1 Ko-Kɔrɔta-Karan 17:17 - ALLALA KUMƐ

¹⁷ Kɔnɔ hali wo, i ye sarama-kan kirila mabɛ nna denbayɛ ye anubɛ minnu ma sɔrɔn bɛ. E, Mari Alla, i wara n ma iko n nyɔgɔn sa.

1 Ko-Kɔrɔta-Karan 17:17 ပူးပေါင်းရင်းမြစ်များ

2 Samuwɛli 12:8

Wo kɔma, a ko a ya Mansa Sɔlila musinu anubɛ ala nyamanɛ di i ma. A ko ale le ya i ma mansɛ la Isirɛla anubɛ Yuda nyamanɛ fanan kun na. A ko ni wo ma i wasa, a si wonu nyɔgɔn fila di i ma nun.

2 Samuwɛli 7:19

Kɔnɔ hali wo, i ye sarama-kan kiri-koe rɔ mabɛ nna denbayɛ ye anubɛ minnu ma sɔrɔn bɛ. E, n Tigi Mari, alamɛ hadama-dan ni ko-nyimɛ kɛ iko ile.

1 Mansɛnu 3:13

Hali i ma n manyinika fan minnuna ko ma, n si wonu fanan di i ma, fen-tigiyɛ anubɛ gbiliyɛ, kɔni. I nyɔgɔn-takɛn ti taran mansɛnu tɛma i siyi-tele-bɛɛ kɔrɔ.

2 Mansɛnu 3:18

Wo kɔma, Nɛbi Ilaisa ya a fɔ anu ye ko, “A dɔgɔmɛ le kɛ la Mari yala. Min sanɛ wo kuma, wo ni la a la serr, ko a si Mohabu mɔgɛnu don wo bolo.

1 Ko-Kɔrɔta-Karan 17:16

Mansa Dawuda tara Marita Fani-Bɔn la. A ya a mayigi dugi ma nyɔ Mari yala ka a madiya ko, “E, Mari Alla, i wara ko-nyimɛ min bɛɛ kɛ nde ye, a ma bɛn, malebɛ nna denbayɛ ni wo sɔrɔn.

1 Ko-Kɔrɔta-Karan 17:18

Mari, nde si nfen fɔ i ye gbɛ? I ya nde, ila wɔli-kɛlɛ lɔn kɔnɔ hali wo, i wara n gbiliya.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.