ZEPHANIAH 3:15 - Khumi Common Language Bible

¹⁵ Areng ly nangchi i kamngochi taphra ai; Mymy ly nangchi i paleung ka-echi ai, tama hai vui bo. Israela chengchi i samrang Areng ly nangchi hawi vanrei awm; Vai, nangchi ly jei ai naira by y leang bo.

ZEPHANIAH 3:15 ပူးပေါင်းရင်းမြစ်များ

ATITI AWM ANGCHEI NAI 30:23

Mymy ly deaungdi aniu i chapo leaungrei tapen pi. Rakeli ly “Tameuh my kai ai chapo pei nai deaungkho y, amichi my kai ai cheh nai ly tama hai vui bo.

SAM 149:2

Israela chengchi awi, nangchi ai sa nai keung molam y amo theu u; Zion mary i khumichi awi, nangchi i samrang molam y amo theu u!

SAM 19:9

Areng ai jei kaji naimy tahm khai nai ly hawi parai nai ne i, deungtasarei khaw jojo ai. Areng i tara chih nai sai y teng parai nai ne i, deungtasarei adyh adawi nai ne.

SAM 85:3

Nichi ai kado theu hai y leang bo i, nang i khri pa-rei kado theu naira py rym vui bo.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 25:8

Areng ly dei naira ai deungtasarei taphra vui ai. Khumi cheng cheaungkhangchi i mei katuichi tamui pi iy, khaileaung pri verei y mymy i khumichi avum nai kangji kangaichi ai py, tama hai vui ai. Hini ly Areng mymy kypkyp my thui nai leu ne!

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 51:22

Nangchi i Areng Tameuh ly nangchi ai ang kry iy, “Kaimy nangchi teng y kado katheu ang pei nai khau ly nangchi teng i nai kang la pi ali teang ai. Nangchi ai pavui tapai hai nai kreip hang ly nangchi nei u ali bi ai ny y.

ISAIA 52:9

Jerusalem mary i phra seaungkhrang nai yhm hlauchi awi! Amotheu naimy aeu u. Areng ly mymy i khumichi ai awm hai nem bo. Mymy ly Jerusalem mary ai atleu bo.

ISAIA 54:14

Nang ly hawi nai reita ai sangum khai nai deaungkho y, khaw jo ai. Ana nai hawi jei hyn nairachi tama ai.

ISAIA 60:18

Khrukhra nai katyn katengchi theu ai ny y leang bo. Nang i pri py phra naira avum bi ai ny y. Kai ly mary apai kamta nang ai ama hai iy kang kry ai. Nang py nangmy ai atleu nai molam y kai ai palo ai.

ISAIA 65:19

Kaimy kypkyp malawn py, Jerusalem mary deaungkho y py, huni mary i mipuichi deaungkho y py, amo theu ai. Huni mary y vo nai hawi kasabawmra hnei nai khumichi awm ai ny y.

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

Ezekiela 35:10

“Kai Areng ly Juda hawi Israela chengchi i vui Tameuh ne lawh teu i py, nang ly huni khumichi hawi, nichi i prichi ai peang iy nangmy i kiu y tym hai vui ai, nanai thui lawh bo.

Ezekiela 36:15

Huni pri ly khumi cheng cheaungkhangchi my panui hai nai raawi thai u bi ai ny y; labeaung pi hai nai py niu ali bi ai ny y. Huni pri ai py phra hai bi ai ny y. Hini ly sa thai naira angym nai kai, Areng i pei nai leu ne,” napi.

Ezekiela 39:29

Kai ly kaimy i khumi Israela chengchi tlang tleaung y kai i phailo lei pi ai. Nichi ai mana khala py kai nithun thun bi ai ny y. Hini ly sa thai naira angym nai kai, Areng my pei nai leu ne,” napi.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

JOELA 3:17

Areng my, “Israela chengchi awi, huna nai khala kai ly nangchi i Areng Tameuh ne, nanai pany u ai. Kai ly kaimy i Zion mawi kachaira y kaawm nai ne. Jerusalem mary ly mary kachai lawm ai. Cheng takhra khumichi ly huni mary ai, mana khala py peang u bi pajau ai ny y.

AMOS 9:15

Kai ly kaimy i khumichi ai, kaimy pei nai pri y kaimy awm hai ai; ami py nichi ai taphra naira avum hai bi y ai,” napi. Hini ly nangchi i Areng Tameuh my leu pei nai ne.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

HABAKKUK 2:17

Nangchi ly Lebanon thengreungchi paliu u bo. Vai ly nangmychi kypkyp ai paliu nai avum u ai. Nangchi ly huni thengreung theung i amso tawnbawichi ai tleh u bo. Vai ly amso tawnbawichi my nangchi ai jei hyn hai ai. Nangchi my sa tamang nai khumi ai padei nai molam py, khaileaung pri y awm nai khumichi hawi marychira awm nai khumichi ai khrukhra hai naichi molam py, hina naichi tym ai.

HABAKKUK 2:8

Nangchi ly pri neangneangchira i khumichi ai tiu iy lawm u bo. Vai dei kamthum khumichi ly nangchi my khumi ai padei nai molam py, khaileaung pri i khumichi hawi, marychi ai tiu nai molam py, nangchi ai tiu iy lawm u ai.

ZEPHANIAH 3:17

Nang i Areng Tameuh ly nang hawi vanrei awm; mymy i sa thai naira hawimy, nang ly eaung naira nga ai. Areng ly nang i tlang tleaung y amo theu naira nga ai. Mymy ly mymy i tamen naira hawi nang ai deung kangthaang pei ai. Mymy ly nang i molam y, amo theu nai khulym thui ai.”

ZEPHANIAH 3:5

Na i py Areng ly huni mary theung y awm jo rai. Mymy ly hawi nairachi naini sa iy, hawi y nairachi ly mana khala py so y. Khawn tleirei mymy i khumichi ai paleung phra y naimy, kahawi tara chih nai ne. Na i py hunira i khumi hawi y naichi ly hawi y nairachi sa u jojo. Nichi teng y kangji kangai py by y.

ZEKHARIAH 12:3

Na i py huni neng khala y kai ly Jerusalem mary ai, ji parai nai lengseaung pui kamta lawm hai ai. Huni lengseaung pui ai atho sa iy kateang nai khumichi ly no nga u ai. Khaileaung pri y awm nai khumi cheaungkhangchi ly huni mary ai katanmeuh iy tiu u ai.

ZEKHARIAH 14:11

Khumichi ly phra ai nai molam y pajei naira avum u y naimy, huni meingtymra y chymme naimy awm u ai.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

JOHAN 1:49

Nathanaela my ni teng y, “Rabbi, nang ly Tameuh i Chapo ne, nang ly Israelachi i Samrang ne,” nanai pathang.

JOHAN 12:15

Khen cham, nang i Samrang ly keaungngo kano kasau cho tleaung y atang naimy ang jeu ai,” nanai tajiu nai kamta.

JOHAN 19:19

Naibaly Pilata ly cha tajiu i kraws tleaung y bi.

JOHAN 5:30

“Kaimy tlairei ly ati sai py kaso thai y leang; kai i thai nai kamta ly tara kachih khyh; kai ly kaimy i kangai hau y naimy kai ai pato nai keung i kangai kahau nai deaungkho y kai i tara chih nai ly teng parai mang.

AMTENG HAI NAI 12:10

Naibaly kani pri mang y ly tao pajeng parai naimy, “Vai ly kaichi i Tameuh i atleu naira hawi, sa thai naira hawi, peang naira hawi mymy i Krista i aly peang naira py tym bo; kaichi i amjo amnauchi ai seu nai keung, kaichi i Tameuh i mo y ly vum kanithun seu jojo nai keung ai ly aphi kathiu vui bo.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.

AMTENG HAI NAI 19:16

Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.

AMTENG HAI NAI 7:15

Hunai deaungkho y nichi ly Tameuh i areng atehra mo y awm u i, mymy i achura yhm kalen pui y vum kanithun mymy i kalop sa pi jojo: naibaly areng atehra tleaung y ateh nai keung ly nichi i salo y mymy i kanih yhm py jang ai.