1 Ko-Kɔrɔta-Karan 16:5 - ALLALA KUMƐ

⁵ A ya sɔrɔn-fɔlɛ minnu yabɔ, wonu tɔgɛ le kɛnu na, Yeyiyɛli wo, Sɛmiramoti wo, Yehiyɛli wo, Matetaya wo, Ɛliyabu wo, Bɛnaya wo, Obɛdi-Idɔm wo, anubɛ Yeyiyɛli. Wonu kun-tigi le Esafi la. Wo tatugunnɛ le Sakaraya la. Esafi wo, karanya-fɔlɛ le ale fanan na.

1 Ko-Kɔrɔta-Karan 16:5 ပူးပေါင်းရင်းမြစ်များ

2 Samuwɛli 6:5

Mansa Dawuda anubɛ ala kɛlɛ-dannu bi tala anu dɔnna kirindi wo kɔma. Anu bi sigi sala anu sɛnbɛ bɛɛ la. Anu bi sɔrɔnnu anubɛ bɔlɔnnu anubɛ yonbenu anubɛ wasanbɛnu anubɛ dundɔnnu fɔla ka Mari gbiliya.

1 Ko-Kɔrɔta-Karan 16:37

Mansa Dawuda ya Esafi yabɔ anubɛ a ta-nyɔgɛ Lifayi bɔnsɔn-mɔgɛ donu alako wonu ni sɔ mɔgɛnu yakɔrɔ bato tinɛ tɔn-kenkirɛ wo siginɛ kan min. Anu si to wɔlɛ wo mala tuma-wo-tuma.

1 Ko-Kɔrɔta-Karan 16:4

Lifayi bɔnsɔn-mɔgɛnu ba wuli Isirɛlata Mari Alla batola, Mansa Dawuda ya a bole sɔ wo donu na ko anu ni sɔ mɔgɛnu yarɔ. Wonu si sigi sa ka Alla tanto tɔn-kenkirɛ yarɔ.

1 Ko-Kɔrɔta-Karan 16:6

Saraka-masɔla mɔgɔ fila Bɛnaya anubɛ Yahasayɛli tora buri fɛla anuta wati sanɛ ma tɔn-kenkirɛ yarɔ.

1 Ko-Kɔrɔta-Karan 6:24

Asiri ya Tahati sɔrɔn. Tahati ya Yuriyɛli sɔrɔn. Yuriyɛli ya Yusaya sɔrɔn. Yusaya ya Sala sɔrɔn.

1 Ko-Kɔrɔta-Karan 6:39

Minnu bɔra Kɛrisɔn kebilɛ rɔ, sigi-sala-kurun fila nyɔgɛ minnu bi nyɔ, Esafi le wonu kun na. Lifayi kebila-mɔgɛ do le ale Esafi la. Ka a bi Esafi ma ka a sigi Lifayi la, wonu tɔgɛ le kɛnu na. Esafi fa le Bɛrɛkaya la. Bɛrɛkaya fa le Simɛya la.

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.