1 Ko-Kɔrɔta-Karan 15:15 - ALLALA KUMƐ

¹⁵ Lifayi bɔnsɔn-mɔgɛnu ya a bi a bi-kɔlɔma filɛ ma anu kan ma ka ta a la iko Mari ya a fɔ Musa ye nya min nun.

1 Ko-Kɔrɔta-Karan 15:15 ပူးပေါင်းရင်းမြစ်များ

2 Samuwɛli 6:12

Mansa Dawuda ya a lamɔɛn tumɛ min ko Obɛdi-Idɔm anubɛ ala denbayɛ anubɛ a bolo-fan bɛɛ ara Marita duwɛ sɔrɔn ka a tɛgɛ tɔn-kenkirɛ wola sigi ma nyɔ, a tara kenkirɛ wo bi-tinɛ alako anu ni ta a la Yerusalɛm. Anu ya tolon-belebele kɛ a rɔ.

2 Samuwɛli 6:13

Tɔn-kenkirɛla dununɛnu ya anu kin-fa-nya wɔrɛ bi min kɛ, Mansa Dawuda ya anu nasɔ. A ya ninki-den-tɔlɔni kelen bi ka wo sa tura kelen kuma sarakayɛ la Mari ye.

1 Mansɛnu 8:8

Mɔgɛ tenbi bɔn wo burɔ, a si a bi-kɔlɔma wonu sungban yen Sɛnima-Sɛnima-Tinɛ rɔ bawo anu yan. Kɔnɔ ni mɔgɛ ye luyi ma, a ti ke anu yenna. (Ha bi, wonu bi nyɔ.)

1 Ko-Kɔrɔta-Karan 13:10

Mari fonde bɔra Yusa la. A ya a faga a gbɛ wo le tɔ bawo a ara a bole tugu tɔn-kenkirɛ la.

2 Ko-Kɔrɔta-Karan 5:9

Mɔgɛ tenbi bɔn don-dɛ wo burɔ, a si a bi-kɔlɔma wonu sungban yen Sɛnima-Sɛnima-Tinɛ rɔ bawo anu yan. Kɔnɔ ni mɔgɛ ye luyi ma, a ti ke anu yenna. (Ha bi, wonu bi nyɔ.)

Bɔ-Koe-Iyipiti 40:20

A ya tɔn-walan filɛ wonu sa tɔn-kenkirɛ wo rɔ. A ya a bi-kɔlɔmanu don bolo-kalama-dɛɛnnu woe rɔ ka a da latogon.

Yilan-Yilan Koe 4:15

Aruna anubɛ ala dannu ba ban miran kɛ bɛɛ yamatogonna tumɛ min, Kohati kebilɛ ni na ka Kan-Tina-Sɛnimɛ miran kɛnu bi. Kohati kebilɛ min bi miran kɛnu bila, anu fenfen kana tugu miran-dantɛgɛnɛ kɛnu na, fɔ a bi-kɔlɔma filɛnu. Ni anu tugura wo fenfen na, anu si faga. “Wo wa ta kan-bo-kan, Kohati kebilɛta wɔlɛ le kɛ la.

Yilan-Yilan Koe 7:9

Kɔnɔ a ma fenfen di Kohati kebilɛ ma kamasɔrɔn anuna dunu-sɛnimɛnu, fɔ anu ba wonu bi anu kanban-kunyɛ ma.

Tɔn-Fɔɛ-Fila-Nyɔgɛ 10:8

Wo wati rɔ, Mari ya Lifayi bɔnsɔn-mɔgɛnu yabɔ ko anu ni tɔn-kenkirɛ wo fɛ-bira. Anu si ma saraka-masɔlɛnu na. Anu si to Mari anubɛ mɔgɛnu tɛma ka duwa anu ye Mari tɔgɛ rɔ. Wɔli-su wo le anu bolo ha bi.