1 Ko-Kɔrɔta-Karan 18:12 - ALLALA KUMƐ

¹² Sɛruya Abisayi tara Idɔm kɛ mɔgɔ waga tan-ni-segin (18,000) faga lɛɛ do rɔ min tɔgɛ Kɔgɛ.

1 Ko-Kɔrɔta-Karan 18:12 ပူးပေါင်းရင်းမြစ်များ

2 Samuwɛli 10:10

A ya a na-kelen-nyɔgɛ Abisayi sɔ kɛlɛ-dan toenu yarɔ. Wonu tara Amonnu kɛlɛ tinɛ minnu bi soe tarɛ-don-dɛ la.

2 Samuwɛli 10:14

Amonnu ya a yen min kɛ, Siriyanu bara anu buri, anu denu fanan ya anu buri Abisayi kɔrɔ ka don tarɛ burɔ. Yohabu ya ala kɛlɛ-dan damasi bi. Anu sɛgira Yerusalɛm.

2 Samuwɛli 20:6

Ale mansɛ ya a fɔ Abisayi ye ko, “Siba kɛta nanparan ye tenbila le Abasalɔmtɛ la. Nna kɛlɛ-dannu bi, wo ni a sagaran. Ni wo ma, a si ta soe donu bi tarɛ mininɛ minnu ma, ado a masɔrɔn-koe si gbɛlɛya ma bolo.”

2 Samuwɛli 21:17

Kɔnɔ Sɛruya Abisayi wo nara Mansa Dawuda dɛnbɛ ka Filisiti wo faga. Wo kɔma, kɛlɛ-dannu ya tɔn sigi Mansa Dawuda ma, anu ko, “I kana ta ma fɛ kɛlɛ rɔ tun alako i kunyɛ la kana to kɛlɛ rɔ bawo ni wo mara, ma ara to pinpi rɔ.”

2 Samuwɛli 23:18

Yohabu dɔgɔ Abisayi minnu na tɔgɛ Sɛruya, wo le ye kɛlɛ-kurugba bi-sawɛ kɛnu kun na. Abisayi wo le ya mɔgɔ kɛmɛ sawa faga ala tanbɛ la. Wo le ya a ma, ale tɔgɔ bɔra mɔgɔ bi-sawa kɛnu tɛma ka ma anuna kun-tigi la. Kɔnɔ ale ma tɔgɛ sɔrɔn iko mɔgɔ sawɛ kɛnu.

2 Samuwɛli 3:30

Yohabu anubɛ a dɔgɛ Abisayi ya anu dɔgɛ tayili sara bawo Abina le fɔlɔn ya anu dɔgɛ Asahɛli faga Kibiyon kɔnkɛ ma kɛlɛ kuma.

2 Samuwɛli 7:13

Wo le ye n bato-bɔn sɔla. N si a ma, mansayɛ ti bɔ ala bɔn la mumɛ!

1 Mansɛnu 11:15

Idɔm nɔ-koe Mansa Dawuda bolo tenbi-n-kɔmɛ, yanni Mansa Hedadi ni koloya tumɛ min, wo ya a taran, Mansa Dawudata kɛlɛ-den-kunyɛ Yohabu ara ta furu togon tinɛ Idɔm nyamanɛ rɔ nun. Karɛ wɔrɔ kɔrɔ, anubɛ ala kɛlɛ-dannu siginɛ nyɔ. Karɛ wɔrɛ wo kɔrɔ, anu banta kei bɛɛ fagala fɔ Mansa Hedadi anubɛ a fala wɔli-kɛlɛ donu minnu ya anu buri ka Iyipiti nyamanita-kilɛ bira.

2 Mansɛnu 14:7

Mansa Hamasa ya Idɔm kɛlɛ-dan waga tan (10,000) faga lɛɛ do rɔ min tɔgɛ ko Kɔgɔ lɛɛ. A tara soe do bi min tɔgɛ Sela. A ya soe wo tɔgɛ yɛlɛma ka a kele ko Yokatili. Tɔgɛ wo le tora soe wo kuma ha bi.

1 Ko-Kɔrɔta-Karan 11:20

Yohabu dɔgɔ Abisayi, wo le ye kɛlɛ-kurugba bi-sawa kun na. Abisayi wo le ya mɔgɔ kɛmɛ sawa faga ala tanbɛ la.

1 Ko-Kɔrɔta-Karan 18:11

Mansɛ ya fen-kolomɛ wonu bi ka anu dantɛgɛ Allata wɔlɛla ko la. Idɔm kɛnu wo, Mohabu kɛnu wo, Amonnu wo, Filisitinu wo, Amalɛkinu wo, a ya fen-kolomɛ min bɛɛsi bi anu bolo kɛlɛ rɔ, a ya wonu fanan dantɛgɛ Allala wɔlɛla ko la.

1 Ko-Kɔrɔta-Karan 18:13

Wo kɔma, Mansa Dawuda ya ala kɛlɛ-dannu daga makɛ tinɛnu nadan Idɔm kan tinɛ wo bɛɛ rɔ. Nyamanɛ wo fanan tora a kɔrɔ. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

1 Ko-Kɔrɔta-Karan 19:11

A ya a na-kelen-nyɔgɛ Abisayi sɔ kɛlɛ-dan toenu yarɔ. Wonu tara Amonnu kɛlɛ tinɛ minnu bi soe tarɛ-don-dɛ la.

1 Ko-Kɔrɔta-Karan 2:16

Yɛsi ya dunmusu fila fanan sɔrɔn, Sɛruya anubɛ Abigɛli. Yɛsila dunmusi Sɛruya ya den-kei mɔgɔ sawa sɔrɔn, Abisayi wo, Yohabu wo, anubɛ Asahɛli.

2 Ko-Kɔrɔta-Karan 25:11

Mansa Hamasa ya a kerinteya. A ya ala kɛlɛ-dannu bi ka ta lɛɛ do rɔ min tɔgɛ le ko, “Kɔgɔ Lɛɛ.” Anu ya Idɔm kɛlɛ-dan mɔgɔ waga tan (10,000) faga lɛɛ wo rɔ nyɔ.

Yaburi 60:1

E, Alla, i wara i ban ma la ka kilɛ sa ma ma. I fonde ma ara gboya ma ma nun kɔnɔ i yandi, i ya-lamunun ma la.

Yaburi 60:2

I wara a ma, mala nyamanɛ ara yɛrɛyɛrɛn ha dugu dɛ la ara ka, fan! I yandi, a dɛ min nakanɛ, wo latogon bawo fara-sɔgɛ ye mala nyamanɛ kɛ la.

1 Samuwɛli 26:6

Dawuda ya ala keminɛ mɔgɔ fila manyinika, a ko, “Wole mɔgɔ filɛ kɛ yon si ta n fɛ Mansa Sɔlita dagɛ rɔ.” Kelan tɔgɛ le Ahimɛlɛki min bɔra Hɛtinu tɛma. Doi tɔgɛ le Abisayi. Wo na-kelen-nyɔgɛ tɔgɛ le Yohabu. Anu na tɔgɛ le Sɛruya. Abisayi ya a fɔ a ye ko, “Nde si ta i fɛ.”

1 Samuwɛli 26:8

Abisayi ya a fɔ Dawuda ye ko, “Bi suyi rɔ, Alla ara i yoge don i bolo tun. A ma, n ni ala tanbɛ kɛ bi ka a layigi a rɔ iko kelen pe ka a gbangban dugi rɔ. Hali n ma a layigi iko fila.”