1 Ko-Kɔrɔta-Karan 11:22 - ALLALA KUMƐ

²² Yɛhoyadala den Bɛnaya, Kabisili kɛ, kɔni, kɛlɛ-kɛla-wɛ do le ale fanan na. Ale fanan ya kerinteya-ko-siyaman kɛ. Mohabu kɛnuna kɛlɛ-kɛla-nyana mɔgɔ fila ye nyɔ, ale ya wonu faga. Lun kelen kima-wati rɔ, ado dugi manamanɛ, a donta denkɛ la ka yara kelen faga nyɔ.

1 Ko-Kɔrɔta-Karan 11:22 ပူးပေါင်းရင်းမြစ်များ

2 Samuwɛli 1:23

“Mansa Sɔli anubɛ Yonatan, anu di mɔgɛnu ye. Anu sɔn bɛɛ kelen, ado anu niyi bɔra anu nyɔgɔn fɛ le. Anu natiri kokɛ ko, ado anu tagbɛlɛ yarɛ ko.

2 Samuwɛli 20:23

Yohabu le ye Isirɛla kɛlɛ-dannu kun na. Yɛhoyadala den Bɛnaya, wo le Mansa Dawuda makandannɛnu kun na.

2 Samuwɛli 8:18

Yɛhoyadala den Bɛnaya, wo le ye Mansa Dawuda makandannɛnu kun na. Mansa-makawandilɛ le mansɛla den-keinu na.

1 Mansɛnu 1:38

Wo kɔma, Saraka-Masɔla Sedoki wo, Nɛbi Netan wo, Bɛnaya wo, anubɛ mansɛ makandannɛnu, wonu tara Silamɛni bi ka a sigi Mansa Dawudata sofɛlɛ la. Anu tara a la Kiyɔn tenke dafɛ.

1 Mansɛnu 1:8

Minnu ma sɔn bilala Adonaya fɛ, wo le, Saraka-Masɔla Sedoki wo, Yɛhoyadala den Bɛnaya wo, Nɛbi Netan wo, Simayi wo, Riya wo, anubɛ Mansa Dawuda makandannɛnu.

1 Mansɛnu 2:30

Bɛnaya tara Marita Fani-Bɔn la. A ya a fɔ Yohabu ye ko, “Mansɛ ye a fɛ ko i ni bɔ yan.” Kɔnɔ Yohabu ya a fɔ a ye ko, “Ade, n ti bɔ yan, fɔ ni n fagara yan.” Bɛnaya sɛgira ka wo fɔ mansɛ ye.

1 Ko-Kɔrɔta-Karan 11:21

Wo le ya a ma, ale tɔgɔ bɔra mɔgɔ bi-sawa kɛnu tɛma ka ma anuna kun-tigi la. Kɔnɔ ale ma tɔgɛ sɔrɔn iko mɔgɔ sawɛ kɛnu.

1 Ko-Kɔrɔta-Karan 12:28

Sedoki min bi kɛlɛ-kurugbayɛ la, wo nara mɔgɔ-ba mogan-ni-fila la a bolo ka bɔ ata kebilɛ rɔ ka kofu Dawuda ma.

1 Ko-Kɔrɔta-Karan 12:8

Kɛlɛ-nyana denu bi kɛnu na ka bɔ Kadi bɔnsɔn rɔ. Dawuda ye kan-tina-latankanɛ wulɛ rɔ tumɛ min, anu nara kofu Dawuda ma nyɔ. Wonu si kɛlɛ kɛ nɛgɛ-walan anubɛ tanbɛ la. Anu makilannɛ iko yarɛ. Anu bi gbanna kɔnkɛ kuma iko sensɛ.