ZEKHARIAH 9:6 - Khumi Common Language Bible

⁶ Asadod mary y cheng nai, cheng y nai khumichi awm u ai. Areng my, “Kai ly Philistia chengchi i paleung len nai panem pi vui ai.

ZEKHARIAH 9:6 ပူးပေါင်းရင်းမြစ်များ

Parip nai leu 6:2

Tameuh ly khumi leaungrei teng y nang chawn ai nai, tahm awm ai nai, yhmtheaung katui hawi ngai nairachi pei. Na i py mymy ly huni khumi teng y hunichi amtym ai nai pei y; apany vai y nai khumi leaungrei teng y amtym ai nai pei reng. Hini leaungsai py atyhtyh teu, teng y nai ne.

ISAIA 23:9

Ati cheaungkhang sa thai nai keung Areng ne na a. Mymy ly nichi i paleung len nai sai nau hai vui ai ngai nai deaungkho y, nichi theung y tahm awm nai khumichi ai tahm pasang vui ai ngai nai deaungkho y, hina nai sa nai ne.

ISAIA 28:1

Israela pri ly taham si! Mychi i cha nei ala nai lu sa nai keungchi i adeung nai kaseaung lukhym kamta, huni pri i phum-ang ly rawm naimy awm nai ne. Huni lu sa nai keungchi ly amlyh am-e naimy, mychi i lu y mui kahawi rimui amthym teu i py, nei cha ala nai y atlym u na bo.

JEREMIA 47:1

Kaza mary ai Aikupta samrang my tiu y kyh rai khala y, Philistin chengchi molam y Areng ly kai teng y leu ang pei nai ne.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

AMOS 1:8

Asadod hawi Asakelon marychi peang nai khumichi ai katamyh vui ai. Kai ly Ekron mary ai py kapajeng ai. Awm asai rai nai Philistia khumi ngiereichi py, dei u be ai,” napi.

ZEPHANIAH 2:10

Huna nai kamta Moba hawi Ammon khumichi ly mymychi i paleung len nai, amlyh am-e nai hawi ati cheaungkhang sa thai nai Areng i khumichi ai, mei aniu y nai molam y pajeng naira avum u ai.

ZEPHANIAH 2:4

Kaza mary theung y khumi leaungrei py awm ai ny y. Asakelon mary ly khumi angso savai tlang nai meingtym lawm ai. Asadod mary i khumichi ly kani khurei my paryh nai avum u i, Ekron mary i khumichi ly huni mary i dengdairei, preang u ai nai tla ai.

ZEKHARIAH 9:5

Hina nai ai Asakelon mary ly niu iy, jei hyn ai. Kaza mary py niu i, paleung mawn, kaso theu ai. Ekron mary py hunai kamta ne iy, ni i athang khai naichi phra pawn ai. Kaza mary ly samrang kangpreang leu baw ai i, Asakelon mary ly khumi angso savai tlang naimy awm ai.

ZEKHARIAH 9:7

Nichi ly thi abawi nai mawi py, takhra paka nai teicha teinei py, cha u ai ny y. Dei kamthum khumi ngiereichi ly kai i khumichi theung y abawi ai. Nichi ly Juda cheng theaung, nupai harei kamta lawm u ai. Ekron mary i khumichi ly Jebusi mary i khumichi kamta,kai i khumichi theung y abawi u ai.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.