1 Ko-Kɔrɔta-Karan 17:20 - ALLALA KUMƐ

²⁰ E, Mari Alla, i nyɔgɔn sa! Ka a dabira fɔlɔ ma ha ka a sigi kaka la, ma ya i kelen pe le lɔn Alla la.

1 Ko-Kɔrɔta-Karan 17:20 ပူးပေါင်းရင်းမြစ်များ

1 Ko-Kɔrɔta-Karan 17:19

Ile le wara ban kɛ latɛgɛla. I ko fɔ i wa a ma. Kabana-koe minnu bi kɛla n ye yarɔ, i wara wonu yira n na kaka.

1 Ko-Kɔrɔta-Karan 17:21

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn ka ke duninya tonke bɛɛ rɔ. I ya ila mɔgɛ minnu kunyɛ bɔ gbaran rɔ Iyipiti kɛnu bolo, wonu taranta tala yarɔ nya min, i tora sibolo-gbɛrɛnu gbenna anu yarɔ wo nya na le.

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Yaburi 86:8

E, n tigi, i rakɛn sa, ado i kolo bɛsɛ bɛɛ ko. Ha bi, mɔgɔ ma ko ma wɛ iko ile.

Yaburi 89:6

Mari, i rakɛn fenfen sa Arinyɛni tɔ. I nyɔgɔn-takɛn sa nyɔ nima-fannu tɔ.

Yaburi 89:8

E, Mari Alla Sɛnbɛ-Bɛɛ-Tigi, sɛnbɛ ye yon bolo iko ile? Ile Mari si koe bɛɛ ladan lanayɛ rɔ.

Yaburi 97:9

Mari Sɛnbɛ-Bɛɛ-Tigi, duninya-mumɛ-bɛɛ-maralɛ le ale la. Mɔgɛnu bi minnu batola, a kolo wo bɛɛ ko.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 18:11

N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”

Bɔ-Koe-Iyipiti 8:10

Mansɛ ko, “Nba, sina i ni na madiyali kɛ n ye.” Musa ko, “N si a ma iko i wara a fɔ n ye nya min alako i ni a lɔn ko Alla-dogbɛrɛ sa nyɔ min bi iko mata Mari Alla.

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 40:25

Mɔgɛ si Alla-sɛnimɛ sanka fan mintan ma? A nyɔgɔn ye nyɔ?

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 45:5

Mari ko Mari le ale la. Alla-wo-alla sa nyɔ ale kɔma. A ko hali Sairasi ma a lɔn, a ye nyinina sɛnbɛ min bɛɛ ma, a si wo bɛɛ di a ma.

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

Tɔn-Fɔɛ-Fila-Nyɔgɛ 3:24

‘Allatala, n ya a lɔn ko i ye ko-nyimɛ minnu kɛla ma ye yarɔma, i wara a fɔlɔtɛ yira n na ita kabana-koe fɛ kaka. Alla-gbɛrɛkɛ sa san-kole anubɛ dugu-kole ma min si ke kabana-koe ladanna iko ile.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Tɔn-Fɔɛ-Fila-Nyɔgɛ 4:35

Mari ya wo bɛɛsi yira wo la ka a ragbɛ wo ye alako wo ni la a la ko a kelan le Alla la. Alla-gbɛrɛkɛ sa duninya rɔ fɔ ale kelen pe.

Tɔn-Fɔɛ-Fila-Nyɔgɛ 4:39

Wo ni wo miri bi ko. Wo kana nyina. Mari le Alla la san-kole rɔ anubɛ dugu-kole kuma. Mari-gbɛrɛkɛ sa nyɔ ale kɔma.

1 Samuwɛli 2:2

“Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.