1 Ko-Kɔrɔta-Karan 22:15 - ALLALA KUMƐ

^15-16 Wɔli-kɛla-siyaman bi nyɔ. Donu bi kuru-lɛsɛ-ko-wɔlɛ la. Bon-sumalɛnu anubɛ bon-tuwalɛnu bi nyɔ. Nunakɛnu anubɛ siyakinu bi nyɔ minnu si sɛnɛ, anubɛ wodi-gbɛ, anubɛ silɛɛ, anubɛ nɛgɛnu nadan. I ni wɔlɛ dabira. Alamɛ Alla tora i fɛ.”

1 Ko-Kɔrɔta-Karan 22:15 ပူးပေါင်းရင်းမြစ်များ

2 Samuwɛli 5:11

Mansa Hairam min siginɛ Taya soe burɔ, wo ya kilayɛnu nata anubɛ ala bon-sumalɛ donu anubɛ ala bon-tuwalɛ donu alako wonu ni ta Mansa Dawudala bolɔn sɔ. Wonu tamatoe, anu tara anuta nyamanita kɔlɔma-nɛ donu na anu bolo.

1 Ko-Kɔrɔta-Karan 22:14

N bara n taya Bato-Bɔn sɔ-miran wara-koe rɔ. N bara sɛnɛ min nadɛn, wonubɛ fui-fan bɔrɔ waga bi-lolila (5,000) gbiliyɛ rakɛn de! N bara wodi-gbɛ min nadɛn, wonubɛ fui-fan bɔrɔ waga kɛmɛ lolila (50,000) gbiliyɛ rakɛn de! N bara nɛgɛ-kundi anubɛ silɛɛ minnu nadɛn, wonu siya. Dan sa a la. N bara kɔlɔmanu anubɛ kurinu nyini kɔnɔ fɔ ile fanan ni do nyini tun.

2 Ko-Kɔrɔta-Karan 2:6

Yon si ke bɔn sɔla Alla ye? Hali san-kole kɛ kolo nya-wo-nya, nyɔ dɔgɔ ale ye. Ni n ya a Bato-Bɔn sɔ, kan tinɛ le wo la n si isɛnti mintan kan min Alla ye dɔrɔn.

2 Ko-Kɔrɔta-Karan 2:7

Woletɔ i yandi, boloma-wɔli-kɛlɛ donu nana n ma minnu kusan sɛnɛ anubɛ wodi-gbɛ anubɛ silɛɛ anubɛ nɛgɛ ladanna. Wo kɔma, i ni mɔgɛnu nana n ma minnu kusan kura-bilolamɛ anubɛ kura-wulan anubɛ kura-finyɛ ladanna. Wonu ni na kofu nna boloma-wɔli-kɛlɛnu ma, n fa Mansa Dawuda ya minnu yabɔ Yerusalɛm soe burɔ Yuda nyamanɛ kɛ rɔ.

Bɔ-Koe-Iyipiti 28:6

“Anu bi kura-hakikɛ min kelela linɛn, wo ni wo ma kura-kundi-fugbɛ la. Mɔgɛ minnu kusan, wonu ni yesekara-yalafinyɛ wo, yesekara-bilolamɛ wo, yesekara-wulan wo, anubɛ sɛnɛ-yesekari bi ka wo ma kura-kundi-fugbɛ wo sɔgɔ-fan la.

Bɔ-Koe-Iyipiti 35:32

A ara mɔlɔni-ladan-hɛnkili di a ma alako a ni kusanya boloma-wɔlɛ kɛ sufa donu na iko sɛnɛ anubɛ wodi-gbɛ anubɛ sila-wɔlɛ.

Bɔ-Koe-Iyipiti 35:35

A ya hɛnkili di anu ma alako anu ni kusanya boloma-wɔlɛ kɛ sufa donu na iko yese-dan-nya ka linɛn-kura-hakikɛ ladan. Anu si yesekara-yalafinyɛ anubɛ yesekara-bilolamɛ anubɛ yesekara-wulenmɛ sɔgɔ linɛn-kura-nyimɛ wonu ma.