ZEPHANIAH 2:11 - Khumi Common Language Bible

¹¹ Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.

ZEPHANIAH 2:11 ပူးပေါင်းရင်းမြစ်များ

ATITI AWM ANGCHEI NAI 10:5

Nichi ly pangli peang jeungrei hawi tlawnchira y awm nai khumichi i amsi pajochi ne. Japheth i kangpreangchi ly cheng takhra, pri takhra, leu takhra naimy amprei akyhkyh iy awm u bo.

SAM 138:4

Aw Areng, khaileaung pri y awm nai samrang bawibawichi ly nang i adeu nai leuchi thai u nai deaungkho y nang ai palo u ai.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

SAM 86:9

Nangmy sa nai khumi cheng cheaungkhangchi ly jeu iy, nang i mo y lu meung u ai; nichi ly nang i nang parai nai sai palo u ai.

ISAIA 2:20

Huni neng kani tym nai khala y, khumichi ly mychi i sa nai muku, tangka mynchi ai thangbui hawi phanglauchi sala y aphi iy khai su ai.

ISAIA 42:10

Khulym kangtha thui iy, Areng i nang parai nai ai palo u. Khaileaung pri i khumi bawibawichi awi! mymy ai palo nai khulym thui u. Pangli y amki naichi awi, mymy ai palo u! Kamlo prichi hawi hunichira y awm nai khumi bawibawichi awi, khulym thui u!

ISAIA 42:4

Ni ly paleung phra atho di ai ny y. Khaileaung pri y ka-dyh ka-dawi naimy peang nai ly khaw jojo ai. Kamlo prichi py ni i parip nai ai, paleung apei parai naimy ajeng u ai,” napi.

ISAIA 49:1

Pri takhra i khumi cheng cheaungkhangchi awi, kamlora y awm nai khumichi awi, kai i thui nai leu nangchi tangai u! Kai ai tapen y rai khala my Areng ly kai ai vawi takhra iy, mymy i miseaung y ang khai bo.

JEREMIA 10:11

(Nangchi khumichi awi, kani khusang hawi khaileaung so y nai tameuh ai ly kani anui i py, khaileaung salo i py, tama pawn ai, nanai nichi teng y thui pi ai nai tla.)

JEREMIA 46:25

Israela chengchi i Tameuh, ati cheaungkhang sa thai nai keung Areng my, “Kai ly Thebe mary y awm nai Ammon tameuh ai Aikupta pri, Aikupta tameuhchi, samrangchi hawi vanrei pajeng ai. Aikupta pri samrang hawi ni ai paleung pado nai ngiereichi ai pajeng ai.

DANIELA 11:18

Naibaly ni ly pangli sahawi i prichi ai tiu iy, pri neangneangchi ai tiu nai pajau ai. Na i py pri takhra mang i tavailu leaungrei ly ni ai tiu nai pajau vui ai. Ni i paleung len amlyh nai py, anawn hai vui ai. Suria samrang ai ni i paleung len amlyh nai molam y, kangji nga hai ai.

HOSEA 2:17

Ni ly Bala, nanai amyn ai, ni i labeaung mang katheu y ai; mo mang y palau bi ai ny y.

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

ZEPHANIAH 1:4

“Kai ly Jerusalem mary hawi Juda pri y awm nai khumi bawibawichi ai katamyh ai. Huni meingtym y Bala tameuh ai chiu nai sai kataphra be ai i, amimi py huni tameuh teng y kalop sa nai pathyp pi nai keungchi ai pany jo ai ny y.

ZEPHANIAH 3:9

Naibaly kai ly khumi cheng bawibawichi ai palum pachai teang iy, nichi ly tameuh takhrachi ai chiu y naimy, kai ai naini chiu u ai. Nichi bawibawi py kai i leu tangai u ai.

ZEKHARIAH 13:2

Huna nai khala kai ly hini pri y awm nai mynchi amyn taphra vui ai i, hunichi ai mo mang y ami py pany u ali bi ai ny y. Amymy ai amo ne, nanai thui nai ngiereichi ai, kaimy tama hai vui ai. Myn y chiu ai ngai nai paleung ka-dawn ai py taphra vui ai.

ZEKHARIAH 2:11

Huni neng khala y khumi cheng cheaungkhangchi ly Areng teng y ahihawi u iy, mymy i khumichi lawm u ai. Mymy ly nangchi theung y awm ai. Kai ai mymy pato nai ne, nanai py, nangchi pany u ai.

ZEKHARIAH 8:20

Ati cheaungkhang sa thai nai Areng my, “Pri kalenchi hawi marychira i khumichi ly Jerusalem mary y jeu u ai nai neng tym ai.

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MALAKHI 1:14

Nangmychi i beram kanghuchi theung y, no-na by y nai beramchi awm i py, kai ai tapawp iy vang teng y nai tawnbawi ai talam nai khumi ly amsawi lawi na sy. Ati mana nai mo na baly kai ly nang parai nai samrang ne iy, kai i amyn ai khumi cheng cheaungkhangchi my tahm khai jei u nai deaungkho y ne,” napi.

Leu Thui Nai 32:38

Nangchi ly huni tameuhchi teng y apathyp nai tawnbawi thau hawi kreip hangchi talam u bo. Huni tameuhchi ly vai jeu iy nangchi ai sabawm u na sy, jeu praw iy nangchi ai atleu pi na sy.

I TIMOTHEI 2:8

Hunaibaly neampachochi ly meingtym tleirei y kado theu y nai hawi aei y naimy kiu kachai pheu iy chiu so khyly kangai.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.