1 Ko-Kɔrɔta-Karan 24:4 - ALLALA KUMƐ

⁴ Ɛliyasa kegeyɛ talata sigi-tina tan-ni-wɔrɔ la. Itamarayi kegeyɛ talata sigi tina segin na bawo anu kebila-kunyɛnu ma siya iko Ɛliyasatɛ.

1 Ko-Kɔrɔta-Karan 24:4 ပူးပေါင်းရင်းမြစ်များ

1 Ko-Kɔrɔta-Karan 23:24

Ma ara min madan kɛnu na, Lifayi bɔnsɔn le wonu na iko anuna kebilɛ anubɛ anu bɔnsɔn ye nya min. Anu kebila-kunyɛ le dama tɔgɛ sɛbɛnɛ kɛ la. Anuna kebilɛ rɔ min siyi wa san mogan bɔ, wo si wɔlɛ do sɔrɔn Mari Bato-Bɔn la.

1 Ko-Kɔrɔta-Karan 24:3

Mansa Dawuda ya wɔlɛ tala Aruna kegeyɛnu na iko a bɛnta, anu ni wɔli nya min Bato-Bɔn la. Sedoki min bɔra Ɛliyasa kegeyɛ rɔ anubɛ Ahimɛlɛki min bɔra Itamarayi kegeyɛ rɔ, wonu denu ya Mansa Dawuda dɛnbɛ wɔlɛ talala saraka-masɔlɛnu na.

1 Ko-Kɔrɔta-Karan 24:5

Bawo kun-tigi siya minnu bi Allala wɔli kɛla, woletɔ anu ya wɔlɛ tala anu na koron-nakɛ fɛ alako lafisayalɛ kana taran anu tɛma.

2 Ko-Kɔrɔta-Karan 1:2

Kɛlɛ-den-kunyɛ minnu bi waga kelen-kelannu kun na wo, anubɛ minnu bi kɛmɛ kelen-kelannu kun na wo, ala nyamanita-mɔgɔ-banu wo, anubɛ kebila-kunyɛnu wo, anubɛ a mɔgɛ toenu wo, Mansa Silamɛni ya anu kele ka anu damasi kundɛn Kibiyon soe burɔ Mari bato tinɛ. Allata wɔli-kɛlɛ Nɛbi Musa ya Marita Fani-Bɔn min nadan wulɛ rɔ nun, wo ye ale Kibiyon soe burɔ nyɔ.

Nihɛmaya 12:12

Yoyakim ye saraka-masɔ-kun-tigi-wɛ la tumɛ min, saraka-masɔlɛ kɛnu denu bi kun-tigiyɛ la iko anu kebilɛ ye nya min. Mɛraya bɔra Sɛraya kebilɛ rɔ. Hananaya bɔra Yɛrɛmaya kebilɛ rɔ.