1 Ko-Kɔrɔta-Karan 19:6 - ALLALA KUMƐ

⁶ Amonnu anubɛ anuna Mansa Henɔn ya a lɔn min kɛ ko anu bara Mansa Dawuda ma anu yoge la, anu tara Mɛsopotemiya nyamanɛ kantɔ-wara la anubɛ Meyaka soe anubɛ Soba soe Siriya nyamanɛ rɔ ka kirindi-laburilɛnu anubɛ anuna kirindinu masan wodi-gbɛ siyaman na. Wodi-gbɛ wola gbiliyɛ anubɛ fui-fan bɔrɔ kɛmɛ lolila gbiliyɛ rakɛn de!

1 Ko-Kɔrɔta-Karan 19:6 ပူးပေါင်းရင်းမြစ်များ

Ko-Dabirɛnu 34:30

Yakoba ya a fɔ ala den Simiyɔn anubɛ Lifayi ye ko, “Wo ara nanparan le di n ma kɛ la. Wo sɔn kɛ si a ma, ma si gboya Kenannu anubɛ Perasanu anubɛ sibolo-gbɛrɛ dama ye, ado male ma siya iko anu denu. Ni wonu ya anu nadɛn ma kan ma, anu si ma lato dogbe!”

2 Samuwɛli 10:6

Amonnu ya a lɔn min kɛ ko anu bara Mansa Dawuda ma anu yoge la, anu tara Siriya kɛlɛ-dan mɔgɔ waga mogan (20,000) masan Soba soe anubɛ Bɛti-Rihobu soe burɔ. Anu tara mɔgɔ waga tan-ni-fila masan Tɔbu nyamanɛ rɔ fanan. Anu tara Meyaka nyamanita mansɛ wara ka ale anubɛ ala kɛlɛ-dan mɔgɔ waga kelen (1,000) masan.

2 Samuwɛli 8:3

Rihobula den Mansa Hadadisa, min bi Soba soe wo kun na, wo tanɛ kɛlɛ-kɛ-tinɛ Yufereti bɛ dafɛ alako a ni nyɔ bi tun a yogenu bolo. Mansa Dawuda anubɛ ala kɛlɛ-dannu tara bui anu ma ka Soba soe bi anu bolo.

1 Ko-Kɔrɔta-Karan 18:5

Siriya minnu siginɛ Damasika soe burɔ, wonu ya a lamɔɛn nkɛkuna ko Mansa Dawuda ara ta bui Soba soe ma, wonu ya anuna kɛlɛ-dannu nata Mansa Hadadisa dɛnbɛn tinɛ. Wonu fanan ke nyɔ, Mansa Dawuda ya mɔgɔ waga mogan-ni-fila (22,000) faga wonu tɔ.

1 Ko-Kɔrɔta-Karan 18:9

Siriya mansɛ doi min bi Hamati soe kun na, Mansa Tɔyi, kɔni, wo ya a lamɔɛn min kɛ ko Mansa Dawuda ara Mansa Hadadisa nɔ,

1 Ko-Kɔrɔta-Karan 19:5

Mansɛ ya wo lamɔɛn nkɛkuna, a ya mɔgɛ donu nata wonu nabɛn tinɛ, Amonnu bara minnu namiliya wo la. A ya a sara anu bara, a ko anu ni to sigini Yɛrikɔ ha anu buyɛ ni bɔ tun. Wo kɔma, anu ni na to nala Yerusalɛm.

2 Ko-Kɔrɔta-Karan 18:3

Mansa Ehabu ya Mansa Yɛhosafati manyinika, a ko, “I ti kofu ma ma? Ma ni ta Ramɔti kɛnu kɛlɛ.” Yɛhosafati ya a fɔ a ye ko, “I wulita tuma-wo-tuma, n bi i fɛ. I halalɛ le nna kɛlɛ-dannu na.”

2 Ko-Kɔrɔta-Karan 18:5

Wo le ya a ma, Mansa Ehabu ya ala nɛbi mɔgɔ kɛmɛ nani kele ka wonu manyinika, a ko, “N ni ta Ramɔti kɛnu kɛlɛ, ka, n ka ta?” Nɛbi wonu ko, “Ta anu kɛlɛ. Mari si a ma, i ni nɔ-ko sɔrɔn anu ma.”

2 Ko-Kɔrɔta-Karan 18:9

Wo ya a taran, mansa filɛ kɛnu mayiginɛ anuna waganɛnu tɔ gbere-kole ma Samariya soe don-dɛ la anuna mansaya-durukinu bi anu kan na. Nɛbi siyamɛ wonu bi wɔlɔyiya-kuma-fɔɛnu na anu yakɔrɔ.

2 Ko-Kɔrɔta-Karan 25:6

Wo kɔma, a ya Isirɛla nyamanɛ kɛlɛ-dan mɔgɔ waga kɛmɛ (100,000) masan wodi-gbɛ min na, wola gbiliyɛ anubɛ fui-fan bɔrɔ bi-loli rakɛn de!

2 Ko-Kɔrɔta-Karan 27:5

Mansa Yotam tara Amonnuna mansɛ anubɛ ala kɛlɛ-dannu kɛlɛ, ado a ya wonu nɔ. A ya fanka digin Amonnu kuma, wonu tora duti dila a ma. San-bo-san, wonu si wodi-gbɛ min di a ma wola gbiliyɛ anubɛ fui-fan bɔrɔ bi-loli rakɛn de! Wonu si to fui-fan-subolo fila dila a ma san-bo-san. Anu si fui-fen-su kelen doi bɔrɔ waga mogan-ni-nani (24,000) di a ma. Anu si fui-fen-su doi bɔrɔ waga mogan-ni-nani (24,000) di a ma fanan. San sawa kɔrɔ dɛgɛdɛgɛ, Amonnu bi duti kɛ dila a ma.

Yaburi 14:3

Kɔnɔ anu dama ara anu kan-kɔ sɔ a la. I ti do-wo-do matuntun do ye ko-yogoma-kɛ rɔ. Hali mɔgɔ-den-kelen sa anu tɔ min si ko-nyimɛ kɛ.

Yaburi 46:9

A ye tɔn sigila kɛlɛ la duninya bɛɛ rɔ. A si kalabɛnnu takerikeri ka tanbɛnu tinya ka kɛlɛ-dan-matanka-fannu fanan mintan.

Bɔ-Koe-Iyipiti 5:21

Anu ya a fɔ Musa anubɛ Aruna ye ko, “Wo ara min ma, Mari ara wo yen. A si wo tɔrɔ kamasɔrɔn wo ara ma magboya mansɛ anubɛ ala mɔgɔ-banu bara la. Wo ara ma faga-kilɛ yira anu na.”

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Samuwɛli 13:4

Isirɛla mɔgɛ damasi ya a lamɔɛn ko Mansa Sɔli ara bui Filisitinu ma, ado anu ya a lamɔɛn fanan ko Isirɛla mɔgɛnu gboyanɛ Filisitinu ye lass! Isirɛla mɔgɛ bɛɛ kofura Mansa Sɔli ma Kiligali kɛlɛ rɔ.

1 Samuwɛli 14:47

Mansa Sɔli ye mansayɛ la Isirɛla kun na tumɛ min, a kɛnɛna a yogenu kɛlɛla kan tinɛ bɛɛ rɔ. A ya Mohabu kɛnu kɛlɛ anubɛ Amonnu anubɛ Idɔm kɛnu anubɛ mansɛ minnu bɔra Soba nyamanɛ rɔ anubɛ Filisiti mɔgɛnu. A ya min bɛɛsi kɛlɛ, a ya wonu nɔ.

1 Samuwɛli 27:12

Mansa Akisi lara Dawuda la kosɛbɛ! A ya a miri a nyɛrɛ ma ko, “Bawo Dawuda ma di a wara-mɔgɛnu ye Isirɛla nyamanɛ rɔ, a si to wɔlila n ye a siyi-tele-bɛɛ rɔ.”