1 Ko-Kɔrɔta-Karan 16:29 - ALLALA KUMƐ

²⁹ Wo ni Mari tanto a tɔgɔ-gbiliyanɛla ko la. Wo na kɔ-fannu na wo bolo a bato tinɛ. Wo ni wo madu a kɔrɔ ka a bato.

1 Ko-Kɔrɔta-Karan 16:29 ပူးပေါင်းရင်းမြစ်များ

1 Ko-Kɔrɔta-Karan 16:28

Mɔgɛ bɛɛsi ni Mari tanto duninya kɛ rɔ ka a tɛgɛ ata gbiliyɛ anubɛ ata sɛnbɛ ma.

1 Ko-Kɔrɔta-Karan 16:30

Duninya-mɔgɛ bɛɛsi ni yɛrɛyɛrɛn a kɔrɔ. Ale le ya dugu-kole kɛ sigi ka a balan, ado a la ti maga.

2 Ko-Kɔrɔta-Karan 20:21

Anubɛ ala mɔgɛnu ban anu kun nayigila, ale mansɛ ya a fɔ ala fɔli-kɛlɛnu ye ko anu ni anuna fɔli-durukinu bila anu kan na anu si minnu bila anu kan na ladɛn-sɛnimɛnu tɔ fɔli-kɛ-tinɛ. Anu ni anu sɔ mɔgɛnu yarɔ ta tinɛ ka sigi wo sa ko, “Mari tanto. Ala keninteyɛ ti ban.”

Yaburi 100:4

Min tenbi donna Bato-Bon-kata burɔ, wo ni baraka bira a ye. Wo ni baraka bira a ye ka a matɔgɔ.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Yaburi 29:1

Wole nima-fan minnu bi san-kole rɔ, wo ni Mari tanto. Wo ni Mari gbiliya ka a tanto ata sɛnbɛla ko la.

Yaburi 29:2

Wo ni a tɔgɔ gbiliya iko a bɛnta, a ni gbiliya nya min. Ale wa na, wo ni wo madu a kɔrɔ ka a bato.

Yaburi 50:2

Yerusalɛm soe min kin, Allata waan ye malanna wo kuma.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Yaburi 72:15

Alamɛ mansɛ siyi-fɛ yanyara! I ni a ma, anu ni sɛnɛ di a ma ka bɔ Arabu nyamanɛ rɔ. I ni a ma, anu ni to Alla matarala a ye tuma-wo-tuma. Alamɛ Allata duwɛ tora a kuma habadan!

Yaburi 95:2

Ma ni sɔ a yakɔrɔ baraka-birɛ la ma bolo ka tantoli-bɛtinu bɔ a ye sewɛ la.

Yaburi 96:6

A mayiginɛ kinyɛ anubɛ gbiliyɛ tɛma. Ala Bato-Bɔn lafanɛ sɛnbɛ anubɛ nyimayɛ la.

Yaburi 96:7

Mɔgɛ bɛɛsi ni a tanto duninya kɛ rɔ ka a tɛgɛ ata gbiliyɛ anubɛ ata sɛnbɛ ma.

Yaburi 96:9

Ale wa na, wo ni wo madu a kɔrɔ ka a bato. Duninya-mɔgɛ bɛɛsi ni yɛrɛyɛrɛn a kɔrɔ.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Isikiyɛli 24:25

Mari ko, “Nba, ile hadama-dan, anu wasinɛ Bato-Bɔn tagbɛlɛ min tɔ, n si wo bi anu bolo, ado nyɔ di anu ye ka ta a mafɛlɛn. N si anuna dannu toronde anu na.

Isikiyɛli 7:20

Wati donu tɔ nun, anu wasinɛ anuna dugu-kɔrɔ-nɔnfulinu tɔ kɔnɔ anu ya wonu denu bi ka wonu ma anuna bɛsi-yogoyanɛnu makiri-fan la. Woletɔ Mari ara a ma, anuna fen-kolomɛnu bara gboya anu ye.”

Lankɛnimayɛ 7:12

Anu ko, “Amina! Tantolɛ wo, gbiliyɛ wo, hɛnkili wo, baraka-birɛ wo, bonyɛ wo, sɛnbɛ wo, anubɛ fanka-wɛ le mata Allatɛ la habadan! Amina!”