ZEPHANIAH 3:13 - Khumi Common Language Bible

¹³ Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.

ZEPHANIAH 3:13 ပူးပေါင်းရင်းမြစ်များ

2 NENG SATANG 20:30

Hunai deaungkho y Jehoshapha ly tlamsa naimy peang ai nai nga. Tameuh my ni i pri meingtym tleirei y chymme naira awm hai bo.

JOBA 11:19

Nang ly mani paleung ka-e ai py, jei hyn ai ny y. Khumi mipuichi malawn py, nang teng y kasabawmra hnei u ai.

SAM 119:3

Huni khumichi ly kamngo so u y naimy, Areng i reita lam y tako u reng nai ne.

SAM 120:2

Aw Areng, ka-chawi thui reng naichi hawi tapawp hyp reng nai khumichi kiu i nai kai ai atleu kyh ba.

SAM 120:3

Nangchi ka-chawi thui reng nai khumichi awi, Tameuh my nangchi ai ati ang sa ai mo? Mymy ly nangchi ai ati mana ang pajeng ai mo?

SAM 23:2

Mymy ly kai ai acha heng-a meingtymchira y anawn hai; Awmnemra tavo micheaung mang y ang pahawi bo.

ISAIA 17:2

Suria mary ly khumi angso savai tlang jojo nai mary lawm ai. Huni marychi ly beramchi hawi si, painochi i vui sui tlai naira lawm ai. Huni tawnbawichi ai paryh pawn ai nai khumi awm ai ny y.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 54:14

Nang ly hawi nai reita ai sangum khai nai deaungkho y, khaw jo ai. Ana nai hawi jei hyn nairachi tama ai.

ISAIA 6:13

Huni pri y khumi chungphy horei vi awm ai khyh na lawh teu i py, huni khumichi ly myh kang u ai nai ne. Huni khumichi ly paliu vui nai ngopraibiu keungchi i miukhiuchi hawi atawm ai,” napi. (Dengkeaung miukhiuchi ly Tameuh i khumichi deung kangtha amteaung nai sai pany hai nai ne.)

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

ISAIA 65:10

Nichi ly kai ai chiu naimy, mymychi i beram hawi si, painochi ai nidym mang i Sharon adym y py, nisi mang i Akhaw leaunghawi sui tlai naichira y py, anawnra palawn iy typ u ai.

JEREMIA 23:4

Kai ly nichi ai kry ai nai peang nai keungchi kakhai pi ai. Kai i khumichi ly jei hyn u ai ny y. Kai ly nichi ai kapajeng ali bi ai ny y. Hini ly kai, Areng i thui nai leu ne,” napi.

JEREMIA 30:10

“Kai i khumichi awi, jei u moh; Israela khumichi awi, jei nai kaso theu u moh. Langheng y hawi iy nangchi awm u nai pri, huni pri kamlo dengdairei, nangchi ai kaimy atleu ai. Nangchi ly vawi teang iy tlamsa naimy awm u ai. Ami my py nichi ai pajei ai nai nga ai ny y.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

Ezekiela 39:26

Nichi ly mymychi i pri y pajei pahyn ai nai khumi by y i, tlamsa naimy awm u nai khala, kai i tlang tleaung y ka-ym by y nai deaungkho y tahm phra u nai bo, nanai tami pajau y ai.

JOELA 3:17

Areng my, “Israela chengchi awi, huna nai khala kai ly nangchi i Areng Tameuh ne, nanai pany u ai. Kai ly kaimy i Zion mawi kachaira y kaawm nai ne. Jerusalem mary ly mary kachai lawm ai. Cheng takhra khumichi ly huni mary ai, mana khala py peang u bi pajau ai ny y.

Levi 26:6

“Kai ly nangchi i pri y tlamsa hai nai deaungkho y, nangchi ly vum y ka-jeira molam paleung mawn naira by y naimy, i nem ai nai nga u ai. Kai ly nangchi i pri i nai mawi kasichi paryh pi pawn ai. Tavai takai ly avum bi ai ny y.

MIKHA 4:4

Khumi luteng ly mymychi i kreip akho, mymychi i thaidu keung akho theung y jei y naimy, tlamsa nai awm ai nai nga u ai. Hini ly ati cheaungkhang sa thai nai Areng my pei nai leu ka-deu ne.

MIKHA 4:7

Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

ZEPHANIAH 2:7

Dei kamthum Juda khumichi ly nangchi i pri peang vui ai. Nichi ly huni meingtym y beram kanghuchi typ naimy, Asakelon mary i yhmchira y i u ai. Nichi i Areng Tameuh ly nichi hawi vanrei awm iy, nichi ai kahawi palum teang ai.

ZEPHANIAH 3:5

Na i py Areng ly huni mary theung y awm jo rai. Mymy ly hawi nairachi naini sa iy, hawi y nairachi ly mana khala py so y. Khawn tleirei mymy i khumichi ai paleung phra y naimy, kahawi tara chih nai ne. Na i py hunira i khumi hawi y naichi ly hawi y nairachi sa u jojo. Nichi teng y kangji kangai py by y.

ZEKHARIAH 8:12

Nichi ly mychi i amti amjangchi tlamsa naimy pati u ai. Nichi i kreip keungchi ly athaichi pasu ai. Khaileaung ly amti amjangchi thawn hai iy, kani my py khri pa-rei nai hai ai. Awm rai nai kai i khumichi teng y, hini amtheaung nairachi kapei pi ai.

ZEKHARIAH 8:16

Nangchi sa ai avo naichi ly amy tengtawi leu kateng katheu ai nai hawi, adyh adawi ai nai molam, meitang naimy tara chih u ai nai ne.

ZEKHARIAH 8:3

Kai ly kaimy i chai parai nai Jerusalem mary y kavawi teang ai. Huni mary y kaawm ai. Huni mary ly ka-ym awm nai mary nanai py, ati cheaungkhang sa thai nai Areng i mawi ly mawi kachai nanai py, amyn pathi ai.

MATTHAI 13:41

Khumi i Chapo my ly mymy i kani pri i amtaw thau naichi ai pato ai i, mymy i peang naira i dengdairei kamngo sa hai reng nairachi ai hawi, atiti hawi y sa reng nai keungchi bawibawi ai ly patheu ai i, mai pui kangveaung y aphi ai:

JOHAN 1:47

Isu ly Nathanaela ni teng y jeu ai tau nai niu i, “Khen cham, Israela khumi meitang, tapawp nai paleung den py by y nai ho,” nanai ni i satang thui pi.

KOLOSA 3:9

nangchi ly khumi kangngym hawi mymy i atiti sa naichi hawi raurei leng vui iy khumi kangtha amthypu veng nai deaungkho y, ka-chawi athui u leungtang moh;

I PETERA 3:14

Na i py nangchi ly hawi naira deaungkho y patang u baly, nangchi ly taham hawi; naibaly nichi i pajei naira ai ly jei u moh ly, paleung py bi u moh:

I JOHAN 5:18

Ami py Tameuh i tapen nai ly kamngo sa nai ny y leang, nanai achi pany; Tameuh teng i awm nai my lyni ai kry jojo i, kamngo sa reng nai keung my ly ni ai nam py nam pajau y leang.

AMTENG HAI NAI 14:5

Naibaly nichi i labeaung y ka-chawi theu nai ly ami py pany vai y; nichi ly cheh ai by y pa-rei lawh veng.

AMTENG HAI NAI 21:27

naibaly atiti chai y nai amjy mo, amso ngailai nai hawi ka-chawi thui nai keung mo huni theung y tlen py kun ai ny y; Beram Cho i heng naira cha-iu y amyn tajiu angchi nai ngiereichi naini kun ai khyh.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.