1 Ko-Kɔrɔta-Karan 18:11 - ALLALA KUMƐ

¹¹ Mansɛ ya fen-kolomɛ wonu bi ka anu dantɛgɛ Allata wɔlɛla ko la. Idɔm kɛnu wo, Mohabu kɛnu wo, Amonnu wo, Filisitinu wo, Amalɛkinu wo, a ya fen-kolomɛ min bɛɛsi bi anu bolo kɛlɛ rɔ, a ya wonu fanan dantɛgɛ Allala wɔlɛla ko la.

1 Ko-Kɔrɔta-Karan 18:11 ပူးပေါင်းရင်းမြစ်များ

1 Mansɛnu 7:51

Mansa Silamɛni ban Mari Bato-Bɔn sɔla, a fa Dawuda ara miran min bɛɛ dantɛgɛ Mari ma nun, a ya miran wo bɛɛsi ladon Bato-Bɔn wo fen namara tinɛnu tɔ. A ya miran minnu nadon, wo le kɛnu na, wodi-gbɛ-mirannu wo, sɛnɛ-mirannu wo, anubɛ fen-kolomɛ donu. A ya wo bɛɛ sa fen namara tinɛnu tɔ Mari Bato-Bɔn la.

2 Mansɛnu 12:18

Kɔnɔ Bato-Bon-miran dantɛgɛnɛ minnu dira Mansa Yohasi benba Mansa Yɛhosafatita wati rɔ, a benba Mansa Yɛhoramta wati rɔ, a fa Mansa Ehasayata wati rɔ, anubɛ ata wati rɔ, ale Yuda Mansa Yohasi ya wonu di Siriya Mansa Hesiyɛli ma alako wo kana na bui anu denu ma. Hali sɛnɛ min sanɛ Bato-Bɔn nɔnfulu lamara tinɛ anubɛ minnu bi mansɛla bolɔn la, a ya wonu fanan nata ale mansɛ ma. Wonu ke Siriya Mansa Hesiyɛli ma, a ya ala kɛlɛ-dannu kunyɛ tintan kan-tina-gbɛrɛ la.

1 Ko-Kɔrɔta-Karan 18:10

a ya Mansa Dawuda sanba fen-siyaman na ka a wɔlɔbɔ. Ale fanan kɛlɛ-nyɔgɛ le Mansa Hadadisa wo la nun. Sɛnɛ wo, wodi-gbɛ wo, silɛɛ wo, a ya wonu don ala den Yɔram bolo alako ala dan wo nyɛrɛ ni ta Mansa Dawuda sanbɛ wonu na.

1 Ko-Kɔrɔta-Karan 18:12

Sɛruya Abisayi tara Idɔm kɛ mɔgɔ waga tan-ni-segin (18,000) faga lɛɛ do rɔ min tɔgɛ Kɔgɛ.

1 Ko-Kɔrɔta-Karan 22:14

N bara n taya Bato-Bɔn sɔ-miran wara-koe rɔ. N bara sɛnɛ min nadɛn, wonubɛ fui-fan bɔrɔ waga bi-lolila (5,000) gbiliyɛ rakɛn de! N bara wodi-gbɛ min nadɛn, wonubɛ fui-fan bɔrɔ waga kɛmɛ lolila (50,000) gbiliyɛ rakɛn de! N bara nɛgɛ-kundi anubɛ silɛɛ minnu nadɛn, wonu siya. Dan sa a la. N bara kɔlɔmanu anubɛ kurinu nyini kɔnɔ fɔ ile fanan ni do nyini tun.

1 Ko-Kɔrɔta-Karan 26:20

Lifayi bɔnsɔn-mɔgɛ donu mara Bato-Bɔn-wodi anubɛ Alla kɔ-fannu-namaralɛnu na.

1 Ko-Kɔrɔta-Karan 29:14

“Kɔnɔ hali wo, malebɛ nta mɔgɛnu ma ke fenfen dila i ma kamasɔrɔn kɔ-fan bɛɛ ye bɔla ile le kɔɛn rɔ. Male ye fan min sɔrɔnna i bolo, male ye wo le lasɛgila i ma.

2 Ko-Kɔrɔta-Karan 5:1

Mansa Silamɛni ban Mari Bato-Bɔn sɔla, a fa Mansa Dawuda ara miran min bɛɛ dantɛgɛ Mari ma nun, a ya miran wo bɛɛsi ladon Bato-Bɔn wo fen namara tinɛnu tɔ. A ya miran minnu nadon, wo le kɛnu na, sɛnɛ-mirannu wo, wodi-gbɛ-mirannu wo, anubɛ fen-kolomɛnu. A ya wo bɛɛ sa fen namara tinɛnu tɔ Mari Bato-Bɔn la.

Bɔ-Koe-Iyipiti 35:5

“Wo ni na wola kɔ-fannu na Mari ye. Wo wa minnu di wo yisi-sewanɛ la, wo ni wonu don nde bolo. Wo ye nala kɔ-fan minnu na, wo le kɛnu na, sɛnɛ wo, wodi-gbɛ wo, anubɛ silɛɛ.

Maika 4:13

Wole Yerusalɛm kɛnu, wo ni wo lasɔ wo yogenu kɛlɛ-koe la. Mari si wo kolo gbɛlɛya iko turɛ min kere gbɛlɛ iko nɛgɛ. A kin-turi gbɛlɛyanɛ iko silɛɛ. Wole Isirɛla mɔgɛnu si wo yogenu bunden gburr! Wo ye fan minnu bila anu bolo kɛlɛ rɔ, wo si wonu natenbi duninya-tigi-Mari ma.

Yasowa 6:24

Anu ya soe bɛɛ mintan fɔ fan minnu nadannɛ sɛnɛ la anubɛ wodi-gbɛ anubɛ silɛɛ anubɛ nɛgɛ-dogbɛrɛnu. Anu ya wo bɛɛ di Mari ma ka wonu to Marila fen namara tinɛ rɔ.

1 Samuwɛli 30:13

Dawuda ya a manyinika, a ko, “Ile bɔra mi? Ila kun-tigi ye yon na?” Keminɛ wo ya a fɔ a ye ko, “Iyipiti kɛ le nde la. N bi yɔɔnyɛ le la Amalɛki kei do kɔrɔ. N kirɛ le nun woletɔ anu ya n boloka kilɛ la. A tele sawɛ le kɛ la gbɛ, n bi n nyɛrɛ ma.

1 Samuwɛli 30:20

Anu ya Amalɛkinuna kolo-fannu bi. Anu tara kolo-fan wonu nagbengbenna. Anu bi a fɔla ko, “Dawudatɛ le kolo-fan kɛnu na gbɛ!”