1 Ko-Kɔrɔta-Karan 1:17 - ALLALA KUMƐ

¹⁷ Nowala den Sɛma, wo ya den-kei mɔgɔ loli sɔrɔn, Ilam wo, Asuri wo, Arafakasada wo, Ludi wo, anubɛ Aram. Sɛmala den Aram, wo ya den-kei mɔgɔ nani sɔrɔn, Yusi wo, Hali wo, Keta wo, anubɛ Masɛki.

1 Ko-Kɔrɔta-Karan 1:17 ပူးပေါင်းရင်းမြစ်များ

Ko-Dabirɛnu 10:21

Iburula mɔgɛnu benba le Sɛma la. Yefɛti kɔrɔ-kei Sɛma wo ya den mɔgɔ loli sɔrɔn, Ilam wo, Asuri wo, Arafakasada wo, Ludi wo, anubɛ Aram.

Ko-Dabirɛnu 11:10

Sɛma bɔnsɔn le kɛnu na. Yita-kasarɛ san filɛ kɔma, Sɛma sɔrɔn-san kɛmɛ ma, ale Sɛma ya Arafakasada sɔrɔn.

Ko-Dabirɛnu 14:1

Mansa Amirofɛli min bi Babilɔn nyamanɛ kun na wo, Mansa Ariyoki min bi Ilasa nyamanɛ kun na wo, Mansa Kɛdolama min bi Ilam nyamanɛ kun na wo, Mansa Tidali min bi Koyim nyamanɛ kun na wo, mansa nanɛ kɛnu ya anu kundɛn kan-tina-kelen so loli kɛlɛ-koe la.

1 Ko-Kɔrɔta-Karan 1:16

Arifadinu wo, Sɛmaranu wo, anubɛ Hamatinu na.

1 Ko-Kɔrɔta-Karan 1:18

Sɛmala den Arafakasada, wo ya Sela sɔrɔn. Sela wo ya Iburu sɔrɔn.

Ɛsira 4:2

anu nara Sarababulu anubɛ kebila-kunyɛnu bara. Anu ko, “A sɔgɛ ye ma la ka wo dɛnbɛ Bato-Bɔn kɛ sɔla. Wo ye Alla min batola, male fanan bi wo le batola. Kebi Asiriya Mansa Isahadɔn ya ma lana yan tɔ tumɛ min, ma taranta sarakɛnu bɔla wola Alla kɛ le ye.”

Yaburi 83:8

Asiriyanu fanan kofura Amonnu anubɛ Mohabu kɛnu ma, Lɔti kegeyɛnu, kɔni.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 22:6

Ilam kɛlɛ-dannu bi nala anu siginɛ soeenu na. Kalabɛn ye anu dama bolo tɛrr! Kɛlɛ-dan minnu bɔra Kira nyamanɛ rɔ, wonu tabɛnnɛ kɛlɛ-kɛ-koe la anuna kɛlɛ-mirannu bi anu bolo.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Yɛrɛmaya 25:25

Simiri nyamanɛ wo, Ilam nyamanɛ wo, Midiya nyamanɛ wo, nyɔ-mansɛnu wo,

Isikiyɛli 27:10

“Taya kɛlɛ-dannu bɔra nyamani-kurɔn kɛnu denu tɔ, Pasiya wo, Ludi wo, anubɛ Libiya. Anu ya anuna nɛgɛ-walannu anubɛ anuna nɛgɛ-fulɛnu dun Taya kɛnuna kɛlɛ dagɛ rɔ, ado anu denu denu ya wo tɔgɛ lawanka.

Isikiyɛli 27:23

Hɛran soe wo, Kanɛ soe wo, Idɛn soe wo, Siba yilanu wo, Asuri soe wo, anubɛ Kalimadi soe wo, wonubɛ Taya kɛnu ya yilayɛ kɛ anu nyɔgɔn tɛma.

Isikiyɛli 32:22

“Asiriya kɛlɛ-dan minnu bi lakira nyɔ, anu dama kunyɛ tora kɛlɛ le tɔ nun, ado fɔlɔ nun, anu bi nyamanɛ bɛɛ rakilanna kɔnɔ anu denu kanbɛ tara le fɔ lakira kɔma pon!

Isikiyɛli 32:24

“Ilam kɛlɛ-dannu fanan bi lakira nyɔ. Alla-lɔnbɛlɛ kɛnu bi anu niyi la tumɛ min, anu bi mɔgɛnu takilanna kɔnɔ anu dama kunyɛ tora kɛlɛ rɔ nun. Kaka, anu faganɛ sanɛ lakira miliyɛ rɔ, ado anuna ban-bole anubɛ kɛlɛ-dannutɛ mara kelen na.

Daniyɛli 8:2

Nna ko-rayen kɛ rɔ, n tara tɛrɛna n nyɛrɛ la Susa soe burɔ tarɛ mininɛ min ma Ilam nyamanɛ rɔ. N bi yi-nɛ do dafɛ min tɔgɛ Wulai.

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Yilan-Yilan Koe 23:7

Belam donta wɔlɔyiya-kuma-fɔɛ rɔ. A ko, “Mohabu Mansɛ Balaki ara na n na ka bɔ Siriya nyamanɛ rɔ tele-bɔɛ wara la kɔnkɔ-nyamanɛ rɔ. A ya a fɔ n ye ko n ni na kuma ale ye. N ni Isirɛla mɔgɛnu danka ale ye.

Luka 3:36

Sela fanan fa le Keyanan la, Keyanan fanan fa le Arafakasada la, Arafakasada fanan fa le Sɛma la, Sɛma fanan fa le Nowa la, Nowa fanan fa le Lamɛki la,