ZEKHARIAH 9:9 - Khumi Common Language Bible

⁹ Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

ZEKHARIAH 9:9 ပူးပေါင်းရင်းမြစ်များ

1 ARENG KEH 1:38

Hunai deaungkho y Zadok, Nathan, Benaja hawi samrang i tamcheaung risachi ly Solomon ai samrang Davida i keaungngo kano kasau atang hai iy, Kihon micheaung mang y chei hai u bo.

SAM 149:2

Israela chengchi awi, nangchi ai sa nai keung molam y amo theu u; Zion mary i khumichi awi, nangchi i samrang molam y amo theu u!

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 45:1

Samrang i vui hini khulym katajiu nai thym y, kai i paleung ly taham hawi nai leuchi kawi na bo. Kai i labeaung ly cha tajiu keung kahawi leaungrei i cha kaleaung hawi atawm.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 30:6

Tameuh i hini leu pei nai ly tokalawi mang daichi ka-vymra y awm nai, daichi mawichi i vui ne. Mymy ly “Savaichi ly khrangsichi aeung nai meingtym, pavui kangsochi, naka kangkheangchi awm iy ka-jeira nawi nai meingtym y tako u prei nai ne. Huni khumichi ly mymychi ai ati kasabawmra py pei pajau y nai khumi cheng i vui y, vang kateng langseaungchi ai keaungngo kano kasauchi, kula-iuchi hawi tang iy syn u bo.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

ISAIA 43:11

“Kai leaungrei naini Areng ne. Kai leaungrei naini nangchi ai atleu pajau khyh.

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 62:11

“Nangchi ai atleu nai keung Areng ly mymy i atleu pi nai khumichi ai hawi iy ang jeu ai,” nanai Jerusalem mary i khumichi teng y thui pi ai nai, Areng ly khaileaung pri khumi bawibawichi teng y amthang hai ai.

JEREMIA 30:9

Ti y naimy nangmychi i Tameuh kai, Areng i kalop ai py, nichi i samrang y kaimy khai nai samrang Davida i kangpreangchi i kalop ai py, sa u ai nai tla ai.

Ezekiela 21:32

Nang ly mai teicha lawm ai. Nang i thi ly nangmy i pri y beu ai; nang ai ami py pany ali bi ai ny y,’ ” napi. Hini ly kai, Areng i thui nai leu ne.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

MIKHA 4:8

Tameuh my angdeangra mang dengdairei, mymy i khumichi ai beram typ keung kamta kry nai meingtym Jerusalem mary awi, nang ly hini pri i mary pui lawm reng nai kamta, vai py mary pui lawm ai.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

ZEKHARIAH 2:10

Areng my, “Aw Jerusalem mary i khumichi awi, amo theu naimy khulym thui u; kai ly nangchi theung y awm hai ai nai kang jeu ai!” napi.

MATTHAI 1:21

Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

MATTHAI 11:29

Kai i langvui apatli u ly, kai teng y amtiu u; kai ly paleung jypjyp nai hawi tahm apanem parai nai he: hunaibaly nangchi i phailo i vui anawn naira nga u ai.

MATTHAI 2:2

“Judachi i samrang tapen nai ly ma mang y mo? Kaichi ly nisi mang y mymy i ka-si niu i, mymy ai chiu ai nai kang jeu nai he,” napi.

MARKA 11:7

Naibaly nini ly keaungngo kano kasau cho ly Isu teng y pahawi hawi iy, tlang tleaung y myni i kanih bai hawi i mymy ly atang.

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

JOHAN 1:49

Nathanaela my ni teng y, “Rabbi, nang ly Tameuh i Chapo ne, nang ly Israelachi i Samrang ne,” nanai pathang.

JOHAN 19:15

Naibaly nichi my ly, “Lo la, lo la, kraws tleaung y tahen!” nanai aeu u. Pilata my nichi teng y, “Nangchi i samrang ai ly kraws tleaung y katahen ai a?” napi. Pathyp pi nai keung kalenchi my ly, “Kaisara ny y baly kaichi i samrang takhra by y leang,” nanai pathang.

TARA CHIH NAI KEUNGCHI 10:4

Ni ly keaungngo kano kasau ha harei atang nai, chapo leaung phairei awm; nichi ly Kilead pri y mary phairei peang ai nai nga u. Huni marychi ly ‘Ja-ira i avangchi’ nanai, vaini khrairei amyn awm jo nai ne.