1 Ko-Kɔrɔta-Karan 12:20 - ALLALA KUMƐ

²⁰ Manasa bɔnsɔn-kɛlɛ-dan minnu nara kofu Dawuda ma, wonu tɔgɛ le kɛnu na, Adina, Yosabadi, Yɛdiyɛyɛli, Maikali, Yosabadi, Ɛlihu, anubɛ Siletayi. Anu bi anuna nyamanɛ rɔ tumɛ min, anu bɛɛ ye mɔgɔ waga kelen-kelen kun na nun.

1 Ko-Kɔrɔta-Karan 12:20 ပူးပေါင်းရင်းမြစ်များ

1 Ko-Kɔrɔta-Karan 12:19

Dawuda anubɛ Filisitinu wulita wati min ka ta Mansa Sɔli kɛlɛ tinɛ, Manasa bɔnsɔn kɛlɛ-dan donu nara kofu Dawuda ma wo wati rɔ. Kɔnɔ Filisitinuna mansɛnu ma sɔn Dawuda ni kɛlɛ kɛ bawo anu bi kilanna ko Dawuda kana na ta anu don Mansa Sɔli bolo, ala kun-tigi-kɔrɛ, kɔni. Woletɔ anu ya ale Dawuda lasɛgi a kɔma Sikilagi soe burɔ fass!

1 Ko-Kɔrɔta-Karan 12:21

Dawuda ya anu ma ala kɛlɛ-den-kunyɛnu na bawo anu sɛbɛ donnɛ kɛlɛ ma. Wo kɔma, anu mara kunyɛnu na Isirɛla kɛlɛ-dannu kun na.

1 Ko-Kɔrɔta-Karan 8:20

Ɛleyinayi wo, Siletayi wo, Iliyɛli wo,

Bɔ-Koe-Iyipiti 18:21

Wo kɔma, i ni hɛnkilimɛnu nyini mɔgɛ wonu tɛma, minnu kilannɛ Alla la, ado anu si tonyɛ fɔ, kensunyɛ ma di anu ye. I ni mɔgɔ-sufa wonu sigi anu kuma. I ni donu sigi mɔgɔ waga kelen-kelannu kun na. I ni donu sigi mɔgɔ kɛmɛ-kɛmɛnu kun na. I ni donu fanan sigi mɔgɔ bi-loli bi-lolɛnu kun na ka donu sigi mɔgɔ tan-tannu kun na.

Tɔn-Fɔɛ-Fila-Nyɔgɛ 1:15

Wo ya hɛnkilimɛ minnu yabɔ ka anu yira n na, n ya wonu sigi wo kun na ka anu ma wola kiti-salɛnu na. N ya donu sigi mɔgɔ waga kelen-kelen kun na. N ya donu sigi mɔgɔ kɛmɛ-kɛmɛ kun na. N ya donu sigi mɔgɔ bi-loli bi-lolɛ kun na. Ka ban, n ya donu sigi mɔgɔ tan-tan kun na. Wonu mara wola kun-tiginu na wo kuma.

Tɔn-Fɔɛ-Fila-Nyɔgɛ 33:17

Fanka ye Yusufu bɔnsɔn-mɔgɛnu na iko turɛ. A bɔnsɔn filɛ, Manasa anubɛ Ifɛrɛm, wonu tagbɛlɛ iko sigi-kere. Manasa bɔnsɔn kɛlɛ-den waga siyamɛnu anubɛ Ifɛrɛm kɛlɛ-den waga tan-tannu, wonu si anu yogenu kɛlɛ ka anu tasɔgɔ-sɔgɔ iko sigi-dalamɛ si mɔgɛ rasɔgɔ nya min. Hali minnu fɛ-yan anu na, anu si ta wonu gbenna ka anu nato dogbe!”

1 Samuwɛli 29:11

Bandɛ kanɛ, Dawuda anubɛ ala keminɛnu suruta sɛgila anu kɔma Filisitinuna nyamanɛ rɔ. Anuna kɛlɛ-dan wonu tora tala Isirɛla nyamanɛ magbenna Yɛsɛreli lɛɛ wara la.

1 Samuwɛli 29:3

Filisitinuna kɛlɛ-kurugbɛnu ya Dawuda anubɛ ala keminɛnu yen tumɛ min, anu ya a fɔ ko, “Hiburu kɛnu damasi ye nfen mala yan tɔ?” Mansa Akisi ya a fɔ anu ye ko, “Dawuda le kɛ la min bi kun-tigiyɛ la nun Isirɛla mɔgɛnu na Mansa Sɔli kɔrɔ. A ara mɛ n fɛ kosɛbɛ! Ka a bi a na-wati ma ha ka a sigi kaka la, n ma fɛɛ-wo-fɛɛ yen a la.”

1 Samuwɛli 29:4

Kɔnɔ hali wo, Filisitinuna kɛlɛ-kurugbɛnu diminyara Mansa Akisi ma. Anu ya a fɔ a ye ko, “A lasɛgi a kɔma a wara-soe burɔ, i wara kan tinɛ min yira a la. I kana sɔn, a ni kofu ma ma kɛlɛ rɔ. Tumado a ye a ya-lamununna male la ka ma lato. Bawo ni ale ya ma faga, wo si a ma, a ni diya ala kun-tigi ye tun.