1 Ko-Kɔrɔta-Karan 21:14 - ALLALA KUMƐ

¹⁴ Wo le ya a ma, Mari ya kiraya-fitinɛ layigi anu kuma. Mansa Dawudala nyamanɛ mumɛ bɛɛ rɔ, mɔgɔ waga bi-wɔrɔnfila (70,000), wole kunyɛ tora kiraya-fitinɛ wo rɔ.

1 Ko-Kɔrɔta-Karan 21:14 ပူးပေါင်းရင်းမြစ်များ

2 Samuwɛli 24:15

Wo le ya a ma, Mari ya kiraya-fitinɛ layigi Isirɛla mɔgɛnu kuma ka a dabira wo wulun sɔgɔmɛ ma, fɔ a wati-latɛgɛnɛ kenɛ Mari bolo. Mansa Dawudala nyamanɛ mumɛ bɛɛ rɔ, mɔgɔ waga bi-wɔrɔnfila (70,000) le kunyɛ tora kiraya-fitinɛ wo rɔ.

2 Mansɛnu 19:35

Wulɔn-suyi-nyɛrɛ rɔ, Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli (185,000) faga Asiriyanu tɔ. Bandɛ kanɛ, wonu furi taranta nyɔ.

1 Ko-Kɔrɔta-Karan 27:24

Sɛruya Yohabu ya Isirɛla mɔgɛnu-dan dabira kɔnɔ a ma ban a mɔgɛ damasi danna. Alla ya Isirɛla mɔgɛnu tɔrɔ ka a tɛgɛ anu dan-koe ma. Woletɔ mɔgɛnu yatɛ ma sɛbɛ Mansa Dawudala mansaya-buku rɔ.

Bɔ-Koe-Iyipiti 12:30

Di-kɛ-kan bɔra Iyipiti nyamanɛ kan tinɛ bɛɛ rɔ min kɛ, mansɛ anubɛ ala mɔgɔ-banu anubɛ Iyipiti nyamanita-mɔgɛ bɛɛ ya anu kunden suyi wo rɔ. Bon-wo-bon ma to, mɔgɔ ma faga kan min.

Yilan-Yilan Koe 25:9

Kɔnɔ samani tɔn ni sigi anuna tɔrɔyɛ la, mɔgɔ waga mogan-ni-nani (24,000) nyɔgɔn bara faga.

1 Samuwɛli 6:19

Mari ya kemini bi-wɔrɔnfila faga Isirɛla mɔgɛnu tɔ Bɛti-Simɛsi soe burɔ bawo anu bara anu yɛ layigi tɔn-kenkirɛ burɔ. Nyɔ-mɔgɛnu dira bawo Mari ara mɔgɔ-siyaman faga anu tɔ.