1 Ko-Kɔrɔta-Karan 12:40 - ALLALA KUMƐ

⁴⁰ Hali bɔnsɔn minnu barɛ fɛ-yan nyɔ la pɔn, iko Isakari wo, Sɛbulɔn wo, anubɛ Nafatali, wonuna sofɛlɛnu anubɛ anuna nyomɛnu anubɛ anuna sara-ninkinu nara dɔn-fan gbansan-gbansan le la ladɛn wo rɔ. Anu nara dɛgɛ-munke la anubɛ toro-gbɔ-gbalanɛ anubɛ nɔnbɔ-gbɔ-gbalanɛ anubɛ minni-fen anubɛ tuli la anu bolo ladɛn wo rɔ. Anu nara ninkinu anubɛ sagɛnu na anu bolo, anu bi minnu mala ladɛn wo manfan la. Anu bi wonu mala bawo Isirɛla nyamanita-mɔgɛnu sewanɛ.

1 Ko-Kɔrɔta-Karan 12:40 ပူးပေါင်းရင်းမြစ်များ

2 Samuwɛli 16:1

Mansa Dawuda tenbi Ɔlifi kɔnkɛ la doni, a ya Mɛfibasɛtila wɔli-kɛlɛ Saiba taran nyɔ. Sofɛlɛ fila ye a bolo. Fenfen kirinɛ sa wonu kɔ tɛma fɔ dɔn-fannu, biredi-lɔngbɔn kɛmɛ fila, anubɛ nɔnbɔ-gbɔ-gbalanɛ tɔnsɔn kɛmɛ, anubɛ toro-gbɔ-gbalanɛ gbu kɛmɛ, anubɛ nɔnbɔ-gbɔ-yi gbolo-bɔrɔ kelen.

1 Mansɛnu 1:40

Mɔgɛ bɛɛ bilara a fɛ. Anu bi fulinu fɛla, tolɔn kɛnɛ a rɔ, dugi tugura a rɔ sewɛ bolo!

2 Mansɛnu 11:20

Mɔgɛ bɛɛ sewara, ado soe wo kimara don bawo anu bara Atalaya faga mansɛla bolɔn la.

1 Ko-Kɔrɔta-Karan 12:39

Tele sawa, anu bi Dawuda fɛ nyɔ. Anu na-kelen-nyɔgɛnu ya ladiyɛ min nadan anu ye, anu taranta wo fen-dɔn kun na.

1 Ko-Kɔrɔta-Karan 13:1

Kɛlɛ-den-kunyɛ minnu bi mɔgɔ kɛmɛ-kɛmɛnu kun na anubɛ minnu fanan bi mɔgɔ waga-waganu kun na, Mansa Dawuda anubɛ kun-tigi wonu ya anu kun nayigi kan-tina-kelen.

1 Ko-Kɔrɔta-Karan 29:22

Anu bi fen dɔnla wulɔn tele rɔ, anu sewara ka fen-dɔn-kɛ Mari yala. Anu ya Silamɛnina mansayɛ lawasa Mari tɔgɛ rɔ, ado kɛ le mara a fila nyɔgɛ la. Wo kɔma, anu ya Sedokila saraka-masɔ-wɔlɛ lawasa ka dantɛgɛ-tuli kɛ anubɛ mansɛ salɛ rɔ.

Hɛnkilimaya-Kumɛnu 11:10

Ni mɔgɔ-telennɛ fɛ-koe ye tala yarɔ soe burɔ, so-burɔ-mɔgɛ bɛɛ si sewa. Kɔnɔ ni mɔgɔ-yoge fagara soe burɔ, mɔgɛnu si sewa ka tolɔn kɛ a rɔ.

Hɛnkilimaya-Kumɛnu 29:2

Ni mɔgɔ-latelennɛ ya tɔgɛ sɔrɔn, mɔgɛ bɛɛ si sewa. Kɔnɔ ni karagbɛlɛ ya tɔgɛ sɔrɔn, mɔgɛ bɛɛ si to kurunna tɔrɔyɛ bolo.

Hoseya 3:1

Mari ya a fɔ nde, Nɛbi Hoseya ye ko, “Ta ila keninteyɛ yira ila musi la tun hali a keninɛ kemini-gbɛrɛkɛnu bolo. I ni a keni iko Isirɛla mɔgɛnu keninɛ nde bolo nya min hali anu bi tala bɛsɛnu kɔla dɛgɛ-lamondonɛnu tɔ.”

1 Samuwɛli 25:18

Abigɛli ya wo lamɔɛn tumɛ min, tiriyante wo rɔ a ya dɔn-fen siyaman bi. A ya biredi-lɔngbɔn kɛmɛ fila bi anubɛ nɔnbɔ-gbɔ-yi gbolo-bɔrɔ fila. Wo kɔma, a ya saga-mintanni loli bi ka buyi pani-kunbɛ-nya tan-ni-wɔrɔnfila sa a kuma. Wo kɔma, a ya nɔnbɔ-gbɔ-gbalanɛ tɔnsɔn kɛmɛ anubɛ toro-gbɔ-gbalanɛ bolo-nya kɛmɛ fila bi ka wonu damasi kiri sofɛlɛnu kɔ tɛma.