1 Ko-Kɔrɔta-Karan 15:12 - ALLALA KUMƐ

¹² A ya a fɔ Lifayi mɔgɔ wɔrɛ wonu ye ko, “Lifayi bɔnsɔn-mɔgɛnuna kun-tigi le wole la. Wole Lifayi bɔnsɔnnu, wo ni wo nyɛrɛ sɛninya, woletɔ wo si ke nala Isirɛlata Marita tɔn-kenkirɛ la ka a sigi kan tinɛ wo rɔ, n bara min tabɛn ala ko la.

1 Ko-Kɔrɔta-Karan 15:12 ပူးပေါင်းရင်းမြစ်များ

1 Ko-Kɔrɔta-Karan 15:1

Mansa Dawuda ya ata luyi datɛgɛ a nyɛrɛ ye Yerusalɛm soe burɔ. Wo kɔma, a ya kan tinɛ do rabɛn Allata tɔn-kenkirɛ ye ka fani-bɔn sɔ a ye.

1 Ko-Kɔrɔta-Karan 15:14

Saraka-masɔlɛnu anubɛ Lifayi bɔnsɔn-mɔgɛ minnu bi Isirɛla mɔgɛnuta Mari Allata tɔn kenkirɛ bila, wonu ya anu nyɛrɛ sɛninya iko tɔn ya a fɔ nya min.

1 Ko-Kɔrɔta-Karan 15:3

Mansa Dawuda ya Isirɛla mɔgɛ damasi kele Yerusalɛm soe burɔ alako ka ta tɔn-kenkirɛ bi ka na a sigi kan tinɛ wo rɔ a ya min tabɛn ala ko la.

1 Ko-Kɔrɔta-Karan 16:1

Mansa Dawuda ya fani-bɔn min sɔ tɔn-kenkirɛ wola ko la, anu tara kenkirɛ wo sigi bɔn wo la. Anu ban wo la, anu ya saraka-mintantɛ anubɛ yisi-kima-sarakɛnu bɔ Alla ye.

1 Ko-Kɔrɔta-Karan 24:31

Anu ya korɔn lakɛ anu nyɔgɔn tɛma alako ka wɔlɛ tala anu nyɔgɔn tɛma iko Aruna kegeyɛnu ya a ma nya min. Sereyɛ le Mansa Dawuda anubɛ ala mɔgɔ-banu na. Saraka-Masɔla Sedoki anubɛ Abiyatarila den Ahimɛlɛki fanan mara sereyɛ la. Saraka-masɔlɛnuna kebila-kunyɛnu anubɛ Lifayi bɔnsɔn kebila-kunyɛnu, wonu fanan mara sereyɛ la kɛ wati rɔ.

1 Ko-Kɔrɔta-Karan 9:34

Min bɛɛsi tɔgɛ sɛbɛnɛ kɛ la, Lifayi kebila-kunyɛ le wonu na. Wonu dama siginɛ Yerusalɛm soe burɔ.

2 Ko-Kɔrɔta-Karan 1:2

Kɛlɛ-den-kunyɛ minnu bi waga kelen-kelannu kun na wo, anubɛ minnu bi kɛmɛ kelen-kelannu kun na wo, ala nyamanita-mɔgɔ-banu wo, anubɛ kebila-kunyɛnu wo, anubɛ a mɔgɛ toenu wo, Mansa Silamɛni ya anu kele ka anu damasi kundɛn Kibiyon soe burɔ Mari bato tinɛ. Allata wɔli-kɛlɛ Nɛbi Musa ya Marita Fani-Bɔn min nadan wulɛ rɔ nun, wo ye ale Kibiyon soe burɔ nyɔ.

2 Ko-Kɔrɔta-Karan 1:4

(Kɔnɔ tɔn-kenkirɛ nyɛrɛ ye Yerusalɛm soe le burɔ. Mansa Dawuda nara tɔn-kenkirɛ la tumɛ min ka bɔ Kiriyati Yirɔm soe burɔ, a ya fani-bɔn do ladan ala ko la nyɔ rɔ.)

2 Ko-Kɔrɔta-Karan 30:15

Karɛ wo tele tan-ni-nani nyɔgɛ ma, anu ya saga-dannu faga Kanan-Ko-Ladiyɛ sarakayɛ la. Kɛ wati ya a taran, Lifayi bɔnsɔn-mɔgɛ anubɛ saraka-masɔlɛ minnu sɛninyani ma, wonu miliyara furr, ha anu ya anu nyɛrɛ dantɛgɛ Mari ma tun iko tɔn ya a fɔ nya min. Wo kɔma, anu nara to mala saraka-masɔla-bɛrɛnu na.

2 Ko-Kɔrɔta-Karan 35:6

Wo ni saga-dannubɛ baanu faga Kanan-Ko-Ladiyɛ kuma. Wo ni wo nyɛrɛ sɛninya iko tɔn ya a fɔ nya min. Wo ni sarakɛ wonu bɔ a nya ma alako wo ta-nyɔgɛ Isirɛla mɔgɛnu ni kumɛ bira iko Mari ya a fɔ Musa ye nya min.”

2 Ko-Kɔrɔta-Karan 5:11

Saraka-masɔlɛ min bɛɛsi bɛnta wo rɔ, a bɔra kebila-wo-kebila rɔ, wonu ya anu nyɛrɛ dantɛgɛ Mari ma. Esafi wo, Himan wo, Yɛdutun wo, anubɛ anu kebilɛnu, Lifayi fɔli-kɛlɛ le kɛnu na. Wonu ya linɛn-kura-hakikɛnu don anu kan na. Anu sɔra anu sansan-yili ma saraka-mintan-tinɛ tele-bɔɛ wara la karanya anubɛ sɔrɔnnu anubɛ seremanu bi anu bolo. Min sanɛ wo kuma, saraka-masɔla mɔgɔ kɛmɛ ani mɔgɔ mogan (120) bi buri fɛla anu fɛ. A fɔli-kɛla wo, a buru-fɛla wo, a sigi-sala wo, wo bɛɛ tara anu nyɔgɔn fɛ a kin na! Anu bi Mari tanto sigi sala ko, “Mari ni tanto bawo a kin. Ala keninteyɛ ti ban habadan!” Saraka-masɔlɛ wonu bi anu kunyɛ labɔla nyɔ rɔ kawo, Marita wan-belebele ya waan raka Bato-Bɔn wo burɔ ka bɔ Marita banda-fin-gbɛ rɔ waran! Anu ma ke batoe wo labanna.

2 Ko-Kɔrɔta-Karan 5:2

Wo kɔma, Mansa Silamɛni ya Isirɛla mɔgɛnuna kun-tigi damasi kundɛn kan-tina kelen Yerusalɛm soe burɔ. A bɔnsɔn-kun-tigi wo, a kebila-kun-tigi wo, a ya wo bɛɛsi kele. Mansɛ ya anu kele alako anu ni ta tɔn-kenkirɛ bi Mansa Dawudala luyi ma Yerusalɛm soe burɔ ka ta a to Mari Bato-Bɔn la.

Nihɛmaya 13:22

Wo kɔma, n ya a fɔ Lifayinu ye ko anu ni anu nyɛrɛ sɛninya ka to tarɛ don-dɛnu makandanna alako Sulen-Tele ni to gbiliyɛ rɔ. E, Alla, i fonde lamiri n ma kɛ fananna ko la. I ni n tanka ka a tɛgɛ ita keninteya-wɛla ko ma.

Aiseya 52:11

Wole Bato-Bon-miran-madununɛnu, wo kana wo bole tugu fen-sɛninyabɛli fenfen na. Wo sɛninyanɛ ni bɔ gbaran rɔ. Wo ni to sɛninyɛ rɔ.

Isikiyɛli 48:11

Dugu-sɛnimɛ kɛ ye Sedoki kebilɛ saraka-masɔlɛnu denu ye. Isirɛla mɔgɛ toenu ya ko-yogomɛ ma tumɛ min, anubɛ Lifayi bɔnsɔn toenu, Sedoki kebilɛ kɛ le dɔrɔn ya anu natelen n ye. Anu ma kofu doinu ma wulɔn.

Yɔni 17:17

Anu dantɛgɛnɛ i ma ka a tɛgɛ ila kumɛ ma min bi tonyɛ la.