1 Ko-Kɔrɔta-Karan 17:12 - ALLALA KUMƐ

¹² Wo le ye n bato-bɔn sɔla. Mansayɛ ti bɔ dan wola bɔn la.

1 Ko-Kɔrɔta-Karan 17:12 ပူးပေါင်းရင်းမြစ်များ

1 Mansɛnu 5:5

Mari ya a fɔ n fa Dawuda ye ko ala dan min si ma mansɛ la a gbɛ rɔ, wo si bɔn sɔ ale Mari ye. N bara bɔn wo sɔ-koe latɛgɛ n yisi rɔ nta Mari Alla ye kaka.

1 Mansɛnu 8:19

Kɔnɔ ale Mari ya a fɔ ko n fa kana bɔn wo sɔ fɔ a nyɛrɛta dan, wo le si ata Bato-Bɔn sɔ a ye.”

1 Ko-Kɔrɔta-Karan 17:11

A wa faga tumɛ min, n si a ma, ala dan do ni to a gbɛ rɔ min si ala nyamanɛ to fanka rɔ.

1 Ko-Kɔrɔta-Karan 17:13

Nde si ma a fa la. Ale si ma nta dan la. Kɔnɔ n ti bɔ ale fɛ iko n bɔra Sɔli fɛ nya min. Nde le ya mansayɛ bɔ Sɔli bolo ka a di ale Dawuda ma.

Ɛsira 5:11

“Anu ya a fɔ ma ye ko Alla min bi san-kole anubɛ dugu-kole kuma ko wota wɔli-kɛlɛ le anu denu na. Anu ko anu benbanu ya San-Kole-Alla ladiminya min kɛ, wo le ya a ma, Alla ya anu kunyɛ don Babilɔn Mansa Nɛbukanasa bolo, Kaladiya kɛ, kɔni. Anu ko Nɛbukanasa le ya anuta Bato-Bɔn tinya, anuta mansa-makawanɛ do ya min sɔ kɔrɔma la nun. Wo kɔma, a tara anu denu na Babilɔn nyamanɛ rɔ. Anu ko anu bi San-Kole-Alla wo leta Bato-Bɔn sɔla tun.

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Yaburi 89:29

Fananta san-kole ye nyɔ, mansayɛ ti bɔ ala bɔn la. Tuma-wo-tuma, a kegeyɛ do si to mala mansɛ la.

Yaburi 89:4

mansayɛ ti bɔ ala bɔn la. Mansayɛ si to ala bɔn la burubukai!

Yaburi 89:5

E, Mari, hali fan min bɛɛ ye san-kole rɔ, anu si sigi sa ka a tɛgɛ ita kabana-koenu ma. Ita mɔgɔ-sɛnimɛnu si ila lanaya-sigi sa.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

1 Kɔrɛnti 15:25

ado a fɛrɛ sa fɔ Kirasiti ni kun-tigiyɛ kɛ ha Alla ni a yoge bɛɛsi ladon a kin kɔrɔ.

Kɔlɔsi 2:9

ado Alla wara-koe-mumɛ-bɛɛ taranta Kirasiti le tɔ.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”