ZEPHANIAH 1:12 - Khumi Common Language Bible

¹² “Huni neng khala y kai ly maisi yhm syn iy, Jerusalem mary theung y hau ai. ‘Areng ly hawi nai, hawi y nai, ati sai py so vai y,’ nanai athang khai iy thui nai khumichi, amychi ai tahm apasang iy paleung tienem naichi ai, kai ly pajeng ai.

ZEPHANIAH 1:12 ပူးပေါင်းရင်းမြစ်များ

JOBA 21:15

Nichi ly Tameuh ai chiu ai nai ngai u y. Mymy teng y chiu sa hnei takeng nai ly ati sai py ny y, nanai dawn u bo.

SAM 10:4

Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

SAM 14:1

Khumi ka-khumchi my, “Tameuh by y,” nanai dawn iy athang khai u nai ne. Nichi bawibawi ly sa nai sai hawi y i, amso ngai nairachi sa u; kahawi sa nai khumi leaungrei py by y.

SAM 94:7

Nichi my, “Areng ly kaichi ai niu y leang; Israela chengchi i Tameuh ly niu y leang,” nanai thui u bo.

ISAIA 5:19

Nangchi my, “Kaichi niu ai nai Areng ly mymy i leu pei nai kamta, so pi kaliki sy. Israela chengchi i chai parai nai Tameuh ly mymy i dawn tau naichi so pi takengkei na sy. Mymy i dawn tau nai achi khen u sina,” nanai thui lawh.

JEREMIA 10:5

Hina nai mynchi ly pajawi baira i tavo pajei nai mynchi hawi atawm iy, leu py katheu kawp y. Nichi ly tako thai y nai deaungkho y, nichi ai kajeaung pi ai nai tla. Mynchi ly nangchi ai hawi nai py, hawi y nai py so pi thai y. Nangchi ly hunichi ai jei u moh,” napi.

JEREMIA 48:11

Areng my, “Moba pri i khumichi ly chymme naimy awm jo reng nai deaungkho y, pri pala naira avum u vai y nai ne. Moba pri ly laawm harei i nai laawm harei mang y patlai y; tahawi py tahawi y iy angdeang jo nai kreip hang hawi atawm; mui hawi kalum kathau phra y naimy, hawi veangveang nai ne.

Ezekiela 8:12

Tameuh my kai ai, “Nang khumi cho awi, Israela cheng luchi i kangviu kam-ai y sa naichi nang niu a? Nichi ly mymychi kypkyp i mynchi awm nai takun theung y chiu u. Nichi my, ‘Areng ly achi ai niu y leang! mymy ly achi i pri khai su bo,’ nanai akhi u,” napi.

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

Ezekiela 9:9

Tameuh my, “Israela hawi Juda mipuichi i kamngochi ly khri pa-rei len parai na; nichi ly pri theung i meingtym tleirei y khumi ai padei naichi hawi Jerusalem mary verei y kamngo kawi hai nai y, ‘Areng ly achi pri ai khai su bo, Areng ly achi ai niu ngai y leang bo,’ nanai thui u nai ne.

AMOS 6:1

Zion mary y tlamsa tlamja naimy awm u nai khumichi awi, Samari mawi salo y chymme naimy awm u nai khumichi awi, mipuichi my ahui amang nai khumichi awi, khumi chengchi theung y tahm asang nai Israela chengchi awi, nangchi i vui ka-jei awm nai neng kani lawm ai!

OBADIA 1:6

Esaw i katu chanauchi awi, nangchi i yhmtheaung katuichi ang lawm pi pawn veng bo.

MALAKHI 2:17

Nangchi ly leu peung ala nai deaungkho y, Areng ly kano ngai y bo. Na i py nangchi my, “Kaichi ly nang ai kano angai hai y ai nai ati mana kasa u lawh mo?” nanai thui u. “Areng ly khumi hawi y nai ngiereichi ai khumi kahawi palawn bo,” nanai thui nai py, huni khumichi ai kawn nanai py, leu meitang adyh adawi bo, nanai athang khai nai Tameuh ly ma mang y awm mo?” nanai thui nai molam y py, nangchi ly mymy ai kano angai hai y nai ne.

II PETERA 3:4

panui hai nai tarawi y ang tym iy, “Ni ly ang jeu bi ai nai leu adeu nai ly ma mang y mo? Amsi sangumchi i, i ngym veng nai kani i dengdairei khaileaung palum kha i nai kamta ly atiti bawibawichi ly awm veangveang chy bo,” nanai thui ai. Hini satang nichi ly tami akhikan :

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.