1 Ko-Kɔrɔta-Karan 12:18 - ALLALA KUMƐ

¹⁸ Tiriyɛ wo rɔ, Marita sɛnbɛ yigira Amasayi kuma. Wo ya a fɔ ko, “Yɛsila den Dawuda, ile halalɛ le male la. Alamɛ wobɛ i dɛnbɛnɛnu wara-koe tara yarɔ, ado Alla ye i fɛ.” Dawuda ya anu sɛnibɔ ka anu ma ata kɛlɛ-den-kunyɛnu na. Min kolo wo ko, tɔ-a-la, ale Amasayi mara mɔgɔ bi-sawɛ kun-tigi la.

1 Ko-Kɔrɔta-Karan 12:18 ပူးပေါင်းရင်းမြစ်များ

2 Samuwɛli 15:21

Kɔnɔ Itayi ya a fɔ a ye ko, “N tigi, a ye mabɛ Mari tɛma. I tara kan-bo-kan, n bi i fɛ. Hali fagalɛ le, n bi i fɛ.”

2 Samuwɛli 17:25

Abasalɔm ya Amasa ma ata kɛlɛ-den-kun-tigi la Yohabu gbɛ rɔ. (Amasa wo fa tɔgɛ le Yɛta. Sumanyila bɔnsɔn-mɔgɛ do le ale Yɛta la. Yɛta wo ya Nɛhasila dunmusi Abigɛli furu. Abigɛli wo kɔrɔ musi le Sɛruwa la, Yohabu na, kɔni.)

2 Samuwɛli 19:13

Mansa Dawuda ya a fɔ anu ye tun ko anu ni a fɔ Amasa ye ko, “N na-kelen-nyɔgɔ-bɛrɛbɛrɛ le ale la. Woletɔ ka a dabira bi ma, n bara ale ma nna kɛlɛ-den-kunyɛ la Yohabu gbɛ rɔ. Ni n ma a ma wo nya, alamɛ Mari ya n gbesi a rɔ.”

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

1 Mansɛnu 9:22

Kɔnɔ Mansa Silamɛni ma sɔn Isirɛla mɔgɔ-wo-mɔgɔ mala yɔɔn la. Wonu taranta kɛlɛ denyɛ anubɛ kɛlɛ-kurugbayɛ anubɛ kɛlɛ-den-kun-tigiyɛ anubɛ so-laburilɛ anubɛ kirindi-laburi-wɔlɛ la.

2 Mansɛnu 10:15

Mansa Yehu ban mɔgɛ kɛnu fagala, a ya Samariya kilɛ bira tun. A ya Rekabula den Yonadabu taran kilɛ la. Mansa Yehu ya wo kɔndɔn ka a fɔ a ye ko, “N lanɛ a la, ile wo, nde wo, sɔndɔma kelen de ma bolo. I ti kofu n ma?” Yonadabu ko, “Tana ma wo la.” Mansa Yehu ya a fɔ a ye ko, “Ni i wara sɔn, i bole lana.” A ya a bole lata. Mansa Yehu ya a layɛlɛ ala kirindi rɔ.

2 Mansɛnu 10:5

Mansɛla mɔgɔ-banu wo, nyɔ-so-tigi wo, mɔgɔ-ba-sɛbɛnɛnu wo, anubɛ mansa-makandannɛnu wo, wonu ya anu kundɛn ka kilayɛ lata Yehu ma ko, “Ita wɔli-kɛlɛ le male la. I wa fenfen fɔ, male si wo ma kɔnɔ male ti mɔgɛ yabɔ yan ka wo ma mansɛ la. Ni koe min telennɛ ile yala, ile si wo ma.”

2 Mansɛnu 9:32

Mansa Yehu ya a yɛ layɛlɛ a ma ka nyinikalɛ kɛ, a ko, “Mɔgɛ donu bi san ma nyɔ minnu bi n fɛ, wa?” Musi wola yɔɔn mɔgɔ-dande ya anu kunyɛ labɔ ka anu yɛ layigi Mansa Yehu ma.

1 Ko-Kɔrɔta-Karan 11:11

Ala kɛlɛ-nyana fɔlɔtɛ tɔgɛ le Yasabɛyami. Hakimɔ kebila-mɔgɛ do le ale la. Anu kɛlɛ-kurugba sawɛ kunyɛ le ale la fanan. Lun kelen, ale ya mɔgɔ kɛmɛ sawa kɛlɛ ka wonu damasi faga ala tanbɛ la.

1 Ko-Kɔrɔta-Karan 12:17

Dawuda ya anu nabɛn ka a fɔ anu ye ko, “Ni wo nara n dɛnbɛ tinɛ le, tana ma wo la. Wo ni kofu ma ma. Kɔnɔ ni wo nara ma bole labira tinɛ le ka ma don ma yogenu bolo, hali nde ma ko-yogoma ma wo la, ma benbanuta Alla si a lɔn, ado alamɛ Alla ya wo tɔrɔ.”

1 Ko-Kɔrɔta-Karan 2:17

Yɛsila dunmusi Abigɛli tora Sumanyila kebila-mɔgɛ do ye min tɔgɛ Yɛta. Ale Abigɛli ya den-kei kelen sɔrɔn Yɛta ye min tɔgɛ Amasa.

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Sakaraya 8:23

Mari Sɛnbɛ-Bɛɛ-Tigi ko wo wati wa ke, sibolo-gbɛrɛ mɔgɔ tan si Yahudiya mɔgɔ kelen madiya ko, “Ma ye a fɛ ka ta i fɛ bawo ma ya a lamɔɛn ko Alla ye Isirɛla mɔgɛnu fɛ.”

Matiyu 12:30

“Mɔgɔ-wo-mɔgɔ min sa nde fɛ, wo ye n kan ma. Min sa n dɛnbɛna ka fannu nadɛn, wo ye wonu tanyɛnsɛnna.

Kalesiya 6:16

Nba, ni min bɛɛ bilanɛ tonyɛ kɛ fɛ, alamɛ yisi-kimɛ anubɛ kinikinɛ dira wonubɛ Allata mɔgɛ bɛɛ ma!

Kɛlɛ-Kurugbɛnu 13:25

Marita sɛnbɛ yigira Samsin kuma kɛlɛ-dannuna dagɛ rɔ Sora soe anubɛ Ɛsateyoli soe tɛma Dan nyamanɛ rɔ.

Kɛlɛ-Kurugbɛnu 3:10

Marita sɛnbɛ yigira a kuma. A mara Isirɛla mɔgɛnuna kɛlɛ-kurugbɛ la. A tɛ Mɛsopotemiya nyamani-tigi anubɛ ala kɛlɛ-dannu kɛlɛ tinɛ, Mari ya a ma, a ya wonu nɔ.

Kɛlɛ-Kurugbɛnu 6:34

Marita sɛnbɛ yigira Kidiyɔn kuma. A ya kɛlɛ-buri fɛ alako Abiyɛsa kegeya-mɔgɛnu ni ta a fɛ kɛlɛ rɔ.

Ruti 1:16

Kɔnɔ Ruti ya a fɔ ko, “I kana n madiya i boloka-koe ma. I yandi, a ma, n ni ta i fɛ. I tara kan-bo-kan, nde fanan si ta i fɛ nyɔ. I ya i sigi kan-bo-kan, nde fanan si n sigi nyɔ. Ita mɔgɛnu si ma nta mɔgɛnu na. Ita Alla si ma nta Alla la.

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”

1 Samuwɛli 16:5

Samuwɛli ya a fɔ ko, “Ade, n nara le dɔrɔn ka sarakɛ bɔ Mari ye. Wo ni wo nyɛrɛ sɛninya iko tɔn ya a fɔ nya min. Wo ni bila n fɛ.” A ya a fɔ Yɛsi anubɛ ala dannu ye wo nya na le fanan ka anu kele saraka-bɔɛ kuma.

1 Samuwɛli 22:7

Mansɛ ya a fɔ ala mɔgɔ-banu ye ko, “Wole Bɛnyamɛ bɔnsɔn-mɔgɛnu! Wole lara a la ko Dawuda si wɔli-kɛ-tinɛnu di wo ma iko nde duruta a mala nya min? Wole lara a la ko ale si wo ma kɛlɛ-den-kun-tigi la ala keminɛnu tɛma?

1 Samuwɛli 24:12

Alamɛ Mari ya kiti tɛgɛ ma tɛma ka yoe di yo-tigi ma. Alamɛ Mari ya i tɔrɔ ila ko-yogomɛla ko la nde wara la kɔnɔ nde ti ko-yogoma ma i la.

1 Samuwɛli 24:13

Anu bi sarandɛ min fɔla ko, ‘Ko-yogoma-kɛlɛ le si ko-yogomɛ ma,’ ile ya wo lɔn serr! Woletɔ nde ti ko-yogoma ma i la.

1 Samuwɛli 24:16

Dawuda ban kɛ fɔla, Mansa Sɔli ya a fɔ a ye ko, “Nna den Dawuda le kumala kɛ la?” A donta di-kɛ rɔ.

1 Samuwɛli 8:12

A si donu sigi mɔgɔ waga kelen-kelannu kun na. Donu si sigi mɔgɔ bi-loli bi-lolɛnu kun na. A si wola dan donu ma ala sɛnita keminɛnu na. A si donu ma ala kɛlɛ-kɛ-fen nadannɛnu na. A si donu fanan ma ala kirindi-miran nadannɛnu na.