1 Ko-Kɔrɔta-Karan 12:17 - ALLALA KUMƐ

¹⁷ Dawuda ya anu nabɛn ka a fɔ anu ye ko, “Ni wo nara n dɛnbɛ tinɛ le, tana ma wo la. Wo ni kofu ma ma. Kɔnɔ ni wo nara ma bole labira tinɛ le ka ma don ma yogenu bolo, hali nde ma ko-yogoma ma wo la, ma benbanuta Alla si a lɔn, ado alamɛ Alla ya wo tɔrɔ.”

1 Ko-Kɔrɔta-Karan 12:17 ပူးပေါင်းရင်းမြစ်များ

Ko-Dabirɛnu 31:42

Ni n benba Iburayima anubɛ n fa Isiyakanuna Alla sa n fɛ nun, n bolo-kolɔn gbɛ le bɔla i warɛ nun. Kɔnɔ Alla ara nta tɔrɔyɛ anubɛ nta wɔlɛ yen n ya minnu kɛ i ye, woletɔ a ya i makuma suyi rɔ kiyo rɔ.”

Ko-Dabirɛnu 31:53

Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.” Yakoba ya a keli a berin ye a fa Isiyakata Alla yala.

1 Mansɛnu 2:13

Hagiti-Adonaya tara Mansa Silamɛni na Batasiba wara. Batasiba ya a manyinika ko, “Nfen mara? I nara a nyimɛ la, wa?” Adonaya ko, “Ɔn! N ma na a yogomɛ la

2 Mansɛnu 10:15

Mansa Yehu ban mɔgɛ kɛnu fagala, a ya Samariya kilɛ bira tun. A ya Rekabula den Yonadabu taran kilɛ la. Mansa Yehu ya wo kɔndɔn ka a fɔ a ye ko, “N lanɛ a la, ile wo, nde wo, sɔndɔma kelen de ma bolo. I ti kofu n ma?” Yonadabu ko, “Tana ma wo la.” Mansa Yehu ya a fɔ a ye ko, “Ni i wara sɔn, i bole lana.” A ya a bole lata. Mansa Yehu ya a layɛlɛ ala kirindi rɔ.

2 Mansɛnu 9:22

Mansa Yɔram ya Mansa Yehu manyinika ko, “I nara a nyimɛ le la, ka, a yogomɛ?” Mansa Yehu ya a fɔ a ye ko, “I na ya suwagayɛ anubɛ bɛsi-kɔ-koe min nawara ma tɛma, fananta wo ye ma tɛma, ma ti yisi-kimɛ sɔrɔn.”

1 Ko-Kɔrɔta-Karan 12:16

Lunyɛ do, Bɛnyamɛ bɔnsɔn anubɛ Yuda bɔnsɔn-mɔgɛ donu tara Dawuda taran wulɛ kan-tina-latankanɛ do rɔ.

1 Ko-Kɔrɔta-Karan 12:18

Tiriyɛ wo rɔ, Marita sɛnbɛ yigira Amasayi kuma. Wo ya a fɔ ko, “Yɛsila den Dawuda, ile halalɛ le male la. Alamɛ wobɛ i dɛnbɛnɛnu wara-koe tara yarɔ, ado Alla ye i fɛ.” Dawuda ya anu sɛnibɔ ka anu ma ata kɛlɛ-den-kunyɛnu na. Min kolo wo ko, tɔ-a-la, ale Amasayi mara mɔgɔ bi-sawɛ kun-tigi la.

Yaburi 7:6

Mari, i lakɔɛnma. Ila fondo-labɔɛ yira n yogenu na. N yogenuna yisi-bɔɛ min kɛnɛ n kan ma, i ni tɔn sigi wo la. I ni tonyɛ di tonya-tigi ma.

Yaburi 86:11

Mari, a sɔgɛ ye i la, n ni min ma, n karan wo la. Wo kɔma, n si a bira lanayɛ rɔ. N si ila wɔlɛ kɛ n yisi bɛɛ la nya min, i ni n nabila wo la.

Yɛrɛmaya 32:39

A si anu to ko kelen tɔ ka anu miriya ma kelen na alako anu ni to ale Mari gbiliyala tuma-wo-tuma. Wo si ma tɔnɛ la anubɛ anuna dannu ye.

Sakaraya 3:2

Mari ya a fɔ ko, “Setanɛ, tonya sa i bolo. Yerusalɛm di nde, Mari ye. Yasowa kɛ ma ara tanka iko kɔlɔma anu bara min nabɔ tɛ rɔ.”

Kɛwɔlɛnu 4:32

Nba, dɛnkɛninya-mɔgɔ-nyama bɛɛ taranta kan kelen anubɛ yisi kelan rɔ. Mɔgɔ-wo-mɔgɔ ma a fɔ a bolo-fannuna ko la ko atɛ le kɔnɔ fan min bɛɛ ye anu bolo, anu ya wonu tafara anu nyɔgɔn tɛma.

1 Kɔrɛnti 1:10

N na-kelen-nyɔgɛnu, wo yandi, n bi wo madiyala ma Mari Yisa, Allata-Mɔgɔ-Yabɔnɛ tɔgɛ rɔ ko wo dama ni sɔn wo nyɔgɔnna kumɛ ma. Dan-nafarɛ kana taran wo tɛma. Wo ni to kan kelen, miriya kelen anubɛ sɔn kelen tɔ feu,

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

1 Pita 2:23

Anu ya a lafɛya tumɛ min, a ma atɛ lasɛgi ka anu fanan nafɛya. A tɔrɔta tumɛ min, a ma a kɔnkɔn fɔ ka a yigi sa Alla rɔ, bɛɛta kiti-tɛgɛla-latelennɛ, kɔni.

Yude 1:9

Hali melika-kun-tigi Maikali ma wo ko-su kɛ anubɛ Setanɛ ye kɛlɛla Musa furi kuma tumɛ min. Hali wo, Maikali ma sɔn Setanɛ mɔɛnna fɔ ka a fɔ ko, “Mari ni i makuma!”

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”

1 Samuwɛli 18:1

Mansa Sɔli anubɛ Dawuda ban kirabɔɛ wo la, Mansa Sɔlila den Yonatan anubɛ Dawuda diyara kɔikɔi! Dawuda di Yonatan ye iko a nyɛrɛ di a ye nya min.

1 Samuwɛli 18:3

Dawuda di Yonatan ye min kɛ, Yonatan ya lanyiri kiri a ye.