1 Ko-Kɔrɔta-Karan 21:12 - ALLALA KUMƐ

¹² san sawɛ kɔnkɔ-fitinɛ wo, karɛ sawa wo ye wo burila wo yogenu kɔrɔ wo, tele sawɛ kiraya-fitinɛ wo. Ale Allata niyi-bɔ-melika si Isirɛla mɔgɛnu faga tele sawɛ wo kɔrɔ. Mari ko, i miri a kilɛ fɛ. I ni ita bi kɛnu tɔ. N ni ta wo fɔ Mari ye.”

1 Ko-Kɔrɔta-Karan 21:12 ပူးပေါင်းရင်းမြစ်များ

2 Samuwɛli 21:1

Mansa Dawudata wati rɔ, kɔnkɔ-fitinɛ donta nyamanɛ wo rɔ. San sawa dɛgɛdɛgɛ, kɔnkɛ ye nyɔ. Mansa Dawuda ya Mari manyinika wola ko la. Mari ya a fɔ a ye ko, “Wo mara bawo Mansa Sɔli anubɛ a kebila-mɔgɛnu bara Kibiyon mɔgɛ donu faga.”

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

2 Mansɛnu 19:35

Wulɔn-suyi-nyɛrɛ rɔ, Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli (185,000) faga Asiriyanu tɔ. Bandɛ kanɛ, wonu furi taranta nyɔ.

2 Mansɛnu 8:1

Nɛbi Ilaisa ya Sunam musi minna dan lakɛndɛya nun, a ya musi wo makawandi ko kɔnkɔ-fitinɛ ye nala nyamanɛ wo rɔ san wɔrɔnfila kɔrɔ. A ko a ni ala denbayɛnu bi ka ta anu na kan-tina-gbɛrɛkɛ!

1 Ko-Kɔrɔta-Karan 21:11

Mari kumara Kadi ye, Mansa Dawudala ko-rayennɛ, kɔni. Wo ya Mari kuman-kan wo latenbi a ma. A ko, “I ni ita bi kɛ sawɛ rɔ,

Yaburi 91:6

Hali i ma kilan kirayɛ la min bi i manɛgɛnna suyi rɔ. Hali i ma kilan teleta kasarɛ la.

Bɔ-Koe-Iyipiti 12:23

Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Aiseya 66:16

Mari si kiti tɛgɛ tɛ la. A si hadama-dan bɛɛ tɔrɔ faan la, ado a ye minnu wara-koe kala-a-la, wonu denu siya.

Yɛrɛmaya 12:12

Kɛlɛ-den-siyaman si tenbi kɔnkɔ-manunkunɛ wonu ma. Nde, Mari si a ma, kɛlɛ-dan wonu ni nyamanɛ wo tɔrɔ. Ka a bi nyamanɛ-dan doi ma ka a sigi a dan doi la, anu si mɔgɛ wo bɛɛ tɔrɔ. Mɔgɔ-wo-mɔgɔ ti kisi.

Yɛrɛmaya 42:16

nba, wo kilannɛ kɛlɛ min na, wo si wo taran wo yarɔ nyɔ. Wo kilannɛ kɔnkɛ min na, wo si wo sagaran nyɔ. A ko wo si faga Iyipiti nyamanɛ rɔ nyɔ.

Yɛrɛmaya 47:6

Filisitinu bi gbunyala ko, “E, Marita faan, i si to pelen-pelenna ha tumɛ nyamintan? Don i lɛɛ rɔ ka i sulen nyɔ.”

Nimisa Koe 4:9

Minnu kunyɛ tora kɛlɛ rɔ, wonu fisa kɔnkɛla mɔgɔ-faganɛ kɛnu ko. Minnu niyi ma bɔ yona, a gbɛlɛyara wonu kuma.

Saraka-Masɔlɛnuta Tɔnnu 26:10

Wo tenbi wola dɔn-fen-kurɛnu tɛgɛla, wo si a kɔrɔmɛnu nabɔ bɔn la ka a kurɛnu nadon.

Saraka-Masɔlɛnuta Tɔnnu 26:17

Nde nyɛrɛ si n kan-kɔ sɔ wo la. Wo yogenu si nɔ-ko sɔrɔn wo ma. Wo ma di mɔgɛ minnu ye, wonu si wo lamara. Wo si ma yutoenu na. Hali mɔgɔ sa wo gbenna, wo si wo buri.

Luka 4:25

“Wo ni wo tole masɔ. Tonyɛ le, Nɛbi Ilayata wati rɔ, kɛɛ-musi siyaman bi Isirɛla mɔgɛnu tɛma nun. Bandɛ ma na san sawa anubɛ a tala tumɛ min, kɔnkɔ-fitinɛ donta dugi wo bɛɛ rɔ.

Kɛwɔlɛnu 12:23

Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.

Tɔn-Fɔɛ-Fila-Nyɔgɛ 28:15

“N bara Allata tɔn min di wo ma kɛ la bi, ni wo ya wo ban wo bira-koe ma, dankɛ kɛnu si wo bira.

Tɔn-Fɔɛ-Fila-Nyɔgɛ 28:22

Mari si kiraya-yogomɛnu nana wo kuma minnu si wo bara. Yiri-kirayɛ si wo bira. Kimɛ ti bɔ wo la. Banda mumɛ ti na wola nyamanɛ rɔ. Samɛ si ma iko telema-kerekere wo wati rɔ. Taraba-tele si mɛ wo tɔrɔla ha wola sɛnita-fan bɛɛsi ni gbala. Kɔndɔfili kɛ si to wo kuma ha wo damasi ni faga.

Tɔn-Fɔɛ-Fila-Nyɔgɛ 28:25

“Mari si a ma, wo yogenu si wo nɔ. Wo wa ta wo yogenu kɛlɛ tinɛ tumɛ min, wo si ta kila kelen fɛ kɔnɔ wonu si wo ranyɛnsɛn. Wole si belenna wo burila anu kɔrɔ kila-siyamɛnu fɛ. Ni mɔgɔ-gbɛrɛkɛnu ya wo tɔrɔya-nya yen, anu si kilan kati!

Tɔn-Fɔɛ-Fila-Nyɔgɛ 28:27

Mari si sumunu-kirayɛ sigi wo ma iko a ya a ma Iyipiti mɔgɛnu na nya min nun. Tɛlɛ anubɛ tɛli-wonke si taran wo fɛrɛ ma belenna da-wo-da. Nyɛkɛ si wuya wo fɛrɛ ma belenna iko koronya-munke. Kɛnu bɛsi mumɛ ti taran mɔgɔ bolo.

Tɔn-Fɔɛ-Fila-Nyɔgɛ 28:35

Sumunɛ si wo ban ka a fɔlɔ wo kiannu ma ha ka a sigi wo kunyɛnu na. A dumɛ si tagbaya wo ma, ado anu ti kɛndɛya hali!