1 Ko-Kɔrɔta-Karan 12:31 - ALLALA KUMƐ

³¹ Kɛlɛ-dan minnu bɔra Manasa bɔnsɔn-talɛ rɔ tele-yigi wara la, wonu yatɛ bɛnta mɔgɔ waga tan-ni-segin (18,000) ma. Anu ya wonu denu yabɔ ka na Dawuda sigi mansayɛ la.

1 Ko-Kɔrɔta-Karan 12:31 ပူးပေါင်းရင်းမြစ်များ

1 Ko-Kɔrɔta-Karan 12:30

Kɛlɛ-dan minnu bɔra Ifɛrɛm bɔnsɔn rɔ, wonu yatɛ bɛnta mɔgɔ waga mogan ani mɔgɔ kɛmɛ segin (20,800) ma. Tɔgɔlamɛ le anu na nun anuna kebilɛnu tɔ.

1 Ko-Kɔrɔta-Karan 12:32

Kɛlɛ-dan minnu bɔra Isakari bɔnsɔn rɔ, wonu kun-tiginu yatɛ bɛnta mɔgɔ kɛmɛ fila ma, ado anu nara anuna kɛlɛ-dannu na anu bolo. A bɛnta, Isirɛla mɔgɛnu ni min ma a wati-bɛnnɛ rɔ, wo hɛnkili ye anu denu denu bolo.

Tɔn-Fɔɛ-Fila-Nyɔgɛ 33:17

Fanka ye Yusufu bɔnsɔn-mɔgɛnu na iko turɛ. A bɔnsɔn filɛ, Manasa anubɛ Ifɛrɛm, wonu tagbɛlɛ iko sigi-kere. Manasa bɔnsɔn kɛlɛ-den waga siyamɛnu anubɛ Ifɛrɛm kɛlɛ-den waga tan-tannu, wonu si anu yogenu kɛlɛ ka anu tasɔgɔ-sɔgɔ iko sigi-dalamɛ si mɔgɛ rasɔgɔ nya min. Hali minnu fɛ-yan anu na, anu si ta wonu gbenna ka anu nato dogbe!”