1 Ko-Kɔrɔta-Karan 14:1 - ALLALA KUMƐ

¹ Mansa Hairam min siginɛ Taya soe burɔ, wo ya kilayɛnu nata ala bon-sumalɛ donu anubɛ bon-tuwalɛ donu ma Mansa Dawuda dɛnbɛ tinɛ alako wonu ni ta mansɛla bɔn sɔ. Wonu tamatoe, anu tara anuta nyamanita-kɔlɔma-nyima-wɛ donu na anu bolo.

1 Ko-Kɔrɔta-Karan 14:1 ပူးပေါင်းရင်းမြစ်များ

2 Samuwɛli 7:2

Mansa Dawuda ya a fɔ Nɛbi Netan ye ko, “Nde siginɛ bon-hakikɛ min nadannɛ sida kɔlɔma la kɔnɔ Marita tɔn-kenkirɛ wo siginɛ fani-bɔn la.”

1 Mansɛnu 5:1

Mansa Hairam min siginɛ Taya soe burɔ, Mansa Dawuda diyana-mɔgɛ le wo la nun. Wo ya a lamɔɛn tumɛ min ko Mansa Silamɛni bara ma mansɛ la a fa Dawuda gbɛ rɔ, a ya ala mɔgɔ-ba donu nata Mansa Silamɛni kɔndɔn tinɛ.

1 Mansɛnu 5:15

Mɔgɔ waga bi-segin (80,000) bi Mansa Silamɛni bolo minnu bi kurinu lɛsɛla kɔnkɛnu kuma. Mɔgɔ waga bi-wɔrɔnfila (70,000) ye nyɔ ka kuri wonu maduni.

1 Mansɛnu 5:18

Woletɔ Mansa Silamɛnita wɔli-kɛlɛnu anubɛ Mansa Hairamta wɔli-kɛlɛnu, wonubɛ Kibali sigisɔn-mɔgɛnu ya kuri anubɛ kɔlɔmanu nadɛn Bato-Bɔn wo sɔ-koe rɔ.

1 Mansɛnu 5:6

Woletɔ a fɔ ila mɔgɛnu ye ko anu ni kɔlɔma-kuru-wɛ donu tɛgɛ n ye Lɛbanan nyamanɛ rɔ. Nna wɔli-kɛlɛnu anubɛ ita wɔli-kɛlɛnu si wɔlɛ kɛ anu nyɔgɔn fɛ. N si ila wɔli-kɛlɛnu sara iko i ye a fɔla n ye nya min. I ya a lɔn ko nna mɔgɛnu ma kusan kɔlɔma tɛgɛla iko ila mɔgɛnu.”

1 Ko-Kɔrɔta-Karan 14:2

Mansa Dawuda ya a lɔn ko Mari ara ale ma Isirɛla mɔgɛnuna mansa-makawanɛ la, ado a lara a la fanan ko Alla si ala nyamanɛ wo lata yarɔ ka a tɛgɛ Isirɛla mɔgɛnuna ko ma.

1 Ko-Kɔrɔta-Karan 17:1

Lunyɛ do, Mansa Dawuda siginɛ ala bon-kurɛ la, a ya a fɔ Nɛbi Netan ye ko, “Nde siginɛ bon-hakikɛ la min nadannɛ kɔlɔma-kinyanɛ la kɔnɔ Marita tɔn-kenkirɛ siginɛ fani-bɔn le la.”

1 Ko-Kɔrɔta-Karan 22:2

Mansa Dawuda ya a fɔ sibolo-gbɛrɛnu ye min bi ala nyamanɛ wo rɔ ko anu damasi la ni dɛn kan-tina-kelen. A ya sibolo-gbɛrɛ wo bɛɛta wɔlɛ di a ma. Kuri minnu bi mala Bato-Bon-bulɔku la, a ya donu sɔ kuri wo lɛsɛ-ko-wɔlɛ la.

2 Ko-Kɔrɔta-Karan 2:2

Mɔgɔ waga bi-wɔrɔnfila (70,000), a ya wonu denu ma Bato-Bon-miran-madununɛnu na. Mɔgɔ waga bi-segin (80,000), a ya wonu denu ma kuru-lɛsɛlɛnu na. A ya mɔgɔ waga sawa ani mɔgɔ kɛmɛ wɔrɔ (3,600) bɔ minnu si to wɔlɛ wonu kumafɛlɛnna.

2 Ko-Kɔrɔta-Karan 2:3

Mansa Silamɛni ya kilayɛ lata Mansa Hairam ma min siginɛ Taya soe burɔ. A ya a fɔ ko, “I ya kɔlɔma-hakikɛ minnu su mayira n fa Mansa Dawuda ma nun, a ya ala bolɔn ladan wonu na. A sɔgɛ ye n na, i ni wo sufanu mayira nde fanan ma.

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.