1 Ko-Kɔrɔta-Karan 23:28 - ALLALA KUMƐ

²⁸ Donu si to Aruna kegeyɛnu dɛnbɛna saraka-masɔ-wɔlɛ la. Anu si Bɔn wonubɛ a fɛ le sɛninya woletɔ ni fan minnu sɛninyanɛ, wonu ti kɔsɔ iko tɔn ya a fɔ nya min.

1 Ko-Kɔrɔta-Karan 23:28 ပူးပေါင်းရင်းမြစ်များ

1 Mansɛnu 6:5

A ya konkonɛnu tugun bon-kinamɛ tɔnkɔn sawɛ ma tala. Konko wonu sɔnɛ ye tala anu nyɔgɔn kuma sawa-sawayɛ ma.

1 Ko-Kɔrɔta-Karan 18:17

Yɛhoyadala den Bɛnaya, wo le ye Mansa Dawuda makandannɛnu kun na. Mansɛ makawandilɛ le ala den-keinu na.

1 Ko-Kɔrɔta-Karan 23:27

Iko Mansa Dawuda ya a latɛgɛ nya min, Lifayi bɔnsɔn-mɔgɛ min sɔrɔn wa san mogan bɔ, anu si ta wo tɔgɔ sɛbɛ ka wɔlɛ do di a ma Mari Bato-Bɔn la.

1 Ko-Kɔrɔta-Karan 23:29

Donu si to biredi-dantɛgɛnɛ mintanna tele-wo-tele. Anu si bu-gbɛngbɛnnɛ fɛ-bira min bi mala sarakɛ la. Anu si biredi-yɛlɛbɛlɛ fanan fɛ-bira, anubɛ biredi min yilannɛ pani-tasangbɛ rɔ. Anu si dɛgɛ-munke fɛ-bira fanan min yabasannɛ tuli la. Mɔgɛnu bi nala kɔ-fan min damasi la, anu si wonu fanan suma.

1 Ko-Kɔrɔta-Karan 23:4

Mansa Dawuda ya mɔgɔ waga mogan-ni-nani (24,000) bi wonu tɔ alako wonu ni Bato-Bon-kurɛ wo bato-ko-wɔlɛ kɛ. A ya mɔgɔ waga wɔrɔ (6,000) bi kɛnu tɔ tun alako wonu ni ma sɛbɛli-kɛlɛnu anubɛ kiti-salɛnu na.

1 Ko-Kɔrɔta-Karan 28:13

Saraka-masɔlɛnu anubɛ Lifayi bɔnson-toenu si anuna wɔlɛ kɛ nya min, anubɛ anu si Bato-Bɔn anubɛ a burɔ-mirannu fɛ-bira nya min, Mansa Dawuda ya wo sɔ-bole fanan yira Silamɛni na.

2 Ko-Kɔrɔta-Karan 23:4

Nba, ma si min ma wona, n ni wo fɔ wo ye. Saraka-masɔlɛnu anubɛ Lifayi wonu ba ta anuna wɔli-kɛ-tinɛ Sulen-Tele ma, anu ni anu tatala kurun sawa la. Kurun kelan si Bato-Bɔn don-dɛ makandan.

2 Ko-Kɔrɔta-Karan 23:6

Mɔgɔ-wo-mɔgɔ kana don Bato-Bɔn nyɛrɛ burɔ fɔ saraka-masɔlɛnu nyɛrɛ-nyɛrɛ minnu bi anuna saraka-masɔ-wɔlɛ kɛla nyɔ rɔ. Wonu denu dɔrɔn si don a burɔ bawo mɔgɔ-dantɛgɛnɛ le wonu na. Kɔnɔ a mɔgɛ toenu, fɔ wo ni to luyi ma ka Marita kumɛ to a gbɛ rɔ.

2 Ko-Kɔrɔta-Karan 29:15

Bɔnsɔn-kunyɛ kɛnu ya anu ta-nyɔgɛ Lifayi mɔgɛ bɛɛ kele kan-tina-kelen. Anu dama ya anu sɛninya Mari ye iko tɔn ya a fɔ nya min. Wo kɔma, anu donta Bato-Bɔn sɛninyɛ rɔ iko Marita tɔn ya a fɔ anu ye nya min bawo mansɛ ara wo fɔ anu ye nun.

2 Ko-Kɔrɔta-Karan 29:5

A kumara anu ye nyɔ rɔ, a ko, “Wole Lifayinu, wo ni wo nyɛrɛ sɛninya, wo kɔma, wo ni wo benbanuta Mari Allata Bato-Bɔn fanan sɛninya. Fan minnu si Bato-Bɔn latinya, wo ni wonu nabɔ luyi ma.

2 Ko-Kɔrɔta-Karan 31:11

Anu ya dɔn-fen namara tinɛnu nadan Bato-Bɔn burɔ iko mansɛ ya a fɔ anu ye nya min.

2 Ko-Kɔrɔta-Karan 31:2

Mansa Hɛsakaya ya saraka-masɔlɛnu anubɛ Lifayinu fara iko anuna wɔlɛnu bi nya min nun. Donu bi saraka-mintan-ko-wɔlɛ la. Donu bi yisi-kima-saraka-ko-wɔlɛ la. Donu bi nyɔ ka anu sɔ ladɛn wo yakɔrɔ. Donu bi matɔgɔlɛ kun na Bato-Bɔn wo tɔnkɔn donu tɔ.

Ɛsira 8:29

Wo ni anu fɛ-bira a kilɛ fɛ ha miran wonu ni ke Bato-Bɔn la. Wo wa ke anu na nyɔ, wo si anu suman saraka-masɔ-kun-tiginu yakɔrɔ anubɛ Lifayinu anubɛ Isirɛla bɔnsɔn kebila-kun-tiginu Yerusalɛm soe burɔ. Wo kɔma, wo ni anu don anu bolo.”

Nihɛmaya 11:24

Mɛsɛsabɛlila den Pɛtahaya min bɔra Sera kebilɛ rɔ Yuda bɔnsɔn rɔ, Pasiya mansɛ hɛnkili-kɔlɛ le wo la ka bɔ Isirɛla mɔgɛnu tɔ.

Nihɛmaya 13:9

N ya a ma, anu ya kan tinɛ wo sɛninya tun iko tɔn ya a fɔ nya min. Wo kɔma, a fui-fen wo, a Bato-Bon-miran wo, a isɛnti wo, n ya wo bɛɛ lasɛgi bɔn la tun.

Yɛrɛmaya 35:4

Wo bɛɛ tara n fɛ Bato-Bɔn la. N tara anu na Ikalayala den Nɛbi Henanna karan-dannuta konko la. Salamula den Meyaseya min bi Bato-Bon-kandan la, wola konko ye matɛ kɔrɔ. Konko wo ye mɔgɔ-ba donutɛ dafɛ.

Isikiyɛli 40:17

Kei wo ya n nabɔ tele-bɔɛ tenbi-bolɔn wara la ka ta n na kata burɔ. Konko bi-sawa ye kata wo burɔ. Kurinu sanɛ konko bi-sawɛ wonu yarɔ kilɛ ma tala.

Isikiyɛli 41:26

Wundannu bi don-dɛ konko wonu ma, ado tɛɛn-kurila muninyɛ ladannɛ nyɔ-dandannu ma.

Isikiyɛli 42:13

Kei wo ya a fɔ n ye ko, “Bon filɛ kɛnu sɛninyani de bawo saraka-masɔlɛ minnu bi wɔlila Mari ye, wonu bi anuna saraka-sɛnimɛnu dɔnna bɔn wonu denu na. A mara fui-fen-saraka la wo, a mara hakɛ-saraka la wo, a mara yiliki-saraka la wo, wonu bi saraka-sɛnimɛ wonu namarala bɔn wonu denu na bawo a konkonu sɛnima.

Isikiyɛli 42:3

Gbɛkole min bi bɔn wonubɛ Bato-Bɔn tɛma a tɔnkɔn doi rɔ, nunkan-nya mogan. A tɔnkɔn doi fanan yɛ lamununnɛ kuru-dɛnfɛnɛnu na minnu bi kata yarɔ. Bon sawa siginɛ anu nyɔgɔn kuma yɛlɛla. Bon-kɔrɔtɛ kolo a tɛmatɛ ko. A tɛmatɛ fanan kolo a kumatɛ ko.

Isikiyɛli 44:14

Woletɔ n bi Bato-Bon-wɔli-buruburunɛ kɛnu dila anu ma.”