1 Ko-Kɔrɔta-Karan 21:17 - ALLALA KUMƐ

¹⁷ A ya Mari matara, a ko, “Ko-tinyanɛ ye nde le la. Nde le wara ko-yogomɛ ma mɔgɛnu-dan-koe rɔ. Mɔgɔ-makinikininɛ kɛnu bara nfen ko-yogoma ma? Nta Mari Alla, a bɛnnɛ tɔrɔyɛ kɛ ni sigi mabɛ nna denbayɛ le la ka ila mɔgɛ kɛnu nakisi.”

1 Ko-Kɔrɔta-Karan 21:17 ပူးပေါင်းရင်းမြစ်များ

Ko-Dabirɛnu 44:33

“I yandi n tigi, yanni n dɔgɛ kɛ ni to yɔɔnyɛ la yan, a ma, nde ni to n dɔgɛ kɛ gbɛ rɔ alako n dɔgɛ ni ta a kɔrɔnu fɛ a fa wara.

2 Samuwɛli 12:10

A ko nba, min bi nala mala ile la gbɛ, ka a bi ila dannu ma ka a sigi i kegeyɛnu na, mɔgɔ kelen-kelen si faga wo dama rɔ tɔrɔyɛ bolo bawo i wara ata kumɛ tinya ka Yurayala musi bi.

2 Samuwɛli 24:1

Mari fonde bɔra Isirɛla mɔgɛnu ma tun, woletɔ a ya a ma, Mansa Dawuda ya anu yakɔrɔ-mamɔ. Mari ya a fɔ Mansa Dawuda ye ko, “Ta Isirɛla nyamanita-mɔgɛnu anubɛ Yuda nyamanita-mɔgɛnu dan ka anu yatɛ lɔn.”

2 Samuwɛli 24:17

Mansa Dawuda ya ale niyi-bɔ-melika yen. A ya a fɔ Mari ye ko, “Ko-tinyanɛ ye nde le la. Nde le wara ko-yogomɛ ma. Mɔgɔ-makinikininɛ kɛnu bara nfen ko-yogoma ma? A bɛnnɛ tɔrɔyɛ kɛ ni sigi mabɛ nna denbayɛ le la.”

2 Samuwɛli 7:8

“Woletɔ a fɔ Dawuda ye ko nde, Mari Sɛnbɛ-Bɛɛ-Tigi kan le kɛ la. N ko n ya ale bi sagɛnu denu fɛ ka a ma mansɛ la nta mɔgɛnu kun na Isirɛla nyamanɛ, kɔni.

1 Mansɛnu 22:17

Nɛbi Mɛkaya ya wɔlɔyiya-kumɛ fɔ a ye ko, “N bara Isirɛla kɛlɛ-dannu tanyɛnsɛnnɛ yen kɔnkɛnu kuma iko saga-fɛ-birala sa sagɛ minnu kun na. Mari ara a fɔ n ye ko, anu ni sɛgi anu barɛnu tɔ yisi-kimɛ rɔ dɔi, bawo kun-tigi sa anu kun na.”

1 Ko-Kɔrɔta-Karan 21:8

Mansa Dawuda ya a fɔ Alla ye ko, “N bara min ma kɛ la, n bara hakɛ kɛ ka bila ile, Alla le la wo la. I yandi, n makoto. N bara kun-takolonya-koe le ladan kɛ la.”

Yaburi 44:11

I sɔnta ma kan-natɛgɛ-koe ma iko sagɛ. I wara ma ranyɛnsɛn nyamanɛ doinu tɔ.

Yaburi 51:14

E, Alla, n bara niyi min bɔ, n makoto wola ko la. Wo kɔma, i wara n nakisi nya min, n si sigi sa ila telenbagayɛ wola ko la.

Yaburi 51:4

N bara hakɛ min kɛ, n bara bila ile Alla le fɔlɔfɔlɔn na. N bara karagbɛlɛya-siyaman kɛ i yala. Woletɔ n tɔrɛ i bolo, wo bɛnta, ado n yilikiyi i bolo, wo telenta le, yɔ!

Yaburi 74:1

E, Alla, nfen ya a to, i wara i ban ma la ka? Ile si diminya ila mɔgɛnu ma ka le tolon, ba?

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Yona 1:12

Nɛbi Yona ya anu yabi ko, “Ni wo ko tɔn ni sigi fɔnyɔ kɛ la, wo ni n nakɛ yi rɔ. Tɔrɔyɛ min bɛɛsi ara sigi wo ma kɛ la, wo ni wo tɛgɛ sigi nde, Yona ma. N gbɛ le.”

Yasowa 22:18

Wo ye a fɛ ka wo kan-kɔ sɔ Mari la kaka, wa? Ni wo ya wo ma, wati do si na a si diminya ma dama ma.

1 Yɔni 3:16

Ma ya keninteya-bɛrɛ lɔn kɛ le fɛ ko Kirasiti ya a niyi ni malela ko la. Male fanan ni ma niyi ni ma na-kelen-nyɔgɛnuna ko la.