1 Ko-Kɔrɔta-Karan 18:14 - ALLALA KUMƐ

¹⁴ Mansa Dawuda ya Isirɛla nyamanɛ mumɛ mara, ado a ya koe bɛɛsi lata a kilɛ fɛ ka ko-latelennɛ kɛ.

1 Ko-Kɔrɔta-Karan 18:14 ပူးပေါင်းရင်းမြစ်များ

2 Samuwɛli 8:15

Mansa Dawuda ya Isirɛla nyamanɛ mumɛ bɛɛ mara, ado a ya koe bɛɛsi lata a kilɛ fɛ ka ko-latelennɛ kɛ.

1 Ko-Kɔrɔta-Karan 12:38

Kɛlɛ-dan kɛ damasi kundɛnta kan-tina-kelen Hiburɔn soe burɔ. Anu damasi sɔndɔmɛ sɔnɛ Dawuda la ka a ma mansɛ la Isirɛla mɔgɛnu kun na. Hali kɛlɛ-den ma minnu na, wonu fanan burɛ ye wo nya na le.

1 Ko-Kɔrɔta-Karan 18:13

Wo kɔma, Mansa Dawuda ya ala kɛlɛ-dannu daga makɛ tinɛnu nadan Idɔm kan tinɛ wo bɛɛ rɔ. Nyamanɛ wo fanan tora a kɔrɔ. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

1 Ko-Kɔrɔta-Karan 18:15

Abisayi kɔrɔ Yohabu, wo le kɛlɛ-den-kunyɛ la Mansa Dawuda kɔrɔ. Mansɛla kuma-kɔrɔ-sɛbɛnɛ-lamaralɛ le Ahiludila den Yɛhosafati la.

1 Ko-Kɔrɔta-Karan 29:26

Yɛsila den Mansa Dawuda ya san bi-nani le bɔ mansayɛ la Isirɛla mɔgɛnu kuma. San wɔrɔnfila, a siginɛ Hiburɔn soe burɔ. San bi-sawa ani san sawa, a siginɛ Yerusalɛm soe burɔ.

Yaburi 72:1

E, Alla, mansɛ karan alako a kana lafisayalɛ kɛ kiti tɛgɛ tinɛ. I ni ita telenbagayɛ di a ma.

Yaburi 89:14

Ila mansaya-kuri kɛnɛ tonyɛ anubɛ telenbagayɛ le la. I ye koe min bɛɛsi ladanna, ma ye ila hinɛ anubɛ lanayɛ yenna wonu tɔ.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 22:15

Mari ko ale mansɛ miri ko sida-fɛrɛn-siyamɛ si a ma mansa-tɔgɔlamɛ la ka tenbi a fa la. A fa ye mansayɛ la tumɛ min, dɔn-fan le dɔrɔn ya wo wasa. Mari ko wo ya ko-telennɛ anubɛ ko-nyimɛ le ma a siyi-tele-bɛɛ kɔrɔ. Woletɔ koe bɛɛ tara a kilɛ fɛ a bolo.

Yɛrɛmaya 33:15

Wo wati rɔ, a si Mansa Dawuda kegeyɛ do ma mansa-latelennɛ la. Wo si to ko-telennɛ kɛla nyamanɛ wo kan tinɛ bɛɛ rɔ.