1 Ko-Kɔrɔta-Karan 24:6 - ALLALA KUMƐ

⁶ Ɛliyasa kegeyɛ anubɛ Itamarayi kegeyɛ tora korɔn lakɛla anu nyɔgɔn tɛma. Anu ba min yabɔ Natanɛlila den Sɛmaya si wo tɔgɔ sɛbɛ bawo Lifayi bɔnsɔn-mɔgɛnuna kɛdi-sɛbɛlɛ le ale la. Sereyɛ le Mansa Dawuda anubɛ ala mɔgɔ-banu na. Saraka-Masɔla Sedoki anubɛ Abiyatarila den Ahimɛlɛki fanan mara sereyɛ la. Saraka-masɔlɛnuna kebila-kunyɛnu anubɛ Lifayi bɔnsɔn kebila-kunyɛnu, wonu fanan mara sereyɛ la kɛ wati rɔ.

1 Ko-Kɔrɔta-Karan 24:6 ပူးပေါင်းရင်းမြစ်များ

1 Mansɛnu 4:3

Sisala dannu Ɛlihorɛfa anubɛ Ahaya, sɛbɛli-kɛlɛ le wonu na. Ahiludila den Yɛhosafati, wo le kɛdi-sɛbɛnɛ-lamaralɛ la.

1 Ko-Kɔrɔta-Karan 18:16

Ahitubala den Sedoki wo, anubɛ Abiyatarila den Ahimɛlɛki wo, saraka-masɔlɛ le wonu na. Ala kɛdi-sɛbɛlɛ le Seraya la.

1 Ko-Kɔrɔta-Karan 23:24

Ma ara min madan kɛnu na, Lifayi bɔnsɔn le wonu na iko anuna kebilɛ anubɛ anu bɔnsɔn ye nya min. Anu kebila-kunyɛ le dama tɔgɛ sɛbɛnɛ kɛ la. Anuna kebilɛ rɔ min siyi wa san mogan bɔ, wo si wɔlɛ do sɔrɔn Mari Bato-Bɔn la.

1 Ko-Kɔrɔta-Karan 24:31

Anu ya korɔn lakɛ anu nyɔgɔn tɛma alako ka wɔlɛ tala anu nyɔgɔn tɛma iko Aruna kegeyɛnu ya a ma nya min. Sereyɛ le Mansa Dawuda anubɛ ala mɔgɔ-banu na. Saraka-Masɔla Sedoki anubɛ Abiyatarila den Ahimɛlɛki fanan mara sereyɛ la. Saraka-masɔlɛnuna kebila-kunyɛnu anubɛ Lifayi bɔnsɔn kebila-kunyɛnu, wonu fanan mara sereyɛ la kɛ wati rɔ.

1 Ko-Kɔrɔta-Karan 24:7

Korɔn gbɛra minnu ma, wonu denu tɔgɛ sɛbɛnɛ kɛ la iko anuna kebila kun mogan-ni-nani ye nya min. A fɔlɔtɛ le Yɛhoyariba la. A fila nyɔgɛ le Yɛdaya la.

2 Ko-Kɔrɔta-Karan 34:13

wonu bi bato-bon-miran-madununɛnu kun na. Donu bi wɔli-kɛlɛ donu kun na. Donu bi sɛbɛli kɛla. Fen-makandannɛ le donu na.

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Nihɛmaya 8:1

Karɛ wɔrɔ tenbinɛ, a wɔrɔnfila nyɔgɛ ma, wo ya a taran, Isirɛla mɔgɛ bɛɛ ara anu sigi-bole rabɛn anuna soenu tɔ. Karɛ wo tele fɔlɛ ma, tarɛ don-dɛ min tɔgɛ ko Yi, mɔgɛnu ya anu nadɛn wo lu-kole ma Yerusalɛm soe burɔ. Alla ya tɔn min di Nɛbi Musa ma, anu ya Saraka-Masɔla Ɛsira manyinika ko a ni ta tɔn-buku wo bi bawo a ya tɔn wonu kɔrɛ lɔn a nya ma.

Matiyu 13:52

Woletɔ a ya a fɔ anu ye ko, “Nba, Alla min bi Arinyɛni tɔ, tɔn-karan-mɔgɛ min bɛɛ ara ma karan-dannu na ata mansayɛ rɔ, wonu mani de iko bon-tigi min bi fen-kurɛnu anubɛ a kɔrɔmɛnu nabɔla ala fen namara tinɛ.”

Matiyu 8:19

Tɔn-karan-mɔgɛ do nara a wara. A ko, “Karan-mɔgɔ, i tara kan-bo-kan, n tabɛnnɛ ka bila i fɛ nyɔ.”

Maraka 2:26

A donta Allala bɔn la. Biredi min dantɛgɛnɛ Alla ma, anubɛ ala keminɛnu ya wo dɔn, hali anu bi tɔn tinyana wo dɔn tinɛ. A ya kɛ ma wo tumɛ Abiyatari ye saraka-masɔ-kun-tigiyɛ la, ado saraka-masɔlɛnu denu dɔrɔn ni biredi wo dɔn nun.”