1 Ko-Kɔrɔta-Karan 16:42 - ALLALA KUMƐ

⁴² Isirɛla mɔgɛnu si fɔli-fan minnu fɔ, anu tenbi tantoli-bɛtinu bɔla Mari ye, a buru wo, a karanya wo, a fɔli-fen-to wo, Himan anubɛ Yɛdutun le wonu namarala. Yɛdutunla den-keinu, wonu denu bi nyɔ-da makandan la.

1 Ko-Kɔrɔta-Karan 16:42 ပူးပေါင်းရင်းမြစ်များ

1 Ko-Kɔrɔta-Karan 15:17

Minnu kusan karanya gbesila, wonu tɔgɛ le kɛnu na. Yowɛlita den Himan wo, a kebila-nyɔgɛ Esafi min fa tɔgɛ Bɛrɛkaya wo, anubɛ Kusayala den Itan min bɔra Mɛrari kebilɛ rɔ. Minnu kusan sɔrɔn fɔla, wonu fanan tɔgɛ le kɛnu na. Sakaraya wo, Yeyasiyɛli wo, Sɛmiramoti wo, Yehiyɛli wo, Yuni wo, Ɛliyabu wo, Meyaseya wo, anubɛ Bɛnaya. Minnu kusan bɔlɔn fɔla, wonu fanan tɔgɛ le kɛnu na. Matetaya wo, Ilefɛle wo, Mikineya wo, Asasaya wo, anubɛ anuna bato bɔn da kandannɛnu, Obɛdi-Idɔm anubɛ Yeyɛli.

1 Ko-Kɔrɔta-Karan 25:3

Yɛdutunla den-kei mɔgɔ wɔrɛ minnu bi wɔlila ale kɔrɔ, wonu tɔgɛ le kɛnu na, Kɛdalaya wo, Seri wo, Yɛsaya wo, Simayi wo, Hasabaya wo, anubɛ Matetaya. Wonu tenbi wɔlɔyiya-kuma fɔla, anu si sɔrɔn fɔ ka Mari tanto.

2 Ko-Kɔrɔta-Karan 7:6

Kan tinɛ minnu yiranɛ Lifayinu anubɛ saraka-masɔlɛnu na nun, anu ya anu sɔ wonu tɔ. Lifayinu yɛ lamununnɛ saraka-masɔlɛ wonu na. Anu bi Mari tantola fɔli-fan wonu na ale Mansa Dawuda ya minnu don anu bolo nun. Anu bi bɛti bɔla iko Mansa Dawuda ya anu nabila nya min, anu ko, “Marita keninteyɛ ti ban.” Saraka-masɔlɛnu bi buru-fɛyɛ wo kun na tumɛ min, Isirɛla mɔgɛnu sɔnɛ tora anu gbɛ rɔ yiri!

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.