1 Ko-Kɔrɔta-Karan 12:38 - ALLALA KUMƐ

³⁸ Kɛlɛ-dan kɛ damasi kundɛnta kan-tina-kelen Hiburɔn soe burɔ. Anu damasi sɔndɔmɛ sɔnɛ Dawuda la ka a ma mansɛ la Isirɛla mɔgɛnu kun na. Hali kɛlɛ-den ma minnu na, wonu fanan burɛ ye wo nya na le.

1 Ko-Kɔrɔta-Karan 12:38 ပူးပေါင်းရင်းမြစ်များ

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

1 Mansɛnu 8:61

Alamɛ wo sɔndɔmɛ gbɛra mata Mari Alla ye ka to ata tɔn bɛɛ birala iko wo ye a mala nya min kaka.”

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

1 Ko-Kɔrɔta-Karan 12:33

Kɛlɛ-dan minnu bɔra Sɛbulɔn bɔnsɔn rɔ, wonu yatɛ bɛnta mɔgɔ waga bi-loli (50,000) ma. Lanaya-mɔgɛ le anu na Dawuda kɔrɔ, ado anu kusan kɛlɛ-kɛ-fen-su bɛɛ la.

1 Ko-Kɔrɔta-Karan 12:37

Kɛlɛ-dan minnu bɔra Yorodan bɛ tele-bɔɛ wara la, Rubɛn bɔnsɔn, anubɛ Kadi bɔnsɔn anubɛ Manasa bɔnsɔn-talɛ, kɔni, wonu yatɛ bɛnta mɔgɔ waga kɛmɛ ani mɔgɔ waga mogan (120,000) ma. Wonu fanan kusan kɛlɛ-kɛ-fen-su bɛɛ la.

1 Ko-Kɔrɔta-Karan 12:39

Tele sawa, anu bi Dawuda fɛ nyɔ. Anu na-kelen-nyɔgɛnu ya ladiyɛ min nadan anu ye, anu taranta wo fen-dɔn kun na.

2 Ko-Kɔrɔta-Karan 30:12

Kɔnɔ hali wo, Alla ye wɔlila Yuda bɔnsɔn-mɔgɛnu yisi rɔ alako anu ni to kan kelen tɔ ka mansɛ anubɛ ala mɔgɔ-banu kan to a gbɛ rɔ.

Yaburi 101:2

N kɛ-nya si bɛn i ya la. I ye nala n bara muntuma? N bi sɔn-nyimayɛ rɔ nna bɔn la.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Isikiyɛli 11:19

N si a ma, anu sɔndɔmɛ ni sa anu nyɔgɔn kuma ka miriya-nyimɛ di anu ma. Sɔndɔmɛ min gbɛlɛyanɛ iko kuri, n si wo bɔ anu burɔ ka tɔn-bira-sɔn di anu ma.