1 Ko-Kɔrɔta-Karan 12:29 - ALLALA KUMƐ

²⁹ Kɛlɛ-dan minnu bɔra Bɛnyamɛ bɔnsɔn rɔ, wonu fanan yatɛ bɛnta mɔgɔ waga sawa (3,000) ma, ado Mansa Sɔli kebila-nyɔgɛ le anu denu na. Bɛnyamɛ bɔnsɔn-toe tora Mansa Sɔli kebilɛ fɛ.

1 Ko-Kɔrɔta-Karan 12:29 ပူးပေါင်းရင်းမြစ်များ

Ko-Dabirɛnu 31:23

Leban anubɛ a na-kelen-nyɔgɛnu ya Yakoba sagaran. Tele wɔrɔnfila anu bi kilɛ la. Anu kera a rɔ kɔnkɛ do kuma Kaliyadi nyamanɛ rɔ.

2 Samuwɛli 3:19

Wo kɔma, a tara kuma Bɛnyamɛ bɔnsɔn-mɔgɛnu na. A ban ko-rabɛn wo la, a nara to tala Dawuda wara Hiburɔn soe burɔ. Abina anubɛ mɔgɔ mogan tara Dawuda warɛ. Anu ke a ma, Dawuda ya anu nadiya-belebele-wɛ kɛ. Isirɛla mɔgɛnu anubɛ Bɛnyamɛ bɔnsɔn-mɔgɛnu sɔnta koe minnu ma yɛ, Abina ya wo bɛɛ rakaran a ye.

2 Samuwɛli 8:17

Ahitubala den Sedoki wo, anubɛ Abiyatarila den Ahimɛlɛki, saraka-masɔlɛ le wonu na. Ala kɛdi-sɛbɛlɛ le Seraya la.

1 Ko-Kɔrɔta-Karan 12:2

Bɛnyamɛ bɔnsɔn-mɔgɛ le anu na, ado Mansa Sɔli na-kelen-nyɔgɛ le anu na fanan. Anu kusan kalabɛn lakɛla, ado anu kusan lenfiran tiila anu bolo filɛ bɛɛ la.

1 Ko-Kɔrɔta-Karan 12:30

Kɛlɛ-dan minnu bɔra Ifɛrɛm bɔnsɔn rɔ, wonu yatɛ bɛnta mɔgɔ waga mogan ani mɔgɔ kɛmɛ segin (20,800) ma. Tɔgɔlamɛ le anu na nun anuna kebilɛnu tɔ.

1 Ko-Kɔrɔta-Karan 27:17

Kɛmuwɛlila den Hasabaya ye Lifayi bɔnsɔn kun na. Saraka-Masɔla Sedoki le ye Aruna kebilɛ kun na.