1 Ko-Kɔrɔta-Karan 18:13 - ALLALA KUMƐ

¹³ Wo kɔma, Mansa Dawuda ya ala kɛlɛ-dannu daga makɛ tinɛnu nadan Idɔm kan tinɛ wo bɛɛ rɔ. Nyamanɛ wo fanan tora a kɔrɔ. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

1 Ko-Kɔrɔta-Karan 18:13 ပူးပေါင်းရင်းမြစ်များ

Ko-Dabirɛnu 25:23

Mari ya a fɔ a ye ko, “I si fɛrannu sɔrɔn. Wonu si ma bɔnsɔn-kun-tiginu na. A kinamɛ si wɔli a dɔgɔmɛ ye.” Bɔnsɔn wonu si to anu nyɔgɔn kɛlɛla. Bɔnsɔn doi sɛnbɛ si koloya doitɛ ko.

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Ko-Dabirɛnu 27:37

A fa ya a fɔ a ye ko, “N bara ban a mala kun-tigi la ile kuma. N bara a na-kelen-nyɔgɛnu ma wɔli-kɛlɛnu na ale kɔrɔ. N bara duwa ala fui-fan anubɛ ala nɔnbɔ-gbɔɛnu ye. Nna den, fenfen sa n bolo tun n si min di i ma.”

Ko-Dabirɛnu 27:40

Ni i ma kɛlɛ kɛ, i ti fen sɔrɔn kɔnɔ hali wo, fɔ i wa wɔli i dɔgɛ kɔrɔ. Kɔnɔ a wa a lagbɛlɛya i kuma tumɛ min, i si bɔ ata sɛnbɛ kɔrɔ.”

2 Samuwɛli 23:14

Wati wo rɔ, Mansa Dawuda ye kan-tina-latankanɛ wo rɔ. Filisiti donu bara ta Bɛtalehɛm soe bira-a-la.

1 Mansɛnu 11:15

Idɔm nɔ-koe Mansa Dawuda bolo tenbi-n-kɔmɛ, yanni Mansa Hedadi ni koloya tumɛ min, wo ya a taran, Mansa Dawudata kɛlɛ-den-kunyɛ Yohabu ara ta furu togon tinɛ Idɔm nyamanɛ rɔ nun. Karɛ wɔrɔ kɔrɔ, anubɛ ala kɛlɛ-dannu siginɛ nyɔ. Karɛ wɔrɛ wo kɔrɔ, anu banta kei bɛɛ fagala fɔ Mansa Hedadi anubɛ a fala wɔli-kɛlɛ donu minnu ya anu buri ka Iyipiti nyamanita-kilɛ bira.

1 Ko-Kɔrɔta-Karan 18:12

Sɛruya Abisayi tara Idɔm kɛ mɔgɔ waga tan-ni-segin (18,000) faga lɛɛ do rɔ min tɔgɛ Kɔgɛ.

1 Ko-Kɔrɔta-Karan 18:14

Mansa Dawuda ya Isirɛla nyamanɛ mumɛ mara, ado a ya koe bɛɛsi lata a kilɛ fɛ ka ko-latelennɛ kɛ.

1 Ko-Kɔrɔta-Karan 18:6

Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya nyamanɛ wo rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

Yaburi 121:7

Mari si ma lakisi masibɛ bɛɛ ma. Ma lakanannɛ si to ma bolo tolon!

Yaburi 144:10

I ye nɔlɛ dila mansɛnu ma ka nde, ila wɔli-kɛlɛ Dawuda latanka.

Yilan-Yilan Koe 24:18

A yoge minnu bi Idɔm nyamanɛ rɔ, a si wonu kasara. A si nyamanɛ wonu ma a nyɛrɛtɛ la. Kɔnɔ hali wo, Isirɛla mɔgɛnu si to fanka sɔrɔnna dɛɛ!

2 Kɔrɛnti 11:32

N bi Damasika soe burɔ tumɛ min, sigisɔn-mansɛ min bi Mansa Arɛtasi kɔrɔ, wo ya a kandannɛnu sɔ soela foolɛ rɔ n bira-koe la.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.

1 Samuwɛli 13:3

Yonatan tara bui Filisitinu ma Kibiya dagɛ rɔ. Filisiti doinu ya kumɛ kɛ lamɔɛn tumɛ min, Mansa Sɔli ya kɛlɛ-kɛ buru-fɛlɛnu nata Isirɛla nyamanɛ rɔ alako Hiburu damasi ni na kɛlɛ-kɛ-tinɛ.

1 Samuwɛli 14:1

Kemini-mɛsɛ min bi Yonatanna kɛlɛ-miran madununa, lunyɛ do, ale Yonatan ya a fɔ a ye ko, “Ma ta Filisitinuna dagɛ rɔ.” Kɔnɔ a ma kɛ fɔ a fa Mansa Sɔli ye.

1 Samuwɛli 18:14

A ya kɛlɛ min bɛɛsi kɛ, a ya nɔ-ko sɔrɔn bawo Mari ye a fɛ.