ZEPHANIAH 1:17 - Khumi Common Language Bible

¹⁷ Areng my, “Kai ly khumichi tlang tleaung y khri pa-rei patang naira tym hai ai i, khumi luteng ly mei kamju kamta kaveng theung y patham mengmang iy tako u ai nai tla ai. Nichi ly kai i tlang tleaung y kamngo sa u bo. Naibaly kai ly nichi i thi ai tui kamta lai vui ai. Nichi i veuchi py khaileaung salo y veaung tlawn naimy awm ai,” napi.

ZEPHANIAH 1:17 ပူးပေါင်းရင်းမြစ်များ

SAM 83:10

tavai sum u nai deaungkho y, nichi i veuchi ly tavai atiu nai meingtym y veaung tlawn nai kamta, huni amsawi amnai asa nai kamkawm ai py, huna nai khaileaung y veaung tlawn naira vum hai ba.

ISAIA 29:10

Areng ly nangchi ai rai y naimy i hai vui ai. Amochi ly khumichi i mei lawm ai nai avo teu i py, Tameuh ly nichi i mei tamym pi vui bo.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

JEREMIA 10:18

Nangchi ai lijaira i lijai alyn ko nai kamta, Areng ly nangchi ai hini pri i nai, leaungrei py by y pa-rei paryh pawn ai. Nangchi ly patiu naira avum nai deaungkho y, paleung phra u ai.

JEREMIA 15:3

Nichi i tlang tleaung y ka-jeira hawi parai nai sai palyhrei katym hai ai nai, kai Areng my leu pacheang yb nai bo. Nichi ly tavai keung y dei u ai. Nichi i veuchi ai uichi my tawn ai. Huni kadei veuchi ai tavochi my patiu ai. Huni bo i nai ly mawi kasichi my cha ai.

JEREMIA 18:21

Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 4:18

Aw Juda pri, nang ly nangmy i awm nai, sa nai saichi molam y hina naichi tym haibo. Nang i paleung y haisau hawi thun nai kamta, nang ly nangmy i kamngo deaungkho y, hini patang naira avum nai ne.

JEREMIA 8:2

Nichi ly mychi i kangai tahm khai nai, chiu sa nai, adeng ahui u nai kanito, lo, ka-sichi anui y, huni hiuchi ai jang jaai ai. Hunichi ai pakym iy up ai nai tleaung y ly khaileaung kahawi lawm ai nai pala jawn ai.

TANGAM NAI LEU 1:14

“Mymy ly kai i kamngo bawibawichi pany pi jo nai ne. Hunichi ai pateungchup iy, kai i kaneaung y awi hai i, kai ly kamngo myn ji parai nai deaungkho y, atho bai na bo. Areng ly kai ai paleung ka-echi teng y au bo; kaimy py nichi ai tlau teang pajau y.

TANGAM NAI LEU 1:18

“Na i py Areng ly leu meitang adyh adawi nai ne. Kai ly mymy i leu pei nai tangai y. Meingtym tleirei y awm nai khumichi awi, kai i leu tangai u; kai i patang nai khen u cham. Kai i chapo thawndeangchi hawi chaniu anglochi ly langheng y hawi nai avum u bo.”

TANGAM NAI LEU 1:8

Ni i tahm awm nai ly tama vui bo; ni ly tlang ka-keu hawi amso ngailai nai lawm bo. Ni ly tangam i, kaji nai deaungkho y, my i meimai tamym bo. Jerusalem mary ly hawi y keh nai kamngo sa nai deaungkho y, mymy ai mymy naimy chai hai y nai ne.

TANGAM NAI LEU 2:21

Miteaung deaungdichi ly lam y atlym iy dei u. Thawndeang anglochi ly paleung ka-echi i haisau tamo y dei u. Nang ly kado theu nai kani y pahen y naimy, nichi ai tleh chauchau bo.

Ezekiela 16:38

Kai ly nang ai ami i yhm hlau taphra nai hawi, khumi ai padei nai molam y kang pajeng ai. Kai ly khri pa-rei kado theu i, kang khen pajau y nai deaungkho y, nang ai vawitheung tha iy kang padei ai.

Ezekiela 24:7

Huni mary theung y khumi ai padei nai kahm awm; na i py thi ly khaileaung y beu y, chaipyn nai lengseaung bailang salo y beu nai deaungkho y, spryh hawi taphum ai nai ngo y.

Ezekiela 24:8

Huni thi my kado theu hai iy vawitheung tha ai nai molam y, huni thi ai taphum thai y nai meingtym y beu hai nai ne,” napi.

AMOS 4:10

“Kaimy Aikupta pri y tym hai nai kamtang ly nangchi teng y py tym hai bo. Nangchi i thawndeang deaungdichi ai, tavai keung y kaimy padei nai ne. Nangchi i keaungngochi py la pi veng. Nangchi i tavai taichira y, nangmychi mang i khumi tlaiveu kamui ly nangmychi teng y amseaung hai bo. Na i py nangchi ly kai teng y jeu y naimy awm u nai ne.

MIKHA 7:13

Na i py huni pri khumichi kamngo nai molam y, nichi i awm nai meingtymchi ly khumi by y nai daichi ka-vym lawm ai.

MATTHAI 15:14

Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,

ROM AVANGCHI TENG Y PAWLA I CHA PA NAI 11:25

Amjo amnauchi awi, Cheng Takhrachi ai angym hai y rai khala y Israela khumi phyreichi i tlang tleaung y ly kyh chawn veng naira tym bo, nanai hini leu kathiu ly nangchi pany y ai nai kangai y leang, ti y baly nangchi ly tahm apasang u lawh na.

ROM AVANGCHI TENG Y PAWLA I CHA PA NAI 11:7

Tumbaly mana ai mo? Israelachi ly mymychi i hau nai ly niu y, vawi naichi naini niu, takhra bawibawichi ly kyh chawn u veng bo.

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

II PETERA 1:9

Ami py huni atitichi by y nai khumi ly mei kamju ne i, kasa deih chy naira y harei niu khyh, jangni i kamngochi pachai pi nai ly tami veng lawh.

I JOHAN 2:11

Na i py amy i amjo amnau ai niu ngai y nai khumi ly kaveng y awm iy, kaveng y tako nai py ne teang; kaveng my ly mymy i mei ai paju hai nai deaungkho y mymy ly amy i tako ai nai lam py pany y.

AMTENG HAI NAI 3:17

Nang my ly, Kai ly nang chy bo: yhmtheaung py awm, ati sai py katakang y leang, nanai thui; naibaly nang kypkyp ly ngari py tla, pahen ai nai py awm parai, kamawn py kamawn, mei py paju, beng tlenrei py ne, nanai nang pany y.