1 Ko-Kɔrɔta-Karan 21:13 - ALLALA KUMƐ

¹³ Mansa Dawuda ya a fɔ Kadi ye ko, “Kɔndɔfili-bɛrɛbɛrɛ le kɛ la n bolo. A ma di n ye, n hadama-den-nyɔgɛ ni n tɔrɔ. Yanni wo ni ma, Mari nyɛrɛ ni n tɔrɔ bawo kinikini ye ale rɔ.”

1 Ko-Kɔrɔta-Karan 21:13 ပူးပေါင်းရင်းမြစ်များ

2 Mansɛnu 6:15

Wo banda kɛ subaga, Nɛbi Ilaisala wɔli-kɛlɛ ya a lawuli tumɛ min ka bɔ luyi ma, a ya Siriya kɛlɛ-den-siyaman yen anubɛ soeenu anubɛ kirindinu kan tinɛ bɛɛ Dotan soela foolɛ rɔ. A donta bɔn la ka a fɔ Nɛbi Ilaisa ye ko, “N tigi, Siriyanu bara na de, ma si kɛ ma kama?”

2 Mansɛnu 7:4

Ni ma tara soe burɔ, fɔ ma wa faga kɔnkɛ bolo, ado ni ma tora yan fanan, fɔ ma wa faga. Min fisa, ma ta Siriyanuna dagɛ rɔ ka ma nyɛrɛ di anu ma. Tumado, ma kunyɛ si bɔ-a-rɔ, ma kɛndɛ si to. Kɔnɔ ni ma kunyɛ tora-a-rɔ, ale le wo la fanan.”

2 Ko-Kɔrɔta-Karan 28:9

Marita nɛbi Odɛdi siginɛ Samariya soe burɔ. Isirɛla kɛlɛ-dannu bi tala Yuda mɔgɔ-biranɛnu na anu bolo Samariya soe burɔ tumɛ min, nɛbi kɛ bɛnta anu na soe kɔma. Ale nɛbi ya a fɔ kɛlɛ-dan wonu ye ko, “Wo benbanuta Mari Alla diminyanɛ Yuda kɛnu ma, woletɔ a ara a ma, wole ara anu nɔ kɔnɔ wo ara karagbɛlɛyɛ min sigi anu na ka anu mɔnima-fagɛ-kɛ, a ara wo lɔn.

Ɛsita 4:11

“Kei wo, musu wo, ni min tara a labɔ mansɛ ma, a ma min kele, anu si wo tigi faga. Ka a bi mansa-makawandilɛnu ma ha ka yigi, bɛɛ ya sereya wo lɔn. Kɔnɔ ko kelen de ye sereya kɛ ma, ni mansɛ ya ala sɛnɛ-kɔlɔma telen min na, mɔgɛ wo ara kanan. Kɔnɔ a ara karɛ kelen bɔ, mansɛ ma n kele.”

Ɛsita 4:16

“Yahudiya min bɛɛ ye Susa soe kɛ burɔ, i ni wonu kundɛn kan-tina-kelen. Wo ni sunyɛ don ka Alla matara n ye tele sawa su sawa kɔrɔ. Malebɛ nna bonna-wɔli-kɛla-musinu si sunyɛ don ka matarali kɛ fanan. Wo kɔma, n si ta mansɛ taran hali n ya tɔn tinya. Ni n kunyɛ tora-a-rɔ, ale le wo la.”

Yaburi 103:8

Ala kinikinɛ anubɛ keninteyɛ da rakolo. A ti diminya yona, ado dan sa ata keninteyɛ la.

Yaburi 106:7

Ma benbanu ma Allata kabana-koenu nya-yen Iyipiti nyamanɛ rɔ. Alla ara ala keninteya-su-siyamɛ minnu yira anu na nun, anu nyinara wonu ko. Anu murutiyara Alla Sɛnbɛ-Bɛɛ-Tigi ma Kɔgɔ-Yi-Wulan dafɛ.

Yaburi 119:156

Kɔnɔ Mari, ita hinanteyɛ da-rakolo. Kinikini n ma ka n nakisi.

Yaburi 130:4

Kɔnɔ i ye ma makotola alako ma kawanɛ ni to i ma.

Yaburi 130:7

Isirɛla mɔgɛnu, wo ni la Mari la gben! Bawo ala keninteyɛ ti wo baya, ado tumɛ bɛɛ, a rabɛnnɛ wo kisi-koe la.

Yaburi 5:7

Mari, n si ke tala le ita Bato-Bon-sɛnimɛ la ka a tɛgɛ ila keninteya-dannatɛgɛbɛlɛ ma. N ba ke nyɔ, n si n sa i kɔrɔ ka i bato.

Yaburi 69:13

Kɔnɔ wo bɛɛ rɔ, n Mari, n bi ile le madiyala. E, Alla, n yabi a tumɛ rɔ. I ni n yabi ka a tɛgɛ ila hinɛ ma bawo i ye ila lanyiri latɔnbagayala ka mɔgɛ kisi.

Yaburi 69:16

E, Mari, n yabi a nyimɛ la ila keninteya-dannatɛgɛbɛlɛ rɔ. I ya-lamunun n na ka a tɛgɛ ila kinikini-wɛ ma.

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Hɛnkilimaya-Kumɛnu 12:10

Mɔgɔ-nyimɛ kusan ala kolo-fannu fɛ-birala kɔnɔ karagbɛlɛ ye anu bira boloko-yogomɛ le kɛla.

Aiseya 46:7

Anu bi bɛsɛ wo sigila anu kan ma ka ta a la. Anu ba ban a sigila kan-tina-kelan min tɔ, a ti ke a ramagala nyɔ. Mɔgɔ wa a madiya, a ti ke a labirala. A ti mɔgɔ-wo-mɔgɔ kunyɛ bɔ kasarɛ kɔrɔ.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Nimisa Koe 3:32

Hali a ye tɔrɔyɛ sigila mɔgɔ ma, a si kinikini a ma bawo ata keninteyɛ da rakolo.

Yona 3:9

Tumado, Alla si a fonde yɛlɛma ma wara la. Tumado, ma ti faga tun ata diminyɛ bolo.’ ”

Yona 4:2

A ya a fɔ Mari ye ko, “Yanni n ni bɔ n barɛ, n ya a lɔn ko i ye anu makotola le, woletɔ n ya n buri. N ko n ni ta Sipeni. N ya a lɔn nun ko mɔgɛnu di i ye kosɛbɛ, i kinikinite. I si i munyu mɔgɛnu kɔrɔ, i kɛ-nya kin. Hali i si mɔgɛ minnu halaki kɔnɔ i latiri i fonde yɛlɛmana ka kinikini anu ma.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Habakuku 3:2

Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.

Yɔni 12:27

Yisa ko, “N yisi tɔrɔnɛ kaka. N si nfen fɔ? N kana a fɔ ko, ‘N Fa, i yandi, tɔrɛ kɛ kana na n ma,’ ado n nara wo lela ko la.

Filipai 1:23

N kɔndɔfilinɛ ko filɛ kɛnu tɔ. N bi a fɛ ka bɔ nimayɛ kɛ rɔ ka ta to Kirasiti fɛ. Wo le fisa bɛrɛkɛ!

Hiburunu 10:31

Ka don Alla nimɛ bolo tɔ, ko-makilanni-ba le wo la!