1 Ko-Kɔrɔta-Karan 11:20 - ALLALA KUMƐ

²⁰ Yohabu dɔgɔ Abisayi, wo le ye kɛlɛ-kurugba bi-sawa kun na. Abisayi wo le ya mɔgɔ kɛmɛ sawa faga ala tanbɛ la.

1 Ko-Kɔrɔta-Karan 11:20 ပူးပေါင်းရင်းမြစ်များ

2 Samuwɛli 18:2

A ya wonu fanan tafara mɔgɔ sawa la. A ya Yohabu sigi kurun kelen kun na. A ya Yohabu dɔgɔ Abisayi fanan sigi kurun kelen kun na. Wo kɔma, Itayi min bɔnɛ Kati soe burɔ, a ya wo fanan sigi kurun kelen kun na. A ban wonu mala, ale mansɛ ya a fɔ anu ye ko, “Nde nyɛrɛ-nyɛrɛ ye tala le wo fɛ.”

2 Samuwɛli 2:18

Sɛruwala den mɔgɔ sawɛ ye nyɔ nun. Wonu tɔgɛ le Yohabu anubɛ Abisayi anubɛ Asahɛli, ado Asahɛli wo ye a burila iko woyan.

2 Samuwɛli 20:6

Ale mansɛ ya a fɔ Abisayi ye ko, “Siba kɛta nanparan ye tenbila le Abasalɔmtɛ la. Nna kɛlɛ-dannu bi, wo ni a sagaran. Ni wo ma, a si ta soe donu bi tarɛ mininɛ minnu ma, ado a masɔrɔn-koe si gbɛlɛya ma bolo.”

2 Samuwɛli 21:17

Kɔnɔ Sɛruya Abisayi wo nara Mansa Dawuda dɛnbɛ ka Filisiti wo faga. Wo kɔma, kɛlɛ-dannu ya tɔn sigi Mansa Dawuda ma, anu ko, “I kana ta ma fɛ kɛlɛ rɔ tun alako i kunyɛ la kana to kɛlɛ rɔ bawo ni wo mara, ma ara to pinpi rɔ.”

2 Samuwɛli 3:30

Yohabu anubɛ a dɔgɛ Abisayi ya anu dɔgɛ tayili sara bawo Abina le fɔlɔn ya anu dɔgɛ Asahɛli faga Kibiyon kɔnkɛ ma kɛlɛ kuma.

1 Ko-Kɔrɔta-Karan 11:19

A ko, “Nta Alla, n ti yi kɛ min. Ni n ya yi kɛ min, a mani de wo rɔ iko n bara mɔgɔ sawɛ kɛnu yele le min minnu bara anu niyi fili ka ta yi kɛ bi.” A ma sɔn yi wo min-koe ma. Kɛlɛ-kurugba sawɛ kɛnu ya ko-makawanɛ kɛnu denu denu ma.

1 Ko-Kɔrɔta-Karan 11:21

Wo le ya a ma, ale tɔgɔ bɔra mɔgɔ bi-sawa kɛnu tɛma ka ma anuna kun-tigi la. Kɔnɔ ale ma tɔgɛ sɔrɔn iko mɔgɔ sawɛ kɛnu.

1 Ko-Kɔrɔta-Karan 2:16

Yɛsi ya dunmusu fila fanan sɔrɔn, Sɛruya anubɛ Abigɛli. Yɛsila dunmusi Sɛruya ya den-kei mɔgɔ sawa sɔrɔn, Abisayi wo, Yohabu wo, anubɛ Asahɛli.

1 Samuwɛli 26:6

Dawuda ya ala keminɛ mɔgɔ fila manyinika, a ko, “Wole mɔgɔ filɛ kɛ yon si ta n fɛ Mansa Sɔlita dagɛ rɔ.” Kelan tɔgɛ le Ahimɛlɛki min bɔra Hɛtinu tɛma. Doi tɔgɛ le Abisayi. Wo na-kelen-nyɔgɛ tɔgɛ le Yohabu. Anu na tɔgɛ le Sɛruya. Abisayi ya a fɔ a ye ko, “Nde si ta i fɛ.”