɔlɛ don a bolo Bato-Bɔn la Yerusalɛm soe burɔ iko a sɛbɛnɛ Nɛbi Musata buku rɔ nya min.

Nihɛmaya 11:17

Maikala den Matanaya, Sabadi mamanɛ, kɔni, wo nara sigi Yerusalɛm. Sabadi fa tɔgɛ le Esafi. Anu tenbi baraka-bira-bɛti bɔla, Matanaya wo le bɛti-bɔlɛnu ya rɔ. Matanaya kan-kɔrɔ-sigilɛ le Bakibukiya la. Samowala den Abida, Kelali mamanɛ, kɔni, wo nara sigi Yerusalɛm. Kelali fa tɔgɛ le Yɛdutun.

Nihɛmaya 12:24

Hasabaya wo, Sɛrɛbaya wo, Yɛsuwa wo, Binuwai anubɛ Kadamiyɛli, mɔgɔ-dande kɛnu denu ya Lifayinu tatala kurunyɛnu ma. Kurɔn donu tenbi Alla-tanto-bɛti bɔla, kurɔn doi fanan bi a labirala. Anu bi baraka-bira-bɛtinu bɔla a ye iko Allata mɔgɛ Mansa Dawuda, ya anu nabilanɛ to nya min.

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Yaburi 81:2

Wo ni fɔli-kɛ dabira ka wasanbɛnu kɛ-a-rɔ. Wo ni sigi-diyamɛnu fɔ bɔlɔn anubɛ seremanu tɔ.

Yaburi 81:3

Buru-fɛ ni a yira ko karɛ-kura-ladiya-wati ara ke. Karɛ wa kɔgɔ, ma si ladiyɛ kɛ tun.

Isikiyɛli 40:44

Wo kɔma, a tara n na Bato-Bon-luyi ma. Bon-ni fila sɔnɛ Bato-Bon-luyi ma nyɔ. Kelen sɔnɛ kantɔ-don-dɛ wara la, a yɛ lamununnɛ dugu la. Kelen sɔnɛ dugula don-dɛ wara la, a yɛ lamununnɛ kantɔɛ la.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.