1 Ko-Kɔrɔta-Karan 16:40 - ALLALA KUMƐ

⁴⁰ Saraka-masɔlɛ kɛnu tora saraka-gbuinu mintanna sɔgɔma ani wurɛ la iko Mari ya tɔn di Isirɛla mɔgɛnu ma nya min nun.

1 Ko-Kɔrɔta-Karan 16:40 ပူးပေါင်းရင်းမြစ်များ

2 Samuwɛli 8:17

Ahitubala den Sedoki wo, anubɛ Abiyatarila den Ahimɛlɛki, saraka-masɔlɛ le wonu na. Ala kɛdi-sɛbɛlɛ le Seraya la.

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

2 Ko-Kɔrɔta-Karan 2:4

N bi nala Bato-Bɔn sɔla alako ka nta Mari Alla gbiliya. Nyɔ si ma kan-tina-sɛnimɛ la mabɛ nna mɔgɛnu si a bato kan min. Ma si isɛnti-hakikɛnu mintan nyɔ. Ma si to biredi-sɛnimɛ dila a ma nyɔ fanan. Ma si to saraka-mintantɛnu dila a ma sɔgɔma ani wurɛ la. Sulen-Tele wo, Karɛ-Kurɛ-Ladɛn wo, anubɛ a tele-sɛnima-toenu, ma si to sarakɛ wonu mintanna a ye ka mata Mari Alla gbiliya. Mata Mari Alla ko fɔ ma ni kɛnu ma Isirɛla nyamanɛ rɔ habadan!

2 Ko-Kɔrɔta-Karan 31:3

Anu bi sarakɛ minnu mintanna sɔgɔma ani wurɛ la, Mansa Hɛsakaya ya wonu nabɔ a nyɛrɛta kolo-fen-wɔrɛnu tɔ. Anu ya sarakɛ minnu bɔ Sulen-Tele anubɛ karɛ-kurɛ ma, anubɛ sarakɛ doinu, Marita tɔn ya minnuna koe fɔ, ale mansɛ le ya wonu damasi labɔ.

Ɛsira 3:3

Isirɛla mɔgɛnu ya mɔgɛ minnu taran sigini nyɔ, hali anu kilannɛ mɔgɛ wonu na, anu ya saraka-mintan-tinɛ ladan Mari ye a gba-kɔrɛ rɔ. Anu ban wo sɔla, anu ya sɔgɔma ani wurala-saraka-mintantɛnu-bɔɛ dabira.

Daniyɛli 9:21

N bi n matarali-kɛ kun na, n ya Yibirila kelan min yen nna ko-rayen doi rɔ, wo yigira iko kokɛ. A ye yigila n ma wati min, wo ya a taran, wurala-saraka-bɔ-wati ara ke.

Saraka-Masɔlɛnuta Tɔnnu 9:17

A ya dɛgɛ-munku-sarakɛ bɔ ka wo dantɛgɛ Mari ma. A ya a bolo-nya kelen bi ka wo sa tɛ rɔ. (Kɛnu denu sanɛ tele-wo-tele sarakɛnu kuma.)

Emɔsi 4:4

Allatala ko wole Isirɛla mɔgɛnu, ni a di wo ye, wo ni ta wola kan-tina-sɛnimɛ Bɛtɛli ka hakɛ kɛ iko a di wo ye nya min. A ko wo ni ta Kiligali fanan ka murutiya iko a di wo ye nya min. Wo si na wola sarakɛ minnu na san la, ni a di wo ye, wo ni to nala wonu na sɔgɔma-wo-sɔgɔma. Wo si na wola yaka min na san kɔrɔ iko sawa, ni a di wo ye fanan, wo ni na wonu na tele-sawa wo tele-sawa kɔrɔ.