1 Ko-Kɔrɔta-Karan 14:15 - ALLALA KUMƐ

¹⁵ Ni i ya kinta-kan lamɔɛn pɔpɔ-kɔlɔma-yanbɛnu ma san ma, i si a lɔn worɔ ko nde, Alla ara ta wo ya rɔ anu kɛlɛ tinɛ. Wobɛ ila kɛlɛ-dannu si anu kɛlɛ ka anu nɔ.”

1 Ko-Kɔrɔta-Karan 14:15 ပူးပေါင်းရင်းမြစ်များ

2 Samuwɛli 5:23

Mansa Dawuda ya Mari manyinika tun anu kɛlɛ-koe rɔ. Mari ko, “I kana anu kɛlɛ dabira yan bara la de! Bɔ anu kɔma kilɛ la pɔpɔ kɔlɔma siyamɛnu bi kan min. I ni anu kɛlɛ dabira nyɔ.

2 Mansɛnu 19:7

Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, ale mansɛ ni faga nyɔ rɔ.”

2 Mansɛnu 7:6

Mari ya a ma, Siriyanu ya anu buri. Mari ya a ma anu na iko Siriya wonu bara kɛlɛ-den-siyamɛ anubɛ anuna kirindinu anubɛ anuna soeenu na-kan le lamɔɛn. Siriya wonu miri nun ko Isirɛla mansɛ ara Hɛti kɛlɛ-dannu anubɛ Iyipiti kɛlɛ-dannu masan anu kan ma.

1 Ko-Kɔrɔta-Karan 14:14

Mansa Dawuda ya Alla manyinika tun anu kɛlɛ koe rɔ. Alla ko, “I kana anu kɛlɛ dabira yan bara la de! Bɔ anu kɔma kilɛ la pɔpɔ kɔlɔma-siyamɛnu bi kan min. I ni anu kɛlɛ dabira nyɔ.

1 Ko-Kɔrɔta-Karan 14:16

Mansa Dawuda ya a ma iko Alla ya a fɔ a ye nya min. A bɔra Filisitinu gbenna Kibiyon soe burɔ ha ka ta ke Kisari soe ma. A ye anu kɔma.

Aiseya 13:4

Wo ni wo tole masɔ sɔnkɔ-sɔnkɔ-kan la kɔnkɛnu kuma, ado nyama-bɛrɛ-sɔnkɔ-kan le wo la. Nyamani-siyaman mɔgɛnu sɔnkɔ-kan le wo la. Kɛlɛ-dan bɛɛta Mari ye ala kɛlɛ-dannu mabɛnna kɛlɛ-kɛ-koe la.

Saraka-Masɔlɛnuta Tɔnnu 26:36

“Wo tumɛ wo ye nyɔ rɔ, wo si to yutoyɛ rɔ. Hali fɔnyɔ wa yanba-kunyɛnu namaga, wo si wo buri a kɔrɔ. Wo si to wo burila ka bui kilan bolo. A mani de iko wo yogenu denu bi wo kɔma kilɛ la.

Kɛwɔlɛnu 2:2

Tiriyante wo rɔ, kuman-kan bɔra san-kole rɔ iko fɔn-sɛnbɛmɛ. Minnu siginɛ bɔn wo mumɛ burɔ, anu damasi ya a lamɔɛn.

Tɔn-Fɔɛ-Fila-Nyɔgɛ 20:4

Wota Mari ye wo fɛ. A si wo sɛnbɛ don, wo ni anu nɔ feu!’

Kɛlɛ-Kurugbɛnu 4:14

Dɛbora ya a fɔ Bɛraki ye ko, “Ta, Mari ye i fɛ. Mari si Sisara don i bolo tɔ bi.” Bɛraki anubɛ ala kɛlɛ-den waga tan yigira ka bɔ Tebɔ kɔnkɛ kuma.

Kɛlɛ-Kurugbɛnu 7:15

Kidiyɔn ban kiyo wo kɔrɛ lɔnna, wo diyara a ye. A ya a nyɛnkin ka Mari bato. A sɛgira ala kɛlɛ-dannu bara. A ya a fɔ anu ye ko, “Wo ni wo lasɔ. Mari ara Midiyan kɛnu don ma bolo tɔ bi, yɔ!”

Kɛlɛ-Kurugbɛnu 7:9

Wulɔn suyi rɔ, Mari ya a fɔ Kidiyɔn ye ko, “Wo ni wo lasɔ. Wo ni ta Midiyan kɛnu kɛlɛ anu daga makɛ tinɛ. N si anu don wo bolo tɔ.