1 Ko-Kɔrɔta-Karan 19:7 - ALLALA KUMƐ

⁷ Kɛlɛ-dan kirindi-tigi mɔgɔ waga bi-sawa ani mɔgɔ waga fila (32,000), wonu wulita ka ta kofu Meyaka mansɛ anubɛ ala kɛlɛ-dannu ma. Anu dama wulita Mansa Dawuda kan ma ka ta anu daga makɛ Midaba soe dafɛ. Wo kɔma, Amonnuna kɛlɛ-dan damasi wulita Mansa Dawuda kɛlɛ kan ma.

1 Ko-Kɔrɔta-Karan 19:7 ပူးပေါင်းရင်းမြစ်များ

2 Samuwɛli 10:6

Amonnu ya a lɔn min kɛ ko anu bara Mansa Dawuda ma anu yoge la, anu tara Siriya kɛlɛ-dan mɔgɔ waga mogan (20,000) masan Soba soe anubɛ Bɛti-Rihobu soe burɔ. Anu tara mɔgɔ waga tan-ni-fila masan Tɔbu nyamanɛ rɔ fanan. Anu tara Meyaka nyamanita mansɛ wara ka ale anubɛ ala kɛlɛ-dan mɔgɔ waga kelen (1,000) masan.

1 Ko-Kɔrɔta-Karan 18:4

Ale Mansa Dawuda ya ala kirindi waga kelen bira anubɛ kɛlɛ-dan mɔgɔ waga wɔrɔnfila (7,000) minnu bi soeenu naburila. So sa kɛlɛ-dan minnu bolo, a ya wonu mɔgɔ waga mogan (20,000) bira. Soee minnu si ke kirindi kɛmɛ saganna, a ya wonu namara. A toe, a ya wonu kin-kɔma-fasɛnu natɛgɛ.

1 Ko-Kɔrɔta-Karan 19:8

Mansa Dawuda fanan ya wo lamɔɛn min kɛ, a ya ala kɛlɛ-den-kunyɛ Yohabu anubɛ ala kɛlɛ-dan bɛɛsi lata Amonnu kɛlɛ tinɛ.

2 Ko-Kɔrɔta-Karan 14:9

Kɛlɛ-kurugbɛ do ye nyɔ min tɔgɛ Sera. A bɔra Sudan nyamanɛ rɔ. A nara kɛlɛ-den wulu kelen (1,000,000) na a bolo anubɛ kirindi kɛmɛ sawa (300). A tara ha Marasa soe burɔ.

Bɔ-Koe-Iyipiti 14:9

Iyipiti kɛlɛ-dannu tara Isirɛla mɔgɛnu sagaranna anuta kirindinu na anubɛ anuna soeenu na anu bolo. Anu gbɛrɛnta anu ma anu daga-makɛnɛ kan min Kɔgɔ-Yi-Wulan dafɛ, Paihahirɔti da la, Beyali-Sifɔn ya-telen ma.

Aiseya 15:2

Dibon so-burɔ-mɔgɛnu ye tala anuna bɛsi-kɔ-tinɛ kɔnkɛ kuma kesi-koe la. Mohabu kɛnu ya Nibɔ anubɛ Midaba so-tinyanɛ yen min kɛ, anu donta anu sɔnsɔn rɔ diyi-kɛ bolo. Anu ya anu kunyɛ gbanna ka anu dɛ masii ka a yira ko anu yisi tinyanɛ.

Yilan-Yilan Koe 21:30

Ka a bi Hɛsibɔn ma ha ka ke Dibon soe ma, ila mɔgɛ wo bɛɛ ara halaki pɔ ka a bi Nasima soe ma ha ka ke Nofa soe ma min gbɛrɛnnɛ Midaba soe ma.”)

Yasowa 13:16

Anuna nyamanɛ ya a dabira Yorodan bɛ ma tele-yigi wara la ka ke Anɔn bɛ ma ha kɔnkɛ min tasiginɛ ye Midaba soela foolɛ rɔ.

Yasowa 13:9

Anuna nyamanɛ tara ha Arɔra soe min bi Anɔn lɛɛ anubɛ nyamanɛ min bɛɛ ye Dibon dugu la ha ka ke Midaba soe ma.

Kɛlɛ-Kurugbɛnu 4:3

nɛgɛ-kirindi kɛmɛ kɔnɔntɔ taranta a bolo. Mansɛ wo ya Isirɛla mɔgɛnu bira boloko-yogomɛ-kɛ san mogan kɔrɔ. Woletɔ Isirɛla mɔgɛnu dira Mari dala.

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.