1 Ko-Kɔrɔta-Karan 19:19 - ALLALA KUMƐ

¹⁹ Mansa Hadadisala so-tiginu ya a yen min kɛ ko Dawudala kɛlɛ-dannu bara anu nɔ, anu ya anu nyɛrɛ latenbi Mansa Dawuda ma. Anu tora ale kɔrɔ. Siriyanu kilanta Amonnu dɛnbɛn-koe ma tun.

1 Ko-Kɔrɔta-Karan 19:19 ပူးပေါင်းရင်းမြစ်များ

2 Samuwɛli 10:1

Wati-tenbinɛ kɛ kɔma, Amon Mansa Nɛhasi fagara. Ala den Henɔn sigira a gbɛ rɔ.

2 Samuwɛli 10:19

Mansa Hadadisala so-tiginu ya a yen min kɛ ko Dawudala kɛlɛ-dannu bara anu nɔ, anu ya anu nyɛrɛ latenbi Dawuda ma. Anu tora anuna dutinu natala Dawuda ma. Siriyanu kilanta Amonnu dɛnbɛn-koe ma tun.

1 Mansɛnu 20:1

Siriya Mansa Bɛnhedadi ya ala kɛlɛ-dannu kundɛn. A ta-nyɔgɔ-mansa bi-sawa ani mansa fila (32) fanan sɛbɛ donnɛ a fɛ kɛlɛ-kɛ rɔ. Wonubɛ anuna soeenu anubɛ anuna kirindinu, anu dama tara bui Samariya soe ma ka nyɔ-mɔgɛnu kɛlɛ.

1 Mansɛnu 20:12

Kilayɛ wonu sɛgira ka wo fɔ Mansa Bɛnhedadi ye. Kilayɛ wonu bi anu dantɛgɛla mansɛ ye tumɛ min, wo ya a taran, anubɛ a ta-nyɔgɔ-mansɛnu bi gbɛɛ-minyɛ kun na anuna fani-bɔnnu na. Mansa Bɛnhedadi ya a fɔ ala kɛlɛ-dan wonu ye ko anu ni anu mabɛn ka ta Mansa Ehabu anubɛ ala mɔgɛnu kan ma. Anu ya anu tabɛn.

1 Ko-Kɔrɔta-Karan 14:17

Mansɛ mankan koloyara. Mari ya a ma, sibolo-gbɛrɛ bɛɛ kilanta a la.

1 Ko-Kɔrɔta-Karan 19:18

Siriya wonu ya anu buri Mansa Dawudala kɛlɛ-dannu kɔrɔ. Kɛlɛ-dan minnu bi kirindinu naburila, Isirɛla mɔgɛnu ya wonu mɔgɔ waga wɔrɔnfila (7,000) faga. Minnu bi tagamana anu kian ma, Isirɛla mɔgɛnu ya wonu mɔgɔ waga bi-nani (40,000) faga. Isirɛla mɔgɛnu ya Siriya kɛlɛ-den-kunyɛ Sofaki faga.

1 Ko-Kɔrɔta-Karan 20:1

Wo san nasɛgi, mansɛnuna-kɛlɛ-wati kenɛ, Yohabu ya ala kɛlɛ-dannu bi. Anu tara bui Amon nyamanɛ ma. Lunyɛ do, anu tara bui anuna so-karantan do ma min tɔgɛ Raba ka a kasara. Kɔnɔ hali wo, Mansa Dawuda ma a maga Yerusalɛm soe burɔ.

Yaburi 18:39

E, Mari, ile le ya ila sɛnbɛ ma n makiri-fan la, ha n yogenu buira n kɔrɔ ka anu nyɛrɛ latenbi n ma.

Yaburi 18:44

Sibolo-gbɛrɛ minnu ba n tɔgɛ lamɔɛn, wonu si anu madu n kɔrɔ ka anu bole sa anu dɛ la kilan bolo.

Aiseya 10:8

Ale mansɛ ye a nyɛrɛ matɔgɔla ko, “Nna kɛlɛ-kurugbɛ, wo bɛɛ mansa!