1 Ko-Kɔrɔta-Karan 17:19 - ALLALA KUMƐ

¹⁹ Ile le wara ban kɛ latɛgɛla. I ko fɔ i wa a ma. Kabana-koe minnu bi kɛla n ye yarɔ, i wara wonu yira n na kaka.

1 Ko-Kɔrɔta-Karan 17:19 ပူးပေါင်းရင်းမြစ်များ

2 Samuwɛli 7:21

Ile le wara ban kɛ latɛgɛla. I ko fɔ i wa a ma. I wara ko-makawanɛ kɛ damasi ladan de alako ka n karan.

1 Ko-Kɔrɔta-Karan 17:18

Mari, nde si nfen fɔ i ye gbɛ? I ya nde, ila wɔli-kɛlɛ lɔn kɔnɔ hali wo, i wara n gbiliya.

1 Ko-Kɔrɔta-Karan 17:20

E, Mari Alla, i nyɔgɔn sa! Ka a dabira fɔlɔ ma ha ka a sigi kaka la, ma ya i kelen pe le lɔn Alla la.

Yaburi 111:3

Marita wɔlɛ mumɛ bɛɛ ya ata gbiliyɛ anubɛ ata mansaya-fanka yira mɔgɛnu na. Ata telenbagayɛ ti ban mumɛ!

Yaburi 111:6

A ya sibolo-gbɛrɛnuna nyamanɛnu di ata mɔgɛnu ma nya min, wo ara ata fanka yira anu na.

Yaburi 116:16

E, Mari, ita wɔli-kɛlɛ le nde la. N wɔlita i ye iko n na wɔlita i ye nya min. I wara n nakanan sayɛ ma.

Aiseya 37:35

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Aiseya 49:3

Mari ya a fɔ n ye ko ata wɔli-kɛlɛ le Isirɛla la. A ko ka a tɛgɛ wo ma, mɔgɛnu si ale Mari matɔgɔ.

Daniyɛli 9:17

E, mata Alla, nta matarali-kan lamɔɛn. Ila Bato-Bɔn min bara tinya, i ni wo sɔ-kurɛ-kɛ tun. A sɔ a kurɛ la woletɔ mɔgɛ bɛɛ si a lɔn ko ile le Alla la.

Matiyu 11:26

Ɔnde, n Fa, ado wo bɛɛ ara i wasa ka a ma wo nya.

Ɛfɛsa 3:11

Alla ya wo ma Mari Yisa, Allata-Mɔgɔ-Yabɔnɛ baraka rɔ iko a ara a latɛgɛ nya min nun kebi fɔlɔfɔlɔ.